Lajme nga vendi
KF SHKËNDIJA: FITORE KUNDËR STRUGËS PËR TË BLINDUAR POZITËN E LIDERIT!
Sot në kompleksin stërvitor të FFM-së, do zhvillohet ndeshja e fundit e javës së katërt në Ligën e Parë të futbollit vendor mes Shkëndijës dhe Struga Trim Lum. Me kthimin e tifozëve në tribuna dhe ecurinë perfekte prej tre fitoresh rresht, kuqezinjtë kërkojnë triumfin e radhës në duelin ndaj Strugës për të blinduar pozitën e liderit në tabelë.
Në ndeshjen e xhiros së katërt kundër Struga Trim Lum, skuadra tetovare sërish do të jetë me mungesa në formacion kur dihet se pos portierit Babukar Gaye dhe sulmuesit Marko Gjorgjievski, kësaj radhe do të mungon edhe mesfushori Rafael Freitas.
Por në këtë ndeshje Shkëndija do të ketë përkrahjen e tifozëve të vet të flaktë të cilët në mënyrë të organizuar do të udhëtojnë Shkup.
Para fillimit të ndeshjes me një ceremoni rasti ekipi por edhe tifozët do të falënderojnë drejtorin sportiv Ardian Cuculi për punën e deri tanishme pasi ai nga dita sotme nuk do të jetë drejtor sportiv i skuadrës.
Futbollisti Vane Kërstevski para kësaj ndeshje konfirmoi atmosferën pozitive në ekip dhe synimin e vetëm për të vazhduar ecurinë e e fitoreve drejt mbrojtjes së fokusit për titullin kampion.
“Në ekip mbizotëron një atmosferë e shkëlqyer. Po përgatitemi ngadalë për Strugën, e dimë se na pret një ndeshje e fortë dhe e kemi analizuar mirë. E nisëm mbarë me tre fitore dhe shpresojmë që nesër të lidhim edhe një tjetër, siç është normale. Mendoj se paraqitja në Evropë na mundoi pak, u eliminuam pa fat edhe pse donim të përsërisnim suksesin e vitit të kaluar. Tani jemi të fokusuar te kampionati dhe shpresojmë se do ta fitojmë titullin këtë vit, e kështu vitin e ardhshëm do ta përsërisim suksesin edhe në Evropë” – deklaroi futbollist Vane Kërstevski
Nga ana tjetër edhe skuadra e Struga Trim Lum që në tre xhirot e para ka dy fitore dhe një barazim premton lojë të mirë kundër kuqezinjve tetovar pasi kjo është përballja e 25 mes këtyre dy skuadrave që konsiderohen ndër më të mirat në vendin tonë.
Struga Trim Lum së fundit në radhët e veta ka sjell edhe dy prurje të reja si Bleron Ramadani dhe qendërmbrojtësin Edison Kola, që së fundmi ishte pjesë e KF Tirana.
Ndeshja Shkëndija – Struga Trim Lum luhet sonte me fillim në ora 19:00, ndërsa drejtësinë do të ndajë referi Stojançe Trpçevski.KF SHKËNDIJA: FITORE KUNDËR STRUGËS PËR TË BLINDUAR POZITËN E LIDERIT!
Sot në kompleksin stërvitor të FFM-së, do zhvillohet ndeshja e fundit e javës së katërt në Ligën e Parë të futbollit vendor mes Shkëndijës dhe Struga Trim Lum. Me kthimin e tifozëve në tribuna dhe ecurinë perfekte prej tre fitoresh rresht, kuqezinjtë kërkojnë triumfin e radhës në duelin ndaj Strugës për të blinduar pozitën e liderit në tabelë.
Në ndeshjen e xhiros së katërt kundër Struga Trim Lum, skuadra tetovare sërish do të jetë me mungesa në formacion kur dihet se pos portierit Babukar Gaye dhe sulmuesit Marko Gjorgjievski, kësaj radhe do të mungon edhe mesfushori Rafael Freitas.
Por në këtë ndeshje Shkëndija do të ketë përkrahjen e tifozëve të vet të flaktë të cilët në mënyrë të organizuar do të udhëtojnë Shkup.
Para fillimit të ndeshjes me një ceremoni rasti ekipi por edhe tifozët do të falënderojnë drejtorin sportiv Ardian Cuculi për punën e deri tanishme pasi ai nga dita sotme nuk do të jetë drejtor sportiv i skuadrës.
Futbollisti Vane Kërstevski para kësaj ndeshje konfirmoi atmosferën pozitive në ekip dhe synimin e vetëm për të vazhduar ecurinë e e fitoreve drejt mbrojtjes së fokusit për titullin kampion.
VANE KËRSTEVSKI- Futbollist
“Në ekip mbizotëron një atmosferë e shkëlqyer. Po përgatitemi ngadalë për Strugën, e dimë se na pret një ndeshje e fortë dhe e kemi analizuar mirë. E nisëm mbarë me tre fitore dhe shpresojmë që nesër të lidhim edhe një tjetër, siç është normale. Mendoj se paraqitja në Evropë na mundoi pak, u eliminuam pa fat edhe pse donim të përsërisnim suksesin e vitit të kaluar. Tani jemi të fokusuar te kampionati dhe shpresojmë se do ta fitojmë titullin këtë vit, e kështu vitin e ardhshëm do ta përsërisim suksesin edhe në Evropë” – deklaroi futbollist Vane Kërstevski
Nga ana tjetër edhe skuadra e Struga Trim Lum që në tre xhirot e para ka dy fitore dhe një barazim premton lojë të mirë kundër kuqezinjve tetovar pasi kjo është përballja e 25 mes këtyre dy skuadrave që konsiderohen ndër më të mirat në vendin tonë.
Struga Trim Lum së fundit në radhët e veta ka sjell edhe dy prurje të reja si Bleron Ramadani dhe qendërmbrojtësin Edison Kola, që së fundmi ishte pjesë e KF Tirana.
Ndeshja Shkëndija – Struga Trim Lum luhet sonte me fillim në ora 19:00, ndërsa drejtësinë do të ndajë referi Stojançe Trpçevski.
SHABAN SINANI – TV KOHA
Bashkimi Demokratik për Integrim (BDI) ka kërkuar sërish transparencë dhe përgjegjësi institucionale lidhur me zhvillimet në Operatorin e Sistemit Elektroenergjetik të Maqedonisë – MEPSO, duke akuzuar institucionet kompetente se, katër muaj pas ngritjes së çështjes në opinion, ende nuk kanë dhënë përgjigje konkrete.
Sipas BDI-së, në procedurën paraarbitrale para DAB-it, MEPSO ka humbur një pjesë të rëndësishme të kontestit me vlerë rreth 19.3 milionë euro, ndërsa vendimi ka qenë në favor të kompanisë “Energoinvest”. Çështja pritet të vazhdojë në procedurë arbitrazhi, ku ndërmarrja shtetërore do të duhet të mbrojë pozicionin dhe pretendimet e saj.
BDI ka ngritur pikëpyetje edhe lidhur me një kontratë të re milionëshe të MEPSO-s me konsorciumin e udhëhequr nga “Dalekovod”, ku, sipas partisë, marrin pjesë edhe “Kodar Energomontaža” nga Beogradi dhe “Elnos BL” nga Banja Luka.
Nga BDI kërkojnë të dihet se kush ka marrë vendimin për ndërprerjen e kontratës së mëparshme, kush e ka vlerësuar rrezikun juridik dhe financiar dhe kush do të mbajë përgjegjësi në rast se shteti pëson dëme shtesë në procedurën e arbitrazhit.
“Pyetja nuk është vetëm për drejtorin Burim Latifi”, thekson BDI, duke kërkuar që përgjegjësia të shtrihet edhe te institucionet kompetente për kontrollin dhe hetimin e mundshëm të vendimeve të marra në MEPSO.
BDI u është drejtuar publikisht Prokurorisë Publike dhe Komisionit Shtetëror për Parandalimin e Korrupsionit, duke kërkuar informacion nëse është hapur ndonjë lëndë, cilat veprime janë ndërmarrë dhe nëse po shqyrtohen kontratat, vendimet dhe përgjegjësia eventuale për dëmin financiar.
Partia kërkon gjithashtu transparencë të plotë lidhur me kontratën e re dhe pjesëmarrjen e kompanive nga Serbia dhe Bosnja e Hercegovina, përkatësisht Republika Srpska, në konsorciumin që ka lidhur marrëveshje me MEPSO-n.
“Katër muaj heshtje janë shumë”, porosit BDI, duke kërkuar nga institucionet përgjegjëse përgjigje konkrete se kush i ka marrë vendimet, mbi çfarë baze janë marrë ato dhe kush do të mbajë përgjegjësi për pasojat eventuale financiare.
Lajme nga vendi
Bursat botërore paralajmërojnë shtrenjtim të ushqimeve, goditja në Maqedoni pritet në vjeshtë
Rritja e çmimeve të drithërave dhe thatësira fillimisht do të prekin produktet e freskëta në tetor, ndërsa buka dhe produktet e përpunuara pritet të shtrenjtohen në pranverë.
Çmimet globale të ushqimeve kanë nisur sërish të rriten për shkak të thatësirës dhe problemeve me transportin përmes Detit të Zi. Ky trend pritet t’i japë fund periudhës së stabilizimit të çmimeve në Maqedoni gjatë vjeshtës. Sipas analizës së fundit të “Oxford Economics”, çmimet e ushqimeve në botë pritet të rriten me 11,8 për qind gjatë vitit 2026, ndërsa presioni më i madh pritet të ndihet te drithërat, perimet e freskëta dhe produktet e qumështit.
Indeksi i çmimeve të ushqimeve i FAO-s në korrik shënoi rritje mujore prej 0,6 për qind, ndërsa alarmi kryesor vjen nga drithërat, indeksi i të cilave u rrit me 3,4 për qind vetëm brenda një muaji. Çmimi botëror i grurit u rrit me 5,8 për qind, ndërsa analistët presin që në tremujorin e tretë të jetë rreth 36 për qind më i lartë krahasuar me të njëjtën periudhë të vitit të kaluar.
Shkaqet kryesore të valës së re të shtrenjtimit janë valët e të nxehtit, të cilat kanë ulur rendimentet te prodhuesit e mëdhenj, rritja e çmimeve të plehrave dhe karburanteve, si dhe ndërprerjet e reja në eksportet detare. Organizata evropiane “Coceral” ka ulur parashikimin për korrjen e drithërave në BE dhe Britani të Madhe në 286,6 milionë tonë, një rënie e ndjeshme krahasuar me 310 milionë tonët e vitit të kaluar.
Ndryshe nga vendet e zhvilluara evropiane, çdo rritje e çmimeve të produkteve bazë ushqimore në Maqedoni ka ndikim të drejtpërdrejtë dhe të fortë në standardin e jetesës. Të dhënat e Entit Shtetëror të Statistikave tregojnë se shpenzimet për ushqime dhe pije përbëjnë 50,1 për qind të buxhetit të përgjithshëm familjar.
Presion shtesë mbi tregun krijojnë edhe kostot në rritje të prodhimit në bujqësinë vendase. Në korrik, kostot për materialet dhe inputet bujqësore në Maqedoni ishin 4,1 për qind më të larta, ndërsa çmimet e blerjes së produkteve bujqësore ranë me 5,5 për qind. Kjo u lë fermerëve hapësirë minimale për të përballuar vetë rritjet e ardhshme të çmimeve të karburanteve dhe energjisë.
Maqedonia ka një mbrojtje të caktuar sa i përket grurit, falë korrjes rekord të vitit të kaluar, prej më shumë se 300 mijë tonësh, e cila sipas Ministrisë së Bujqësisë mbulon nevojat e brendshme. Megjithatë, industria ushqimore dhe mullinjtë janë drejtpërdrejt të varur nga kostot e energjisë elektrike, lëndëve të para të importuara, ambalazhimit dhe transportit, ndaj izolimi i plotë nga luhatjet e bursave botërore nuk është i mundur.
Efekti i bursave globale nuk pritet të reflektohet menjëherë, por në dy valë të ndara:
Tetor – nëntor 2026: vala e parë e shtrenjtimit pritet të prekë frutat dhe perimet e freskëta, për të cilat zakonisht duhen dy deri në tre muaj që goditja e çmimeve në bursat ndërkombëtare të reflektohet në raftet e marketeve.
Shkurt – maj 2027: vala e dytë pritet të përfshijë produktet e përpunuara, bukën, makaronat dhe produktet e qumështit, pas shterimit të rezervave ekzistuese dhe përfundimit të kontratave aktuale të furnizimit.
Komunikata e plotë e VLEN-it
Sot “këndimi” i Bujar Osmanit po merr një tjetër kuptim: Artan Grubi është para drejtësisë, ndërsa Bujari vazhdon të presë momentin për të bërë hapin drejt kreut të BDI-së.
Për muaj me radhë, Bujari ka heshtur për Grubin, edhe pse dikur të dy ishin në krye të BDI-së. Ndërsa sot bën sikur nuk kanë pasur asnjë histori të përbashkët politike.
Në vend që mandatin e ministrit të Jashtëm ta përdorte për interesat e shtetit, Bujari e shfrytëzoi për hesapet e tij brenda BDI-së, duke “kënduar” sa andej e këndej dhe duke bërë llogaritë për kreun e BDI-së.
Sot skenari po bëhet gjithnjë e më i qartë: Grubi para gjykatës, Ali Ahmeti nën presion, ndërsa Bujari pret karrigen e kryetarit të BDI-së.
Por pyetja është e thjeshtë: pse Bujari heshti për Grubin kur ishin bashkë në majë të BDI-së? Çfarë di ai për këtë histori dhe pse sot sillet sikur Grubi nuk ka ekzistuar?
Sepse në politikë, ndonjëherë nuk është e rëndësishme vetëm kush flet, por edhe pse ka heshtur deri tani.
Nëse “këndimi” i Bujarit ishte për drejtësi, le ta thotë hapur. Nëse ishte për pushtet dhe për karrigen e Ali Ahmetit, këtë tashmë po e kuptojnë të gjithë.
Grubi le të përgjigjet para drejtësisë. Bujari le t’u përgjigjet qytetarëve.
Rexhep Hajdari dhe Fati Vejseli në finalen e Lojërave Mesdhetare: Dy mundësit shkupianë synojnë medaljen e artë
LIGA E DYTË: KF KAMJANI SHËNOI FITOREN E PARË – MPOSHTI OSOGOVËN!
BDI: Katër muaj heshtje nga Burim Latifi për dëmin prej 19,3 milionë euro në MEPSO
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
