Lajme nga rajoni
Escobar: Kosova dhe Serbia të zotohen se nuk do të ketë dhunë
I dërguari amerikan për Ballkanin Perëndimor, Gabriel Escobar, ka thënë të premten se qëllimi i vizitës së tij në Kosovë dhe Serbi këtë javë, është për të mbështetur përpjekjet e Bashkimit Evropian në gjetjen e zgjidhjes mes Kosovës dhe Serbisë për targat e makinave dhe dokumentet serbe.
Ai i ka bërë këto deklarata në një konferencë për media në Ambasadën amerikane në Beograd.
Escobar ka thënë se dëshiron që të dyja palët të zotohen se nuk do të ketë dhunë.
“Dialogu nuk është klinikisht i vdekur, unë nuk jam pjesë e dialogut, Shtetet e Bashkuara nuk janë pjesë e dialogut, por ne mbështesim dialogun e ndërmjetësuar nga Bashkimi Evropian. Shpresoj që deri në fund të muajit ne do të gjejmë rrugë për të vazhduar. Në të njëjtën kohë, dialogu do të vazhdojë. Të gjitha marrëveshjet do të duhet të zbatohen, përfshirë formimin e Asociacionit”, ka thënë ai.
“Ne u kemi thënë liderëve të Kosovës dhe Serbisë se ne presim që çështja e zbatimit të të gjitha marrëveshjeve ekzistuese të jetë në agjendën e takimit të radhës, ne nuk presim që të arrihet marrëveshje atëherë, mirëpo natyrisht që presim të jetë në agjendë”.
Escobar dhe i dërguari i Bashkimit Evropian për dialogun mes Kosovës dhe Serbisë, Mirosllav Lajçak kanë vizituar këtë javë Kosovën dhe Serbinë, me qëllim të shmangies së tensioneve mes dy vendeve.
Kryeministri i Kosovës, Albin Kurti dhe presidenti serb, Vuçiq janë takuar më 18 gusht në Bruksel, por takimi nuk ka pasur ndonjë rezultat konkret.
Takimet e tyre janë mbajtur pas tensionimit të situatës në veri të Kosovës më 31 korrik, meqë serbët lokalë kanë vënë barrikada si shenjë pakënaqësie ndaj hapit të Qeverisë së Kosovës për zbatim të vendimeve për targat dhe dokumentet serbe.
Kosova dhe Serbia kanë marrëveshje për lëvizje të lirë prej vitit 2011.
Serbia e ka zbatuar nga fillimi, Kosova jo.
Si pasojë e tensioneve, Qeveria e Kosovës ka shtyrë zbatimin e vendimit për 1 shtator.
Escobar ka thënë se faktori ndërkombëtar do të vazhdojë të kërkojë nga të dyja palët që të garantojnë paqe dhe stabilitet.
“Agjenda e dialogut është krijuar nga përfaqësuesi i BE-së. Çështja më e rëndësishme është zotimi i liderëve, dhe këtë e kemi marrë nga ata, roli ynë është që ata të zbatojnë këto zotime në mënyrë që të arrihet marrëveshja”.
Përgjatë konferencës, Escobar ka thënë se shpreson që më 1 shtator, të mos ngarkohet jetesa e banorëve në veri të Kosovës dhe ata të jetojnë në paqe.
“Shpresoj se ata nuk do të kenë nevojë për procedura administrative shtesë për të shkuar në shtëpitë e tyre. Besoj se do të mund të arrijmë këtë gjë”.
Sa u përket bisedimeve, ai ka thënë se ato kanë qenë të vështira, mirëpo ka parë “gatishmëri për të gjetur zgjidhje, gatishmëri për të ndërtuar besim përgjatë procesit”.
“Mund t’i them publikut në Serbi që kemi dëgjuar shqetësimet e tyre, në disa raste ka shqetësime serioze për serbët në Kosovë, ka probleme serioz në besim (mes dy palëve”.
Kryeministri i Kosovës, Albin Kurti, ka përsëritur më 24 gusht se do t’i përmbahet vendimit për targa dhe dokumente serbe.
Presidenti i Serbisë, Aleksandar Vuçiq, ka thënë në orët e para të së premtes se shpreson në një zgjidhje kompromisi me Kosovën, për çështjen e targave dhe dokumenteve serbe.
Sekretari i Përgjithshëm i NATO-s, Jens Stoltenberg, ka thënë më 17 gusht se i takon Beogradit dhe Prishtinës që të shmangin përshkallëzimin e situatës.
Stoltenberg ka thënë se situata në terren është përmirësuar, ndonëse misioni i NATO-s në Kosovë, KFOR, është duke vëzhguar situatën dhe është i gatshëm të intervenojë në rast të destabilizimit.
“Nëse ka nevojë, ne do të lëvizim forcat dhe do të rrisim prezencën tonë. Tashmë kemi rritur prezencën në veri. Ne do të veprojmë kur ka nevojë, dhe në mënyrë proporcionale”.
Gjykata Themelore në Prishtinë e ka shpallur fajtor Millorad Gjokoviqin për krime lufte kundër popullsisë civile dhe e ka dënuar me 10 vjet burgim.
Aktgjykimin e ka shpallur kryetarja e trupit gjykues, gjyqtarja Donika Shala-Abdyli, e cila bëri të ditur se në dënim do t’i llogaritet edhe koha e kaluar në paraburgim.
“Gjykata shpall këtë aktgjykim: Në emër të popullit, i akuzuari Millorad Gjokoviq shpallet fajtor, sepse në periudhën e luftës në Kosovë, më 7 maj 1999, në fshatin Ozdrim, Komuna e Pejës, i akuzuari, në cilësinë e policit rezervë, me persona të tjerë, i ka shkelur rregullat e së drejtës ndërkombëtare. Gjykata, në bazë të dispozitave të Ligjit Penal të ish-Jugosllavisë, të akuzuarin e dënon me 10 vjet burgim, ku do t’i llogaritet edhe koha e paraburgimit”, tha Shala-Abdyli.
Rasti ishte rihapur për shqyrtim gjyqësor më 27 korrik të këtij viti, pasi në Institutin për Krimet e Kryera Gjatë Luftës në Kosovë nuk ishte gjetur deklarata e dëshmitares Nurije Krasniqi, për të cilën ajo kishte thënë se e kishte dhënë në polici pas përfundimit të luftës.
Në atë kohë, kryetarja e trupit gjykues kishte deklaruar se gjykata vlerësonte se ende nuk ishin shteruar të gjitha mundësitë për sigurimin e kësaj prove. Gjatë dëshmisë së saj, Krasniqi kishte treguar se pas luftës kishte dhënë deklaratë në polici lidhur me rastin, por nuk kishte mundur ta kujtonte datën e saktë.
Sipas aktakuzës së Prokurorisë, të ngritur më 23 qershor 2023, Gjokoviq akuzohej se gjatë viteve 1998–1999, si pjesëtar i forcave policore dhe ushtarake serbe, kishte kryer veprime kundër popullsisë civile shqiptare në fshatin Ozdrim të Pejës dhe në fshatrat përreth. Aktakuza përfshinte akuza për vrasje, bastisje, rrahje, maltretime, arrestime, torturë, trajtim mizor dhe çnjerëzor, mbajtje në kushte skllavërie, dëbim dhe deportim të dhjetëra civilëve, si dhe plaçkitje, djegie e shkatërrim të shtëpive të shqiptarëve.
Sipas Prokurorisë, forcat e rregullta ushtarake serbe kishin hyrë në pjesën veriore të fshatit Ozdrim, përmes rrugës rajonale Pejë–Mitrovicë, ndërsa nga pjesa perëndimore, në kufi me Vitomiricën, kishin hyrë grupe paramilitare, ku kishte edhe pjesëtarë të njësive speciale ushtarake. Në aktakuzë thuhet se këto forca kishin filluar të qëllonin me armë në drejtim të popullsisë civile, duke vrarë gjashtë civilë shqiptarë: I.K., Sh.K., E.M., R.Sh., Z.Sh. dhe M.H.
Prokuroria kishte pretenduar gjithashtu se tre civilë të tjerë, A.G., H.G. dhe M.G., të plagosur nga të shtënat, fillimisht ishin dërguar në Spitalin e Pejës, por më pas ishin ekzekutuar dhe varrosur në fshatin Lutogllavë.
Po ashtu, sipas aktakuzës, pesë civilë shqiptarë, R.K., Z.K., A.K., A.K. dhe A.Sh., ishin vrarë gjatë ofensivës, por trupat e tyre nuk ishin gjetur dhe ata vazhdonin të figuronin si persona të zhdukur.
Bedri Hamza ka dhënë dorëheqje të parevokueshme nga pozita e kryetarit të Partisë Demokratike të Kosovës (PDK). Vendimin e tij ai ua ka komunikuar anëtarëve të Kryesisë së partisë gjatë mbledhjes së mbajtur të mërkurën.
Në një konferencë për media, Hamza theksoi se lidershipi kërkon pjekuri si në marrjen e përgjegjësive, ashtu edhe në njohjen e momentit të duhur për t’u larguar. Sipas tij, ky hap i hap rrugë një procesi të ri zgjedhor brenda strukturave të PDK-së.
Gjatë fjalës së tij, ai nënvizoi se drejtimin e partisë e kishte marrë nga ndjenja e përgjegjësisë politike dhe jo nga ambiciet personale, duke veçuar se gjatë mandatit të tij prioriteti kryesor ka qenë ruajtja e unitetit të brendshëm partiak.
“Nuk po largohem nga PDK-ja, por vetëm nga pozita e kryetarit. Ky vendim nuk e zbeh besimin tim në vlerat tona të përbashkëta politike. Për sa kohë të kem jetë, do të mbetem anëtar dhe votues besnik i kësaj familjeje të madhe politike,” u shpreh Hamza.
Po ashtu, ai sqaroi se pritshmëria e tij kishte qenë që pas 16 shtatorit t’ua dorëzonte drejtimin e partisë ish-drejtuesve të UÇK-së që po përballen me procesin gjyqësor në Hagë. Megjithatë, pas shpalljes së dënimit me 81 vjet burgim ndaj Hashim Thaçit, Kadri Veselit, Jakup Krasniqit dhe Rexhep Selimit, Hamza konfirmoi se përpjekjet institucionalizuese për të kërkuar drejtësi do të vazhdojnë.(INA)
Lajme nga rajoni
“Rama, po na vret të ardhmen”: Diaspora shqiptare proteston në Vjenë para vizitës së Ramës
Shqiptarët në Austri kanë protestuar në qendër të Vjenës kundër qeverisë shqiptare, pak ditë para se kryeministri Edi Rama të pritet të hënën nga kancelari Christian Stocker.
Pjesëtarë të diasporës shqiptare kanë marshuar nga fundi i javës nëpër qendrën e Vjenës, duke kërkuar llogaridhënie nga qeveria në Tiranë dhe respektimin e vlerave evropiane.
Pamjet që mediumi austriak Exxtra24 publikoi më 18 tetor tregojnë protestues me flamuj, megafonë dhe pankarta të shkruara me dorë. Në marshim shihen edhe familje me fëmijë.
Në krye të kolonës u mbajt një pankartë e gjatë me mbishkrimin në anglisht “Protect EU values – hold Albania’s government accountable” (“Mbroni vlerat e BE-së – kërkoni llogari nga qeveria shqiptare”). Një vajzë mbante në duar pankartën “Rama, you’re killing our future” (“Rama, po na vret të ardhmen”).
Mesazhi i protestuesve ishte i qartë: dorëheqja e Ramës. [Shtoni korrupsionin, arsimin dhe largimin e të rinjve vetëm nëse i konfirmoni nga pamjet.]
Nuk është hera e parë që diaspora në Austri del në rrugë kundër Ramës. Në qershor, sipas organizatorëve, mijëra veta protestuan në Schwarzenbergplatz kundër kryeministrit dhe ambasadorit shqiptar në Vjenë, Fate Velaj.
Protesta vazhdon në Shqipëri
Tubimi në Vjenë vjen ndërsa protestat e udhëhequra nga studentët në Tiranë hynë të shtunën në ditën e pestë radhazi. Studentët dhe gjimnazistët kërkojnë dorëheqjen e kryeministrit. Ata ankohen për tarifat e larta universitare, kushtet e dobëta në arsim, mungesën e vendeve të punës dhe korrupsionin.
Policia ka përdorur gaz lotsjellës, ujë me presion dhe, të shtunën, edhe plumba gome. Ndërtesa e Ministrisë së Arsimit u përfshi nga zjarri dhe ka pasur të arrestuar.
Rama ka refuzuar të japë dorëheqjen. Ai i tha Reuters se qeveritë ndërrohen përmes zgjedhjeve dhe se është gati të diskutojë koston e arsimit, por jo ta pranojë dhunën. Në një mesazh me video, ai fajësoi “duar të huaja” për trazirat.
Rama pritet me nderime ushtarake në Vjenë
Sipas Kancelarisë Federale të Austrisë, kancelari Christian Stocker do ta presë kryeministrin shqiptar të hënën, më 19 tetor, në orën 12:00, në Ballhausplatz, me nderime ushtarake.
Exxtra24 pyet nëse Stocker do t’i prekë protestat dhe akuzat për korrupsion në konferencën e përbashkët, apo nëse takimi do të mbetet te bashkëpunimi ekonomik dhe rruga e Shqipërisë drejt BE-së.
Protestuesit në Vjenë kërkojnë që zëri i diasporës të dëgjohet edhe jashtë Shqipërisë, sepse sipas tyre integrimi evropian nuk mund të ndahet nga sundimi i ligjit dhe llogaridhënia.
Gjokoviq dënohet me 10 vjet burg për krime lufte në Kosovë
Bedri Hamza dorëhiqet nga kreu i PDK-së
Kërkohet një person i zhdukur, kërkim intensiv përgjatë Vardarit në Gostivar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoKrimi i rëndë në Kosovë/ Kjo është 25-vjeçarja që u vra me armë zjarri, dyshohet se u qëllua nga bashkëshorti i saj, ishte në javën e 34 të shtatzënisë
-
Lajme nga rajoni1 month agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga vendi2 months agoNdahen 109 vendime pune në Spitalin Klinik të Tetovës
You must be logged in to post a comment Login