Lajme nga rajoni
13 nxënëse në Gjakovë vetëlëndohen për sfidë në TikTok
13 nxënëse të shkollës fillore kanë marrë trajtim mjekësor në Gjakovë pasi janë vetëlënduar me mjet të mprehtë. Rasti u bë i ditur të shtunën.
Drejtoresha e Arsimit në Komunë të Gjakovës, Eranda Kumnova-Baçi, ka deklaruar për KOHËN se po e pret raportin zyrtar të Policisë nesër. Por jozyrtarisht i është thënë se numri i nxënësve të lënduara si pasojë e sfidës në TikTok të quajtur “self-harming” ka shkuar në 13 – pasi fillimisht u raportua për tre.
Policia e Kosovës e ka iniciuar rastin si “shtytje në vetëvrasje”.
Kumnova-Baçi më herët në një deklaratë për KOHËN rrëfeu se për njërin prej rasteve është njoftuar nga një prind i së miturës, e më pas ka njoftuar autoritetet policore.
Drejtoresha ka thënë se për këtë çështje ka thirrur edhe mbledhje urgjente me shkollat.
“Të premten (4 tetor) kam marrë një informatë jozyrtare nga një prind për një nxënëse të mitur të lënduar në dorë. Dy raste kanë ndodhur në një shkollë, e një në një shkollë tjetër. Këto lëndime po quhen si pjesë e një sfidë në internet ‘self-harming’ ku nxënëset kanë përdorur makinën e mprehjes së lapsave dhe kanë lënduar veten në duar. Vajzat kanë pasur lëndime”, pati deklaruar Kumnova për KOHËN.
Ajo tha se i ka njoftuar drejtorët e shkollave dhe janë marrë masa që të kontrollohen nxënëset, derisa ka shtuar se ka marrë vendim që të ndalohet përdorimi i telefonave.
Qeveria e Kosovës në qershor të këtij viti mori vendim ta ndalojë TikTokun nëpër institucione publike. Është bërë thirrje që për këtë rrjet social të rritet mosha e përdorimit nga 13 në 16 vjeç.
Muaj më herët rast të ngjashëm pati edhe në një shkollë të Fushë-Kosovës.
Lajme nga rajoni
Aksident tragjik në Rumani,ku humbën jetën shtatë tifozë të klubit grek PAOK mes tyre edhe dy shqiptarë (video)
Ende nuk dihet gjendja e tyre, ndërsa raportohet se nga aksidenti kanë humbur jetën 7 persona, dhe 3 kanë mbetur të plagosur.
Aksidenti ndodhi në Rumani, kur një furgon me tifozë të ekipit grek PAOK të Selanikut, të cilët udhëtonin drejt Francës për të ndjekur ndeshjen kundër Lionit në Europa League, por fatkeqësisht u përfshi në aksident në autostradën pranë qytetit Lugoj.
Të gjithë tifozët ishin të moshës 25 deri në 30 vjeç.
Sipas autoriteteve rumune, furgoni tentoi të parakalonte një kamion-cisternë, por gjatë rikthimit në korsi u përplas fillimisht me të dhe më pas kaloi në krahun e kundërt të rrugës, ku u përplas me një kamion tjetër. Në aksident u përfshinë gjithsej katër mjete.
Gjashtë nga viktimat humbën jetën në vend, ndërsa një tjetër ndërroi jetë gjatë transportit drejt spitalit. Helikopterët e emergjencës nuk mundën të ndërhyjnë për shkak të kushteve të këqija atmosferike, ndërsa të plagosurit u dërguan në spitalin e qytetit Lugoj.
Ministria e Jashtme e Greqisë dhe ambasada greke në Bukuresht ndodhen në kontakt të vazhdueshëm me autoritetet rumune, për identifikimin e viktimave dhe mbështetjen e familjarëve.
Klubi i PAOK ka shpallur zi dhe ka njoftuar se do të mbulojë të gjitha shpenzimet për kthimin e trupave dhe ndihmën ndaj të plagosurve.
Ndërkohë kërkesa për anulimin e ndeshjes nuk është pranuar nga federata europiane Futbollit.
Lajme nga rajoni
Pas rreth 27 viteve gjendet trupi i Rasim Mehmet Kocit, i zhdukur gjatë luftës në Kosovë
Pas rreth 27 vjet të përfundimit të luftës është gjetur trupi i pajetë i Rasim Mehmet Kocit, i cili ishte zhdukur më 1 prill të vitit 1999 në afërsi të fshatit Osek Hylë.
Siç ka njoftuar familja, ai ishte arrestuar nga forcat serbe dhe më pas ishte vrarë e trupi tij ishte zhdukur.
Eshtrat e tij janë identifikuar dhe do t’i dorëzohen familjes të premten, më 30 janar, raporton Kp.
“Familja Koci është një nga familjet që ka pësuar humbje të rënda gjatë luftës në Kosovë. Përveç Rasim Mehmet Kocit, kjo familje ka dhënë edhe dy martirë të tjerë: Afrim Idriz Koci dhe Besim Idriz Koci, të cilët u vranë brutalisht më 25 mars 1999 nga forcat paramilitare dhe ushtarake serbe.
Homazhet për martirin e luftës Rasim Mehmet Koci do të mbahen më 31 janar 2026, nga ora 12:00 deri në 13:00, në Pallatin e Kulturës në Gjakovë, ndërsa varrimi do të bëhet në ora 13:30, në Varrezat e Dëshmorëve në Qabrat”, thuhet në njoftimin e familjes së Rasim Kocit.
Lajme nga rajoni
Furgonët e Policisë nisen nga Prizreni burgjet kanë vend të mjaftueshëm për ‘dallavergjitë’ e votave, 800 shtretër të lirë
Shërbimi Korrektues i Kosovës ka bërë të ditur se aktualisht në institucionet korrektuese janë në mbajtje gjithsej 1 mijë e 758 të burgosur, ndërsa kapacitetet ekzistuese lejojnë akomodimin e rasteve të reja.
Sipas këtij institucioni, në dispozicion janë rreth 800 shtretër të lirë, duke hedhur poshtë pretendimet për mungesë kapacitetesh, transmeton Klankosova.tv.
“Institucionet korrektuese kanë hapësira të mjaftueshme për pranimin e rasteve të reja, prandaj pretendimet për mungesë kapacitetesh nuk qëndrojnë”, thuhet në njoftim.
Shërbimi Korrektues i Kosovës thekson se ky sqarim bëhet me qëllim të informimit të saktë të opinionit publik dhe parandalimit të keqinformimit.
“Ky njoftim bëhet me qëllim të informimit të saktë të opinionit publik dhe parandalimit të keqinformimit. Shërbimi Korrektues i Kosovës dhe Policia e Republikës së Kosovës kanë marrëveshje mirëkuptimi për bashkëveprim institucional, në kuadër të së cilës, varësisht nga situatat e krijuara, mund të shfrytëzohen përkohësisht objektet e njëra-tjetrës”, thotë SHKK. /Klankosova.tv
Mickoski nuk leshon pe për “Safe City”: Nëse duhet edhe Qeveria të bie, jam i përgatitur për këtë rrezik
Aksident tragjik në Rumani,ku humbën jetën shtatë tifozë të klubit grek PAOK mes tyre edhe dy shqiptarë (video)
Një delegacion nga Universiteti “Nexhbedin Erbakan”, nga Turqia vizitoi UEJL-në
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
