Në mbledhjen e sotme të 195-të, Qeveria, me propozim të Komitetit Drejtues, të përbërë nga ministri i Mbrojtjes Vlado Misajllovski, ministri i Punëve të Jashtme dhe Tregtisë së Jashtme Timço Mucunski, ministri i Punëve të Brendshme Pançe Toshkovski, ministri i Shëndetësisë Sasho Klekovski, ministri i Transportit Aleksandar Nikolloski dhe drejtori i Drejtorisë për Mbrojtje dhe Shpëtim Stojançe Angellov, si dhe anëtarët e jashtëm – ministri i Mjedisit Jetësor dhe Planifikimit Hapësinor Muhamed Hoxha, ministri i Bujqësisë, Pylltarisë dhe Ekonomisë së Ujërave Borçe Serafimovski, drejtori i Shërbimit për Punë të Përgjithshme dhe të Përbashkëta Ivica Tomovski, drejtoresha e Institutit të Shëndetit Publik Marija Andonovska, drejtori i Agjencisë për Ushqim dhe Veterinari Oliver Milanov, drejtoresha e Inspektoratit të Mjedisit Jetësor Ivana Ginovska dhe kryetari i BNJVL-së dhe njëherësh kryetar i Qytetit të Shkupit Orce Gjorgjievski, mori vendim për shpalljen e gjendjes së krizës në Komunën e Gostivarit për një periudhë prej 30 ditësh.

Duke qenë se vetëqeverisja lokale nuk është në gjendje të përballet me situatën e krijuar në Komunën e Gostivarit, sic thuhet në komunikatë,  Qeveria mori këtë vendim me qëllim të koordinimit më të shpejtë të institucioneve, rikthimit në funksion të sistemit të furnizimit me ujë dhe sigurimit të ujit të pijshëm për qytetarët në afatin sa më të shkurtër.

Shëndeti i qytetarëve të Komunës së Gostivarit mbetet prioritet i Qeverisë dhe institucionet janë të përkushtuara për zgjidhjen e plotë të këtij problemi – thuhet në komunikatën e Qeverisë.

Njëkohësisht, Qeveria pret që Prokuroria Publike të zhvillojë një hetim të detajuar dhe ta zbardhë plotësisht rastin, duke theksuar se duhet të ketë përgjegjësi për secilin që ka rrezikuar shëndetin dhe jetën e qytetarëve të Gostivarit.

Në kuadër të manifestimit “Tetova n’Festë”, mbrëmë fëmijët por edhe shumë qytetarë të rajonit të Tetovës dhe jo vetëm, patën mundësinë të shijojnë një mbrëmje të veçantë me SHKA “Xheladin Zeqiri”, maskota të dashura dhe shumë lojëra argëtuese, ku kaluan çaste të bukura plot buzëqeshje, argëtim dhe atmosferë festive në zemër të Tetovës.

Mbrëmja u organizua nga Komuna e Tetovës kurse organizatorët e kësaj mbrëmjeje ishin Elez Mema dhe Albin Ajredini, të cilët me shumë përkushtim kishin bërë të mundur realizimin e këtij aktiviteti.

Valle e Shqipërisë së Mesme nga Grupi i fëmijëve, këngë për fëmijë, SH.K.A “Xheladin zeqiri” Vallja “Kongresi i Manastirit” dhe “14 Marsi”, këngët “Tetova qyteti im”, “Kitara ime”, “Fjalët e Qiririt”, “Ndalu Vlla ta Puthi Pushkën”, Xhamadani Kuq si Gjaku” si dhe Koreodrama “ Kur dasma u be luft e lufta Liri” nga Grupi i vajzave entuziazmuan publikun dhe fëmijtë e pranishëm në Sheshin e Tetovës.

Kjo natë e bukur u përmbyll me interpretimin e fundit nga Adea Munishi me këngën “Lulkuqja e Gjakovës” ku të gjithë fëmijët u bashkuan në skenë dhe kënduan së bashku.

Mbrëmë skena u takoi fëmijëve. Ata na dhuruan këngë, valle dhe emocione të bukura, një mbrëmjen e mbushur me emocione, buzëqeshje dhe shumë talent, duke dëshmuar se fëmijët tanë janë pasuria më e madhe dhe se arti është gjuha më e bukur për të shprehur ëndrrat, dashurinë dhe kulturën tonë./Tv Koha/ 

Advertisement

Uji në Gostivar është shumë i ndotur dhe përmban baktere koliforme që tregojnë ndotje fekale, tregojnë analizat e Institutit të Shëndetit Publik, të kryera mbi mostrat e marra nga uji sipërfaqësor i kanalit të hapur. Sipas rezultateve, uji nuk mund të përdoret për asnjë qëllim.Në ujë është konstatuar prani e baktereve koliforme prej 2.419,6 njësi formuese të kolonive në 100 mililitra ndërsa kufiri maksimal i lejuar është 50 njësi formuese të kolonive për 100 mililitra.”

Prokuroria Publike ka publikuar rezultatet e analizave të mostrave të ujit në Gostivar, të cilat konfirmojnë se uji është shumë i ndotur dhe nuk mund të përdoret për asnjë qëllim. Njëkohësisht është hapur hetim ndaj ushtrueses së detyrës së drejtoreshës dhe dy drejtuesve të tjerë të NP “Komunalec” të Gostivarit, të cilët janë ndaluar nga policia.

Prokuroria Themelore Publike e Gostivarit ka nisur procedurë hetimore ndaj tre të ndaluarve për veprën penale “Vepra të rënda kundër mjedisit jetësor dhe natyrës, të shkaktuara me ndotjen e ujit për pije.”

Sipas hetimeve, më 25 qershor ata kanë urdhëruar punonjësit e ndërmarrjes të vendosin tre pompa zhytëse në një kanal me ujë sipërfaqësor të ndotur me substanca të dëmshme, pranë dhomës së tejmbushjes së ujit të pijshëm, me qëllim testimin e presionit të ujit.

Më 16 korrik, gjatë ekspertizës në vendngjarje, është konstatuar se dy nga pompat zhytëse ishin ende në funksion dhe, përmes gypave shtytës të vendosur nëpër hapjen e tejmbushjes, transportonin ujë me substanca të dëmshme dhe baktere koliforme nga sistemi i hapur – kanali – në dhomën ku ndodhej uji i sistemit të mbyllur të furnizimit me ujë të pijshëm me cilësi të përcaktuar.

Advertisement

Si pasojë, në sistem ka ndodhur përzierja, përkatësisht transferimi i ujit të ndotur nga kanali në gypin kryesor të furnizimit me ujë.

Me urdhër të prokurorit publik, Instituti i Shëndetit Publik ka analizuar mostrat e ujit të marra nga kanali i hapur. Analizat kanë treguar se uji është shumë i ndotur dhe nuk mund të përdoret për asnjë qëllim, për shkak të pranisë së 2.419,6 njësive formuese të kolonive (CFU) për 100 mililitra të baktereve koliforme, ndërsa kufiri maksimal i lejuar është 50 CFU për 100 mililitra.

Në mostrat e marra nga burimi i kaptuar është konstatuar numër i shtuar i kolonive bakteriale aerobike mezofile, si dhe prani e baktereve koliforme.

Për shkak të nivelit të lartë të ndotjes, uji është shpallur i papërdorshëm dhe i pasigurt për konsum dhe përdorim nga njerëzit.

Gjithashtu është analizuar një mostër uji nga një çezmë në rrugën JNA në Gostivar, ku është konstatuar përqendrim i lartë i klorit.

Advertisement

Duke pasur parasysh se pasojat e ndotjes nuk mund të eliminohen lehtësisht, prokurori publik ka vlerësuar se ekziston dyshim i bazuar se është kryer vepra penale për të cilën po zhvillohet hetimi.