Sezoni i  ri në Ligën e parë të volejbollit për meshkuj pritet të fillojë më  17 tetor ku do të marrin pjesë  12 ekipe të ndara në Ligën A dhe B  me nga 6 ekipe të cilat do luajnë 20 xhiro, 10 në vjeshtë  dhe 10 në pranverë. Në xhiron e parë janë dy derbi: Universiteti i Tetovës – Shkëndija  dhe Susheva – Liria.

Kampionati  në Ligën e parë  të volejbollit  në kategorinë e meshkujve  pritet  të  fillon më  17  tetor, ndërsa  organet e  Federatës së volejbollit janë duke  përgatit   një  sistem  të ri  ku pas xhiros  së  parë  gjashtë  ekipet  fituese do  të  vazhdojnë në Ligën  A, ndërsa gjashtë  ekipet  tjera  në Ligën B.

 Ekipet në të dy grupet A dhe B, do të vazhdojnë të luajnë sipas një sistemi pikësh me katër raunde. Gjatë  gjithë kampionatit  do të  zhvillohen  gjithsejt  20  xhiro, 10  në sezonin vjeshtor  dhe  10 në atë të pranverës.

DURIM LUMA – Trajner  i KV Shkëndija ‘’Për këtë vit ka një risi se do të ndryshojë  sistemi i garave. Xhiroja e parë  do të  luhet  me  vetëm një ndeshje , pra sipas renditjes nga  vitit i kaluar  të kampionatit . Pra  i pari me  të 12-in,  i dyti me  të 11-tin  , i treti me  të 10-tin  e kështu me radhë.  Liga e parë  do të ndahet  në dy grupe , pra  gjashtë të parët do të  mbeten në Super Ligën e Volejbollit, ndërsa  gjashtë  ekipet tjera mos  të them në ligën e dytë, por në rangun e dytë  të Ligës së parë të Maqedonisë ‘’ deklaroi  trajneri Durim Luma

Klubi i volejbollit Shkëndija  pas  10-të ditëve stërvitje  në terren të hapur  në  banjën e Tetovës nga  dita e djeshme  zyrtarisht   ka  nisur  përgatitjet  në sallën e  sportit  te Gjimnazi i  Tetovës

Advertisement

‘’Po ne kemi startuar  që me  1 shtator  edhe pse  temperaturat  kanë qenë  jashtë zakonisht të nxehta dhe të larta. Ne  këtë e kemi shfrytëzuar  10  ditët e shtatorit , pra  10-tët e para kemi ushtruar  në  bazë  fizike  të  cilat  i kemi  shfrytëzuar  terrenet në banjës së Tetovës. Pra  më së  shumti kemi punuar në vrapime  deri në 5-6 kilometra  në ditë dhe  disa  ushtrime  fizike  dhe psiko-motorike  aty në banishtën e Tetovës.  Ekipi  ynë për momentin është  i njëjti, pra  të gjithë lojtarët  janë aktiv  dhe kanë mbetur  në  klub. Kurse  kryesia  bënë  përpjekje  që këtë javë n e  fundit  deri  më  20 shtator  besoj se do të  dimë edhe  rrjedhën e aktiviteteve  tona për të përforcuar ekipin. Flitet  për dy lojtar mirëpo ende nuk është asgjë konkrete ‘’  tha  trajneri Luma

Klubi  i volejbollit  Shkëndija krahas  përgatitjeve  intensive në  fazën e dytë  planifikon të  zhvilloj edhe  disa ndeshje  kontrolluese  me ekipet vendor  dhe ato nga Kosova.

Në xhiron e parë takohen: UGD Shtipi – Janta Volej, Boreci – Vesna Probishtip, Strumica – Majedonija  Xhio, Rabotniçki – Skopje , Susheva – Liria dhe Universiteti i Tetovës – Shkëndija.

Më 15.09.2026 në orën 22:05 në lagjen ,,Pitarnica” të Gostivarit, zyrtarët policorë nga SP Gostivar kanë arrestuar personin S.SH.(22) nga Gostivari. Ai kërkohej me fletëarrest në bazë të urdhëresës gjyqësore për vuajtjen e dënimit me burg në kohëzgjatje prej një viti për veprën penale të kryer „prodhim i paautorizuar dhe lëshim në qarkullim i barnave narkotike, substancave psikotrope dhe prekursorëve“ sipas nenit 215 të Kodit Penal. Personi është dërguar në Institucionin Ndëshkues-Përmirësues Burgu i Tetovës për vuajtjen e dënimit.
…….
Më 15.09.2026 në orën 10:40 në SP Gostivar, personi M.A.(45) nga fshati Banjicë e Poshtme, rajoni i Gostivarit, ka raportuar se më 14.09.2026 rreth orës 23:00, personi G.SH. në një bisedë telefonike ka kërcënuar djalin e saj 17-vjeçar. Sipas raportimit, shkak ka qenë një përleshje e mëparshme fizike mes fëmijëve të tyre. Siç është raportuar, G.SH. e ka thirrur djalin e saj në rrugën „Beliçica“, ndërsa pasi kanë arritur, G.SH., dy djemtë e tij dhe dy persona të tjerë me përdorim të forcës e kanë marrë atë dhe shokun e tij B.E. në një objekt në ndërtim e sipër dhe i kanë sulmuar fizikisht, me ç’rast G.SH. ka përdorur një rrip dhe i ka shkaktuar lëndime trupore, të konstatuara në Qendrën Mjekësore në Gostivar. Po merren masa për zbardhjen e rrastit.
……
Më 15.09.2026 në orën 17:30 në SPB Tetovë, një grua 55-vjeçare nga Kosova ka raportuar se është mashtruar nga personi H.I. nga Tetova. Sipas raportimit, para një viti e gjysmë ai i ka ofruar për shitje një automjet udhëtarësh „Audi“, me ç’rast janë dakorduar të paguajë një pjesë të parave përmes transferit të shpejtë të parave në emër të motrës së tij. Siç është raportuar, ajo i ka paguar paratë më 03.09.2026, pas së cilës personi ka ndërprerë komunikimin me të dhe ajo ka kuptuar se është mashtruar. Po merren masa për zbardhjen e rasteve.
…….
Më 15.09.2026 në orën 22:45 në rrugën „Ilinden“ në Gostivar, zyrtarët policorë nga SP Gostivar kanë privuar nga liria personin B.A.(29) nga fshati Çegran, rajoni i Gostivarit, pasi që gjatë kontrollit tek ai është gjetur dhe konfiskuar një substancë pluhur e bardhë. Pas dokumentimit të plotë të rastit, kundër tij do të parashtrohet parashtresë përkatëse.
……
Më 15.09.2026 në orën 23:30 në një fshat të Gostivarit, zyrtarët policorë nga SP Gostivar kanë privuar nga liria personin B.K.(52) nga ai fshat, duke vepruar sipas raportimit të mëparshëm nga bashkëshortja e tij 40-vjeçare se në shtëpinë familjare, pas një mosmarrëveshjeje të shkurtër, ka derdhur kafe të nxehtë në të, me ç’rast ajo ka pësuar djegie. Ai është ndaluar në stacionin policor dhe pas dokumentimit të rastit do të vijojë kallëzimi përkatës.

Ministri i Punëve të Brendshme, Pançe Toshkovski, në paraqitjen e tij në RTMV, foli për situatën aktuale të sigurisë, hetimin për vrasjen në Çair dhe lëvizjen e krimit në tetë muajt e parë të këtij viti.

Lidhur me vrasjen në Çair, ministri informoi se hetimi është ende duke vazhduar dhe se rrethanat që lidhen me njërin nga dy të dyshuarit po sqarohen, përfshirë edhe çështjen pse personi ishte në arrati në kohën e krimit.

Toshkovski tregoi se në këtë fazë nuk mund të japë detaje shtesë rreth hetimit dhe pret që të dyshuarit së shpejti do të privohen nga liria. Ai kujtoi se në rastet e mëparshme të krimeve më të rënda, të dyshuarit janë siguruar dhe janë marrë masa të përshtatshme kundër tyre.

Duke iu përgjigjur pyetjes nëse qytetarët janë të sigurt, ministri theksoi se situata e sigurisë duhet të vlerësohet në bazë të të dhënave dhe krahasimeve specifike, dhe jo vetëm përmes ngjarjeve individuale.

“Pyetja nëse qytetarët janë të sigurt është legjitime. Mund të them lirisht po, por është ende një çështje komplekse. Nuk mund ta interpretojmë jashtë asaj që duhet të jenë numra, statistika dhe realitet”, theksoi Toshkovski.

Advertisement

Sipas të dhënave që ai paraqiti, në periudhën janar-gusht 2026, u regjistrua rënie në disa kategori krimesh të rënda krahasuar me të njëjtën periudhë të vitit të kaluar.

Numri i vrasjeve u ul nga 19 në 12, ose me rreth 37 përqind. Numri i autorëve u ul nga 26 në 13, ndërsa numri i viktimave u ul nga 20 në 12, që përfaqëson rënie prej rreth 40 përqind.

“Rënie veçanërisht e theksuar, prej afërsisht 65 përqind, u regjistrua në vrasjet e mbetura në tentativë. Grabitjet u ulën me rreth 40 përqind, dhe vjedhjet e rënduara me afërsisht 30 përqind krahasuar me të njëjtën periudhë në vitin 2025”.

“Mund të vlerësoj lirisht se kemi rënie të numrit të krimeve të këtij lloji të krimit të dhunshëm. Nëse do të flisnim për grabitje, kemi rënie prej rreth 40 përqind, dhe nëse do të flisnim për vjedhje të rënduara, kemi rënie prej rreth 30 përqind”, theksoi ministri.

Toshkovski vlerësoi se këta tregues tregojnë përmirësim të situatës së sigurisë në fushën e krimit të dhunshëm dhe atij ndaj pronës, por theksoi se ka edhe kategori krimesh në të cilat është regjistruar një rritje.

Advertisement