Sport
SKOCI – RMV: NË GLASGOV PËR KTHESË POZITIVE!
Përfaqësuesja e Maqedonisë së Veriut, pas tre ditëve përgatitje në kampin stërvitor të FFM-së, sot ka udhëtuar për në Glazgov, ku të premten do të përballet me Skocinë. Futbollisti Marko Gjorgjevski, gjatë një prononcimi për mediat është shprehur me optimizmë se tashmë është koha për kthesë pozitive.
Përfaqësuesja e Maqedonisë së Veriut edhe ditën e djeshme ka vazhduar përgatitjet intensive për dy ndeshjet e fundit të fazës së grupeve në Ligën e Kombeve kundër Skocisë dhe Sllovenisë.
Nga dy ndeshjet e fundit, seleksionuesi Goce Sedlloski ashtu edhe i gjithë ekipi presin një kthesë pozitive pas dështimeve në katër ndeshjet e para.
Pritshmëritë e tij para dy ndeshjeve ndau edhe sulmuesi i Shkëndijës, Marko Gjorgievski, i cili shpreson se me performancën e tij debutuese do ta ndihmojë përfaqësuesen e Maqedonisë së Veriut të kthehet në nivelin e dëshiruar.
“Shpresoj se, nëse do të marr një shans në ndonjërën nga ndeshjet, do të jap kontributin tim dhe se do të fillojmë të ecim në drejtim pozitiv, ashtu siç e meriton kjo përfaqësuese. Në çdo përfaqësuese dhe në çdo klub vjen një periudhë e caktuar krize, por mendoj se ka ardhur koha të dalim prej saj dhe shpresoj që gjithçka të jetë siç duhet. Futbollistët më me përvojë në përfaqësuese tashmë janë në formë konkurruese dhe mendoj se kjo do të dëshmohet në ndeshjet kundër Skocisë dhe Sllovenisë. Besoj se seleksionuesi do të gjejë mënyrën se si të rreshtohemi dhe të zhvillojmë një ndeshje të shkëlqyer, t’i kundërvihemi Skocisë dhe të arrijmë rezultat pozitiv” deklaroi Marko Gjorgjioevski
Ndryshe, pikërisht sot bëhen 6 vite, kur Maqedonia e Veriut bëri historinë, ku në Tbilisi mundi Gjeorgjinë dhe u kualifikua për në Kampionatin Evropian.
Atëherë me Angelovskin dhe Milevskin si selektorë Maqedonia e Veriut ishte faktor në futbollin evropian. Brenda një viti e gjysmë mposhtëm Gjeorgjinë në balotazh, Gjermaninë si mysafir, Italinë si mysafir dhe ishim 90 minuta larg Mundialit në Katar 2022.
Ku jemi tani?
Tani nuk kërkojmë histori, por kërkojmë dhe lutemi që të shënojmë gol.
Në Ligën A, UGD Shtipi vazhdon rrugëtimin e fitoreve, kësaj radhe në transfertë mundën 3-1 ekipin e Strumicës.
Universiteti i Tetovës edhe në ndeshjen e tretë të sezonit ka pësuar humbje, kësaj radhe në Veles nga ekipi i Borecit 3-0.
Ndeshja e tretë në Ligën A, Rabotniçki – Susheva është anuluar për më 17 nëntor.
Në Ligën B, Shkëndija e Tetovës ka shënuar fitoren e tretë duke mposhtur 3-0 Skopjen.
Fitore të sigurt 3:0 ka regjistruar edhe Liria e Zherovjani kundër Janta Volej, ndërsa Makedonia Xhio ka shënuar fitore 3-0 kundër Vesna Probishtipit.
Java e katërt e kampionatit në Ligën A dhe B zhvillohet të shtunën;
Liga A: UGD Shtipi – Boreci, Rabotniçki – Strumica dhe dhe Susheva – Universiteti i Tetovës Tetovës
Tre fitore të skuadrave vendase dhe tre të atyre mysafire është epilogu i gjashtë ndeshjeve të zhvilluara në mëngjesin e sotëm në kampionatin amerikan të basketbollit NBA. Boston kryeson konferencën e Lindjes
Bostoni ka marrë kreun e renditjes në Konferencën e Lindjes pas fitores 123-101 në transfertë ndaj Filadelfias , dy skuadra pretendente për titull këtë sezon. Vendimtar ishin lojtarët e makinës të cilët realizuan 40 pikë, ndërsa më efikasi ishte Pol Xhorxh me 36 pikë të realizuara.
Fitore ka realizuar edhe kampioni në fuqi Nju Jorku që mundi ekipin e Milvoki një ndeshje e komanduar nga vendasit, ku u dalluan Brunson me 23 pikë dhe Touns me 21 pikë dhe 16 kërcime.
Në transfertë fitore ka shënuar edhe Majami që mundi 115-100 ekipin e Juta duke iu afrua zonës të ekipeve që pretendojnë play off-in. Lojtari më i mirë i ndeshjes ishte Janis Antetokumpo me 30 pikë dhe 11 kërcime. Skuadra e Feniks ka regjistruar fitore të thellë para publikut vendas 133-100 kundër ekipit Cliperrs . Fitore të sigurt ka regjistruar edhe Portland në përballjen me Oklahoma 123 -103, ndërsa Sakramento ka pësuar humbje si vendas 100-107 ndaj Orlandos
Pas ndeshjeve të sotme tabelën në konferencën e Lindjes kryeson Boston me 9 fitore e 2 disfata, para Filadelfias që ka 9 fitore e 3 disfata
Rezultatet: Nju Jork – Milvoki 117-85, Filadelfia – Boston 101-123, Feniks – LA Klipers 133-110, Juta – Majami 109-115, Sacramento – Orlando 100-107, Portland – Oklahoma City 123-103.
Në Ligën e Tretë të futbollit në Rajonin e Gjashtë në mesin e tre ekipeve që pretendojnë kreun e tabelës është edhe klubi i futbollit Dobroshti që pas 10 xhirove të zhvilluara mbajnë pozitën e dytë pas Dritës së Bogovinës. Synimi I tyre është ngjitja në kategori më të lartë.
Sezoni vjeshtor në Ligën e Tretë – Rajoni i Gjashtë, krahas Dritës së Bogovinës në sipërfaqe ka nxjerrë edhe një pretendent tjetër për kreun e tabelës.
KF Dobroshti i themeluar në vitin 1997, me 7 fitore , 1 barazim dhe 1 disfatë, me 22 pikë të grumbulluara mbanë pozitën e dytë në tabelë.
Arben Gafuri, anëtari i kryesisë së klubit, i cili njëherit është edhe lojtar aktiiv në këtë skuadër, për TV Koha u shpreh se pas tre viteve gara në Ligën e Tretë, tashmë janë pjekur kushtet dhe mundësitë për një rang më të lartë.
‘Gati tre vite me radhë jemi në ligën e tretë dhe dy vitet e fundit ne bisedim me kryesinë dhe me sponsorët tanë dhe gjithë ata që na përkrahin kemi vendos që të garojmë për tu inkuadruar në ligë të dytë. Kemi afruar lojtar cilësor, staf të përgatitur dhe kemi financa që na premtojnë që të shkojmë në ligë të dytë . Ne jemi një grup shumë i konsoliduar i kryesisë në bashkëpunim edhe me lojtarët . E kemi një përkrahje të fuqishme nga sponsorët nga diaspora , bashkësia lokale e fshatit tonë si dhe institucionet si Komuna e Tearcës ku ne i përkasim‘’
KFDobroshti krahas përkrahjes që ka nga bashkësia vendore, sipas Arben Gafurit mbështetja nuk mungon as edhe nga institucionet por edhe kompanitë private.
‘’Në rajonin tonë kryesisht bizneset që operojnë dhe që janë nga fshati Dobroshtë po edhe bizneset jashtë fshatit tonë në komunën të Tearcës japin përkrahje për klubin e Dobroshtit dhe sportin nëpër gjithësi., Tash kemi edhe lojtar që janë nga jashtë gati gjysma e fontit të lojtarëve është nga jashtë , Kjo e bënë që edhe firmat të afrohen. Dmth ku synimi është më i lartë normal edhe sponsorët shohin diçka më shumë tek ne ‘’
Arben Gafuri, si anëtar i KF Dobroshtit, ditë më parë është pritur edhe nga Zv/Ministrja e Sportit, Safije Sadiku Shaini, me të cilën kanë biseduar për situatën e klubit.
‘’Me zëvendësministren zonjën Safje biseduam rreth problemeve të infrastrukturës që kemi, problemet e klubit, problemet e që na tangojnë neve çdo ditë si klub , si pjesë e sportit. Ajo na dha një përkrahje të madhe që do të jetë afër nesh për çdo problem që do faqet tek ne‘’
Arben Gafuri është i vetëdijshëm se për një rang më lartë nevojiten kushte dhe infrastructure, por me përkrahjen e sponsorëve, tifozëve që janë një numër të konsiderueshëm, shpresojnë që të arrijnë qëllimin.
Testi i parë paraqet superderbi në Ligën e Tretë, Dobroshti – Drita e Bogovinës, ku krahas rezultatit pozitiv premtojnë spektakël të vërtetë./Tv Koha/
ABU DHABI: RRAHJE NË HOTEL MIDIS YJEVE TË UFC-së
VOLEJBOLL: KOMPLETOHET JAVA E TRETË E KAMPIONATIT
SKOCI – RMV: NË GLASGOV PËR KTHESË POZITIVE!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13