Kryeministri Hristijan Mickoski ka komentuar nismën e Frontit Evropian, respektivisht BDI-së, për mbledhje të nënshkrimeve për nisjen e procesit për ndryshimet kushtetuese, përcjell TV21. Mickoski thotë se BDI duhet të punojë për problemet që ka me kuadrin dhe programin në parti, ndërsa shton se çështjet shtetërore, i zgjidh qeveria.

“BDI kishte mundësi ta bënte atë kur ishte në qeveri, 20 vjet ishte në qeveri. Kështu që mendoj që BDI ka problem me kuadrot dhe programin. Unë do t’u sugjeroja ta zgjidhin problemin me kuadrot dhe programin, ndërsa problemet shtetërore do t’i zgjidhë qeveria që ka legjitimitet nga qytetarët”, tha Mickoski.

Presidentja Gordana Siljanovska-Davkova priti presidentin zviceran Guy Parmelan, i cili ndodhet sot për vizitë zyrtare në vend, në një ceremoni me nderimet më të larta shtetërore dhe ushtarake, transmeton Portalb.mk.
Presidentët zhvilluan takim kokë më kokë, i pasuar nga një takim plenar i delegacioneve të Maqedonisë dhe Zvicrës.

Bisedat u përqendruan në marrëdhëniet e përgjithshme dypalëshe, me bashkëpunimin tre-dekadësh të vlerësuar si miqësor dhe të frytshëm.

Presidentja falënderoi presidentin zviceran për mbështetjen e tij të vazhdueshme të integrimit evropian të Maqedonisë, si dhe për donacionet e shumta dhe të vlefshme në fusha kyçe si: sundimi i ligjit, forcimi i institucioneve demokratike, kalimi në energji të gjelbër dhe të rinovueshme dhe mbrojtja e burimeve natyrore, veçanërisht ujit.

Ajo shprehu kënaqësi për realizimin e kësaj vizite të parë historike zyrtare të një presidenti zviceran në vend, e cila konfirmoi partneritetin midis dy vendeve.

E detyronte të kryenin marrëdhënie seksuale kur prindërit e saj nuk ishin në shtëpi
Vëllai i mitur i dërgoi viktimës mesazhe me përmbajtje të pahijshme dhe eksplicite, për një periudhë të gjatë kohore, dhe në dy raste, e detyroi të kryente marrëdhënie seksuale kundër vullnetit të saj, ka njoftuar Prokuroria Publike (PP).
Prokurori publik nga Prokuroria Themelore Publike në Gostivar, paraqiti kërkesë për fillimin e një procedurë përgatitore me një propozim për të përcaktuar një masë paraburgimi për një fëmijë 14-vjeçar, sepse ekziston dyshimi i bazuar se ai ka kryer një krim të vazhdueshëm – incest, të parashikuar në nenin 194, paragrafi 2 në lidhje me paragrafin 1 dhe në lidhje me nenin 45 të Kodit Penal, njoftoi Prokuroria.
– Fëmija, në kundrshtim me ligjin, në shkurt 2026, në dy raste, shfrytëzoi mungesën e prindërve të tij dhe kreu shkelje ligjore ndaj motrës së tij 13-vjeçare. Vëllai i mitur i dërgoi viktimës mesazhe me përmbajtje të turpshme dhe eksplicite për një periudhë të zgjatur kohore, dhe në dy raste e detyroi atë të kryente marrëdhënie seksuale kundër vullnetit të saj – thuhet në deklaratën e Prokurorise.
Duke marrë parasysh bazat ligjore dhe veçanërisht nevojën për të mbrojtur viktimën, prokurori publik paraqiti një propozim të veçantë për përcaktimin e masës së paraburgimit për fëmijën në konflikt me ligjin.
Ministria e Brendshme informoi se më 28.04.2026 në orën 09:20 në Gostivar, inspektorët e policisë nga Departamenti i Policisë së Gostivarit, në prani të një punonjësi social, privuan nga liria një të mitur, duke vepruar në bazë të një raporti të mëparshëm se ai kishte ngacmuar seksualisht dhe kishte kryer akte seksuale ndaj motrës së tij të mitur.