Sport
LIGA E PARË: FITON VARDARI, PELISTERI U BËRI “SHËRBIM” ARSIMIT DHE BASHKIMIT!
Dy ndeshjet e javës së 29-të në ligën e parë të futbollit vendor prodhoi një fitore të thellë të ekipit vendas dhe një fitore befasuese e Pelisterit në Strumicë.
Skuadra e Vardarit vazhdon sipas planit për arritjen e objektivit të tyre për titullin kampion.
Vardari dje pasdite në përballjen me Tikveshin e Kavadarit shënoi fitore të thellë 7:0.
Tikveshi në këtë ndeshje doli në fushë me formacion të kombinuar, me gjashtë futbollistë nga reparti i të rinjve.
Sulmuesi Azar Omeragiq i cili zhvilloi ndeshjen jubilar të 100-të për Vardarin ishte autor i tre golave.
Në Strumicë ekipi AP Brera zhgënjeu publikun vendas pasi pësoi disfatë nga konkurrenti drejtë për drejtë për mbijetesë 0-1 nga Pelister i Manastirit.
Golin e vetëm e realizoi Ivanovski nga penaltia, ndërsa portieri mysafir Jovçevski mbrojti penaltinë e Mihajllovit.
Pas kësaj ndeshje Arsimi i Çegranit dhe Bashkimi i Kumanovës mund të ndihen pak sa më të qetë sa i përket mbijetesës edhe pse akoma janë zonën e rrezikut.
Shaban Sinani – TV Koha
Për ndeshjen e divizionit të dytë spanjoll mes Hueskës dhe Zaragozës flet e gjithë bota, pasi portieri i ekipit mysafir goditi me grusht në kokë një futbollist të vendasve. Gjatë gjithë takimit pati tensione të mëdha në fushë, duke qenë se të dyja skuadrat luftojnë për mbijetesë, ndërsa gjithçka kulmoi në minutat shtesë.
Në ndeshjen e Divizionit të Dytë të Spanjës në futboll, të zhvilluar dje midis Hueskës dhe Saragosës, futbolli kaloi në plan të dytë për shkak të një incidenti që shkaktoi kaos të vërtetë në fushë.
Në qendër të vëmendjes ishte portieri i Zaragozës, Esteban Andrada. Fillimisht ai shtyu një lojtar kundërshtar, për çka mori kartonin e dytë të verdhë dhe u përjashtua automatikisht.
Por nuk u ndal me kaq – i revoltuar nga vendimi, u kthye dhe e goditi në kokë të njëjtin futbollist, duke e rrëzuar në tokë.
Situata eskaloi me shpejtësi. Edhe pse bashkëlojtarët e tij u përpoqën ta qetësonin, nuk arritën ta ndalonin. Në fushë shpërtheu kaos i vërtetë, u përfshinë disa lojtarë dhe në rrëmujë ishte e vështirë të kuptohej se kush kë po sulmonte dhe çfarë po ndodhte saktësisht.
Nuk ka dilema se portierin Andrada e pret një dënim i ashpër, ndërsa kërkohet madje edhe pezullim disa vjeçar për portierin e Zaragozës.
Pesë fitore të skuadrave vendase me 21 gol të shënuar është epilogu i javës së 19-të në Ligën e tretë Perendim ku skuadra e Kamjanit me 8 pikë epërsi teoritikisht ka siguruar pozitën titullin kampion.
Fundjavën që e lamë pas është zhvilluar java e 19-të e kampionatit në Ligën e tretë Perëndim.
Lideri në renditjen tabelore, Kamjani në cilësinë e vendasit shumë më rëndë se sa pritej mundi rivalin e kahmotshëm Reçicën me rezultat të ngushtë 2-1. Me tre pikët e fituara tani me 46 pikë është një hapë pranë arritjes së objektivit.
Një ndeshje shumë cilësore dhe me shumë histori është zhvilluar në stadiumin e Dritës në Bogovinë, ku vendasit në fund dolën fitues kundër Vëllazërimit te Kërçovës me rezultatin 3-2.
Ekipi nga Kërçova ka reaguar në mënyrë të ashpër duke adresuar kritika ndaj referëve të ndeshjes.
Rezultatet e javës së 19-të:
Luboteni – Napredoku 4-3, Kamjani – Reçica 2-1, Drita – Vllazërimi 3:2,
Dobrosht – Skënderbeu 3-0 dhe Xhepçishti – Vardari 3-0
Pas javës ë 19-të tabelën e kryeson Kamjani tani me 46 pikë i dyti pozicionohet Vllazërimi me 38 pikë.
SHABAN SINANI – TV KOHA
Dy fitore të ekipeve vendase, një barazim dhe pesë fitore të ekipeve mysafire me 28 gola të shënuar është epilogu i ndeshjeve të javës së 26-të në Ligën e Dytë të futbollit vendor. Katër ekipet e para vazhdojnë rrugëtimin e sukseseve. Shkëndija e Haraçinës kthehet me tre pikë të rëndësishme nga Gjevgjelia.
Në ndeshjet e javës së 26-të në Ligën e Dytë të Futbollit nuk pati befasi pasi të katër ekipet pretendente për tre vendet e para Bregallnica, Ohri, Skopje dhe Shkëndija e Haraçinës regjistruan fitore.
Bregallnica mposhti bindshëm ekipin Slloga të Vinicës 4:1, Ohri mundi Teteksin në Tetovë 2-1 , Skopje u kthye me tre pikë nga Resnja pasi mundi ekipin e Prespës 2-0.
Me tre pikë nga transferta në Gjevgjeli u kthye edhe Shkëndija e Haraçinës me fitoren shumë të rëndësishme kundër Kozhufit 1-0 me një gol të artë të Fikret Livorekës në minutat e fundit të ndeshjes.
Rezultatet e javës së 26-të: Bregallnica – Slloga Vinicë 4:1, Kamenica Sasa – Golemo Konjari 1:0, Kozufi – Shkëndija e Haraçinës 0:1, Novaci – Detonit Plaçkovica 1:1, Pobeda – Osogovo 1:8, Prespa – Skopje 0:2, Teteks – Ohri 1:2 dhe Vardari Negotinë – Bellasica 1:4
Tabelën e kryeson Bregallnica me 61 pikë, e ndjekur nga Ohri, Skopje dhe Shkëndija e Haraçinës me nga 59 pikë …
Në javën e 27-të më 2 maj me fillim në ora 16:00, takohen: Pobeda – Teteksi, Osogova – Kozhufi, Shkëndija Haraçinë – Vardari Negotinë, Bellasica – Bregallnica, Slloga – Novaci, Detonit Plaçkovica – Kamenica Sasa dhe Golemo Konjare – Prespa dhe Skopje – Ohri
Janevska: së bashku me partnerët vazhdojmë të avancojmë arsimin profesional dhe të lidhim atë me komunitetin e biznesit
Rast tmerrues i dhunës mes nxënëseve në Shkup: E djegin me cigare dhe e detyrojnë të hajë jashtëqitje qeni
Martesat e hershme/ Fëmijëri e humbur, mundësi të mohuara
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga bota1 month ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga rajoni1 month agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Sport1 month agoBARDHI: NËNVLERËSIMI VETËM SE NA MOTIVON KUNDËR DANIMARKËS!