Connect with us

Lajme nga vendi

Mijallkov fiton edhe dy javë liri, nesër duheshte të paraqitet në burg

Published

on

Ish shefi i policisë sekrete, Sasho Mijallkov, nesër duheshte të fillojë të vuajë dënimin me burg prej tre viteve në burgun e Strugës. Por siç mësojnë mediat maqedonase, Mijallkov ka kërkuar shtyerje të vuajtjes së dënimit për dy javë, e kështu tani në burgun e Shutkës do të paraqitet më 22 gusht, transmeton Zhurnal.

Mijallkov arriti marrvëveshje me Prokurorinë dhe e pranoi fajin në rastin “Perandoria” ndërsa përskaj dënimit me burg, do të ngelë edhe pa 6,1 milion euro para në dorë dhe patundshmëri me vlerë rreth 30 milion euro.

Ai ka ndryshuar adresën e banimit në Ohër ku do të qëndrojë me qira, ndërsa në Ohër gjithashtu e ka transferuar edhe adresën e një prej firmave të tij.

Në burgun e Strugës dënimin do ta vuajnë edhe tre të akuzuar në rastin “Perandoria” të cilët pranuan fajin e ato janë Orce Kamçev, Nenad Josifoviq dhe Todor Mirçevski. Edhe këta gjithashtu në mënyrë eksprese e ndryshuan adresën e banimit nga Shkupi në Ohër./Zhurnal.mk

Advertisement
Click to comment

You must be logged in to post a comment Login

Leave a Reply

Lajme nga vendi

Ministri Tripunovski paralajmëron masa të reja për fermerët e rinj dhe mbështetje për modernizim në bujqësi

Published

on

Ministri i Bujqësisë, Pylltarisë dhe Ekonomisë së Ujërave, Cvetan Tripunovski, ka paralajmëruar mbështetje për modernizimin e bujqësisë, duke vënë theks të veçantë edhe te fermerët e rinj. Në një intervistë për „News Max Balkans“, ministri paraqiti rezultatet nga thirrjet e realizuara, si dhe planet për periudhën e ardhshme.

“Si Ministri po punojmë në drejtim të modernizimit të bujqësisë, tashmë janë shpallur një sërë thirrjesh publike që nënkuptojnë stimulim për fermerët maqedonas. Përveç shpalljeve standarde dhe të rregullta të IPARD-it për blerje të mekanizimit, përmes programeve kombëtare shpallëm një seri thirrjesh publike”, theksoi ministri Cvetan Tripunovski.

Një nga thirrjet më të rëndësishme është e ashtuquajtura masa 50-50, përmes së cilës Ministria bashkëfinancon blerjen e mekanizimit modern bujqësor.

“Thirrja e parë publike nga programet kombëtare që e shpallëm është në fushën e blerjes së mekanizimit, që mes fermerëve është e njohur si masa 50-50, ku bashkëfinancojmë blerjen e mekanizimit modern”, sqaroi ministri.

Përveç kësaj, janë realizuar edhe thirrje për mekanizim përcjellës, si dhe për blerje të sistemeve bashkëkohore për mbrojtjen e prodhimeve bujqësore nga ndryshimet klimatike.

Advertisement

“Këtu do të doja të përmend edhe thirrjen publike për investime në blerje të pajisjeve për prodhim të ushqimit me prejardhje shtazore dhe jo-shtazore, që është dedikuar bizneseve të vogla familjare. Në këtë thirrje publike përfshihen edhe investimet për prodhim vere dhe pije alkoolike në shkallë më të vogël. Pra, përmes këtyre thirrjeve publike japim mjete financiare për blerje të pajisjeve dhe makinerive që do të sjellin modernizim dhe përmirësim të kapaciteteve ekzistuese”, theksoi ministri Tripunovski.

Ministria kushton vëmendje të posaçme për fermerët e rinj, si motorë të së ardhmes në sektorin agrar, gjë që tashmë po jep rezultate konkrete. Ministri Tripunovski informoi se në thirrjen publike për fermerët e rinj kanë arritur gjithsej 254 aplikime, prej të cilave janë miratuar 117. Ai theksoi se kjo është vetëm një nga masat e realizuara deri më tani, ndërsa vitin e ardhshëm do të shpallen edhe programe të reja të destinuara për fermerët e rinj.

Continue Reading

Lajme nga vendi

Shuhet zjarri në Cerovë, katër zjarre janë ende aktive

Published

on

Aktive janë katër zjarre në hapësirë të hapur, të cilat janë nën kontroll të plotë ose të pjesshëm, ndërsa tërësisht është shuar zjarri i cili shpërtheu dje në territorin e komunës së Zhelinës, në hyrje të fshatit Cerovë dhe në orët e mbrëmjes është zgjeruar në drejtim të vendit Karpallak afër autostradës Shkup-Tetovë, informojnë nga Drejtoria për Mbrojtje dhe Shpëtim (DMSH).

Në shuarjen e zjarrit në Zhelinë janë përfshirë Njësia Territoriale e Zjarrfikësve Tetovë dhe Brigada e Zjarrfikësve e Qytetit të Shkupit.

Nga DMSH dërgojnë falënderim për zjarrfikësit e Shkupit dhe Tetovës të cilët, siç theksojnë, në kushte të natës arritën ta shuajnë këtë zjarr të madh i cili në disa pjesë është zhvilluar në terren vështirë të arritshëm.

Gjatë ditës së djeshme plotësisht janë shuar 29 zjarre në hapësirë të hapur.

Continue Reading

Lajme nga vendi

MASH: Fillon aplikimi i mësimdhënësve për trajnim mbi zbatimin e inteligjencës artificiale në mësimdhënie

Published

on

Ministria e Arsimit dhe Shkencës (MASH) njofton se mësimdhënësit e shkollave të mesme në vend mund të aplikojnë për trajnim të avancuar për zbatimin e inteligjencës artificiale në mësimdhënie.

Nga MASH thonë se nëse kanë njohuri bazë të mjeteve digjitale dhe zotërojnë në mënyrë aktive gjuhën angleze, ata mund të aplikojnë për trajnimin „AI në klasë“, i cili do t’i ndihmojë të përfshijnë inteligjencën artificiale në të gjitha fazat e procesit mësimor – nga përgatitja e orës mësimore deri te vlerësimi.

“Ministria e Arsimit dhe Shkencës, në bashkëpunim me grupacionin Brainster, ka shpallur thirrje publike për pjesëmarrje në trajnim, ndërsa aplikimi zgjat deri më 12 shtator, ndërsa deri në fund të muajit do të bëhet përzgjedhja dhe testimi i kandidatëve. Trajnimi fillon më 1 tetor. Aplikimi është në linkun në vazhdim”.

“Mësimdhënësit që do të marrin pjesë në trajnim do të kenë qasje falas në 8 kurse të ndryshme çdo muaj, me përmbajtje më bashkëkohore dhe praktike, ndërsa për përvetësimin me sukses të tyre, pasojnë 8 certifikata digjitale në muaj, si dhe certifikatë të shtypur pas përfundimit të plotë të programit. Ligjërues do të jenë instruktorë me përvojë ndërkombëtare, ndërsa Fakulteti Brainster Next do të formojë një grup mentorësh që do të ofrojë mbështetje të individualizuar për mësimdhënësit”, thonë nga MASH.

Continue Reading

Më të lexuarat