Kryeministri i Kosovës, Albin Kurti ka folur për zgjedhjet në Serbi që u mbajtën të delen e kaluar, duke thënë se pati rezultate historike.

Për humbjen e zgjedhjeve nga koalicioni i Aleksander Vuçiqit dhe moskalimin e pragun të listës së Ivica Daçiqit, ka thënë pasardhësit politik të Millosheviqit humbën.

“Lista Studentore doli e para, koalicioni i Vuçiqit e humbi shumicën parlamentare, ndërsa Lista e Daçiqit mbeti jashtë Kuvendit. Një çerekshekulli pas humbjes se Millosheviqit, në fillim të shekullit 21 edhe pasardhësit e tij politik, Vuçiqi e Daçiqi humbën”, ka thënë Kurti në mbledhjen e Qeverisë.

Ndërsa, e ka vlerësuar historike rezultatin e “Koalicionit Shqiptar” që ka arritur të sigurojë dy ulëse në Kuvendin e Serbisë.

Kurti tha se ky rezultat u arrit falë bashkimit

Advertisement

“Bashkimi i të gjitha forcave në një, për çka e falënderoj secilin subjekt politik. Bashkimi duhet të vazhdojë me mbrojtjen me të fuqishme të drejtave, ndaljen e diskriminimit dhe për një jetë më të mirë”, tha ai.

Ambasadori i Paqes Botërore, Tahir Shabani, ka ligjëruar para studentëve të Fakultetit Juridik në Universitetin e Evropës Juglindore, në Shkup. Ai u zotua se do të mbështesë vizitat studimore të studentëve në Kuvendin e Kosovës, ndërsa universitetit i dhuroi botime me rëndësi për studimet juridike dhe zhvillimin akademik. Gjatë ligjëratës, Shabani foli edhe për bashkëpunimin ndërinstitucional, shtetin e së drejtës dhe rëndësinë e ndarjes së pushteteve në funksionimin e demokracisë.

Ambasadori i Paqes Botërore, Tahir Shabani, njëherësh president i Institutit për Zhvillim dhe Bashkëpunim, me seli në Gjenevë të Zvicrës, ka mbajtur një ligjëratë para studentëve të Fakultetit Juridik në Universitetin e Evropës Juglindore, në Shkup.

Gjatë ligjëratës, Shabani u zotua se do t’i mbështesë studentët që dëshirojnë të realizojnë vizita studimore në Kuvendin e Kosovës.

Përveç kësaj, Shabani njoftoi se do t’i dhurojë universitetit disa botime me rëndësi për studimet juridike dhe përgatitjen akademike të studentëve.

Kemi raporte të mira edhe me Kuvendin e Kosovës këtë libër do ua lë juve për fakultet. Kur studentët kanë nevojë për me bo ndonjë vizitë studimore në Kuvendin e Kosovës do të jemi urë lidhëse mes Prishtinës dhe Shkupit. Përball kësaj është një botim shumë i shkëlqyeshëm nga institucioni i Avokatit të Popullit do të jetë për biblotekën tuaj dhe sidomos për studentët që kanë nevojë. Përball kësaj kemi fuqizimin, kur ka përfundu mbikqyrja ndërkombëtare në Kosovë një botim është shumë interesant në aspektin kushtetues të Pavarësisë së Kosovës edhe kjo do të jetë një botim i shkëlqyeshëm.

Advertisement

Gjatë takimit, Shabani ndau me studentët edhe përvoja konkrete nga bashkëpunimi ndërinstitucional, duke sjellë si shembull një kërkesë që kishte marrë nga Prokuroria e Kosovës për organizimin e një vizite studimore në Francë.

Më erdhi një kërkesë nga Kosova, Prokuroria e Kosovës donin ta vizitonin Francën. Unë ua propozova bashkëpunimin rajonal është më i frytshëm sesa bashkëpunimi bilateral, mes Parisit dhe Prishtinës. Edhe ashtu doli. Një delegacion nga Prokuroria e Prishtinës vizituan një zonë rajonale, u trajtua Zvicra, Frankosys dhe Italia, dmth hyri një kontekst rajonal. Por, këtu duhet të jetë edhe vullneti politik, funksionimi i shtetit të së drejtës. Montesque filozofi francez e ka pasur një mesazh shumë të qartë, aty ku nuk ka ndarje të pushteteve është e vështirë të funksionojë demokracia.

Në përfundim të ligjëratës, Shabani la të hapur mundësinë që sesioni pranveror i Ambasadorëve të Paqes, gjatë këtij viti, të organizohet në ambientet e Universitetit të Evropës Juglindore, në Shkup ose në Tetovë./Tv Koha – Shkup/ 

Nga ditët e vështira të luftës, te kujtimet e paharruara të bankës shkollore. Gjatë qëndrimit në Shkup, kryetarja e Kuvendit të Kosovës, Albulena Haxhiu, u rikthye në Kondovë të Sarajit, aty ku dikur gjeti strehim si refugjate dhe ku ndau vitet e shkollimit me shokët e shoqet e klasës. Një vizitë mes emocionesh, nostalgjisë dhe kujtimeve që as vitet, as rrugët e ndryshme të jetës nuk i kanë fshirë.

Pas takimeve me liderët shtetërorë dhe politikë, kryetarja e Kuvendit të Kosovës, Albulena Haxhiu, gjatë qëndrimit të saj në Shkup, ka zhvilluar edhe një vizitë tejet emocionale, të mbushur me kujtime nga e kaluara.

E shoqëruar nga delegacioni i saj, Haxhiu, pas përfundimit të vizitave zyrtare, ka vizituar familjen Sinani në Kondovë të Sarajit, ku kishte qëndruar si refugjate gjatë luftës të viteve 1998-1999 në Kosovë.

Pamjet dhe fotografitë nga kjo vizitë janë shpërndarë me shpejtësi në rrjetet sociale.

Vizitën në Kondovë edhe më emocionale e ka bërë edhe një koment i publikuar nga Ferinaz Fazli, shoqja e klasës me të cilën Albulena Haxhiu kishte ndarë bankën shkollore në fshatin Kondovë.

Advertisement

FERINAZ FAZLI – SHOQE E ALBULENA HAXHIUT

“Me ardhjen tuaj na nderuat dhe na rikujtuat se, pavarësisht se ku na çon jeta dhe çfarë përgjegjësish mbajmë, rrënjët dhe kujtimet tona mbeten gjithmonë pjesë e zemrës. Për mua është një emocion edhe më i veçantë, sepse pata nderin të ulem në të njëjtën bankë shkollore me ju. Kush do ta mendonte atëherë se, pas kaq shumë vitesh, rrugët e jetës do t’ju çonin në një pozitë kaq të lartë në Kosovë dhe se një ditë do të riktheheshit në vendin ku dikur kemi ndarë kujtimet tona shkollore”.

Ndërkohë, TV Koha ka siguruar edhe një fotografi ku Albulena Haxhiu shihet së bashku me shokët dhe shoqet e klasës nga shkolla fillore “Bajram Shabani” në Kondovë./Tv Koha – Shkup/

Advertisement