Lajme nga vendi
Mickoski: Shfuqizimi i aktgjykimit për Llaskarcin është zhgënjim, por nuk do të heqim dorë nga drejtësia
Kryetari i Qeverisë së Republikës së Maqedonisë së Veriut, Hristijan Mickoski, sot, duke iu përgjigjur pyetjes gazetareske lidhur me shfuqizimin e aktgjykimit nga Gjykata Supreme për tragjedinë në Llaskarcë, aksidentin në të cilin humbën jetën 16 persona, deklaroi:
„Shikoni, ata janë recidivistë dhe mbetje, një pjesë e vogël e Qeverisë së mëparshme të LSDM-së dhe BDI-së. Dhe kjo është përpjekja e fundit për mbrojtjen e asaj Qeverie dhe të njerëzve që ishin pjesë e asaj Qeverie.
E shihni se si luftojnë me ngulm, i amnistojnë. I tillë ishte rasti me spitalin modular, kështu është edhe tani me Llaskarcin.
Kemi tridhjetë viktima, kemi shumë njerëz që kanë invaliditet të përhershëm, por, për fat të keq, kjo nuk është arsye e mjaftueshme që këta pak gjykatës dhe prokurorë të mbajnë anën e drejtësisë. Megjithatë, ata vazhdojnë të jenë shërbëtorë besnikë të atyre që i kanë emëruar në të kaluarën.
Dhe ky është edhe një zhgënjim tjetër, jo vetëm për mua, por në përgjithësi edhe për qytetarët.
Për fat të keq, këta pak gjykatës i kontaminojnë të gjithë ata gjykatës dhe prokurorë të ndershëm që janë pjesë e sistemit tonë të drejtësisë.
Por është mirë që, kur bisedoj me kolegët e mi nga Bashkimi Evropian, t’i ndjekin këta shembuj dhe të shohin, kur flasim për sistemin e drejtësisë, me kë kemi të bëjmë dhe me kë, në thelb, kemi sfidën për t’u përballur.
Ndonjëherë kam edhe ndjesinë se po luftojmë me mullinj me erë, sikur e gjithë kjo të jetë një betejë Donkishoteske. Ju i ndiqni, i burgosni, ndërsa ata i lirojnë, njerëzit për të cilët ekziston dyshim i bazuar, përkatësisht aktgjykim i formës së prerë.
Dhe si pasojë e mënyrës se si ata punojnë së kemi dhjetëra të vdekur, sikur të mos kishte ndodhur asgjë. Për ta kjo nuk do të thotë asgjë, sepse nga ai që i ka emëruar, nga padroni i tyre, nga shefi i tyre, kanë marrë një urdhër të tillë.
Ky është një zhgënjim i madh. Por këtu nuk heqim dorë dhe nuk do të dëshpërohemi. Do të vazhdojmë të luftojmë, drejtësia në fund duhet të fitojë në fund dhe do të fitojë.“
Lajme nga vendi
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
Pronari i spitalit privat “Sante Plus”, Bilal Kara, është një prej personave të arrestuar në operacionin e zhvilluar në Maqedonisë së Veriut, në kuadër të një hetimi për abuzime me Fondin e Sigurimeve Shëndetësore.
Ai ishte shpallur në kërkim edhe nga autoritetet shqiptare që prej muajit shtator të vitit të kaluar, me dyshimin se nuk kishte deklaruar të ardhurat e përfituara në vlerën e 1 milion eurove, ndërsa në klinikë u gjetën edhe medikamente, të cilat dyshohet se kishin skaduar, por që përdoreshin nga stafi shëndetësor.
Sipas mediave maqedonase, bashkë me Bilal Kara u arrestuan edhe shtatë persona të tjerë, të cilët dyshohen për përfshirje në abuzime me procedurat e operacioneve në sy. Sipas hetimeve, dyshohet se për këto ndërhyrje kirurgjikale janë kryer pagesa si nga Fondi i Sigurimeve Shëndetësore, ashtu edhe nga vetë pacientët. Mes personave të arrestuar, sipas mediave maqedonase është edhe Geriana Arapi, ish-drejtoresha e spitalit “Sante Plus”, e cila po ashtu ishte në kërkim prej më shumë se një viti nga autoritetet shqiptare, që pas bllokimit të klinikës “International Medicare” në Tiranë. Arrestimi i tyre në Maqedoninë e Veriut pritet të pasohet nga zhvillime të tjera lidhur me procedurat ligjore dhe kërkesën e autoriteteve shqiptare për ta.
Moti sot në Maqedoninë e Veriut do të jetë i ndryshueshëm me vranësira dhe reshje lokale të shiut. Në disa lugina do të ketë kushte për shfaqjen e mjegullës së mëngjesit. Do të fryjë erë e dobët deri mesatare nga veriu.
Temperatura minimale do të jetë në intervalin nga 6 deri në 12 gradë, ndërsa maksimale do të arrijë nga 12 deri në 19 gradë.
Në Shkup, moti do të jetë kryesisht me vranësira, në orët e mëngjesit do të ketë kushte për shfaqjen e mjegullës së lehtë. Do të fryjë erë e dobët deri mesatare nga veriu. Temperatura minimale do të ulet në 10, ndërsa maksimale do të arrijë në 15 gradë.
Komunikacioni në rrugët shtetërore po zhvillohet pa probleme, në rrugë të thata, njofton LAMM. Intensiteti i trafikut në rrugët jashtë zonave urbane është mesatar.
Nuk ka vonesa të gjata në pikat kufitare në anën RMV-së për hyrje dhe dalje nga vendi.
LAMM rekomandon përshtatjen e shpejtësisë së lëvizjes, respektimin e sinjalistikës së vendosur të trafikut dhe menaxhimin e kujdesshëm të automjeteve, veçanërisht në rrugët nëpër lugina, lugina lumenjsh dhe gryka, ku ekziston mundësia e rrëshqitjeve të dheut. Kjo vlen veçanërisht për seksionet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit
Në pranga edhe pronari i “Sante Plus” në Shkup, Bilall Kara si dhe Geriana Arapi, po i kërkonte edhe Shqipëria
LIGA E DYTË: NDESHJA KAMJANI – TETEKSI NË QENDËR TË VËMENDJES
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13