Lajme nga vendi
Tetovë/ Debat publik për ndërrimin e emrave të rrugëve e shkollave nga periudha e komunizmit
“Nikolla Teslla”,“Mosha Pijade”,“Strasho Pinxhur” dhe Rruga “J.N.A”., ky është realiteti momental i Tetovës me emrat e rrugëve, shkollave, shesheve dhe institucioneve të ndryshme. Një realitet ky që, nuk përkon aspak me kohën e tanishme dhe përbërjen aktuale të popullatës këtu”, raporton gazetari i Alsat, Bashkim Sulejmani.
Të vetëdijshëm për këtë gjë, tash e dy dekada me radhë, shumë kryetarë të komunës, kanë marrë nismë për ndryshimin e këtyre emrave, por asnjëherë nuk kanë gjetur kohezion brenda këshillit komunal që këto emra të zëvendësohen me emra të aktualitetit kohor, shkruan Alsat.
Kohë më parë, nga ana e komunës, disa emra rrugësh u ndryshuan, por vetëm për përdorim të brendshëm, sepse në regjistër dhe në Ministrinë e Punëve të Brendshme, këto emra vazhdojnë të jenë të pandryshuar, sepse asokohe, këto vendime të komunës, nuk i pranoi ministria e Transportit dhe as Regjistri Qendror.
Të pyetur për këtë realitet të hidhur të Tetovës, banorët ankohen duke thënë se, jemi shteti i vetëm që aspirojmë për Evropë me emra sheshesh rrugës e institucionesh të periudhës komuniste. Ndërkohë, fajin për këtë realitet, e hedhin tek politika, e cila, sipas banorëve nuk është e aftë të bëj këto ndryshme, edhe përkundër premtimeve në çdo cikël zgjedhor.
“Gjithsesi se duhet të ndërrohen, madje është punë e vonuar shumë. Çdo institucion duhet të bëj kërkesë për të ndërruar emrat e rrugëve, të shkollave dhe ne jemi ata që duhet t`i përkrahim dhe të ndryshojnë më ato emra, mirëpo sa është e mundur të ndryshohen, ne e shoshim se kjo politika jonë e përditshme është shumë e dobët në aspektin e ndryshimeve”, thotë një banor.
“Kjo është një punë shumë madje tepër e vonuar. Kjo duhej të bëhet që në vitet e 90-ta, madje që kur iu ndërrua emri shkollës Marrshali Tito dhe iu vendos Goce Dellçev. Dhe që atëherë ne duhej të bëjnë një revolucion për t’i ndërruar emrat e shkollave rrugë shesheve të ndryshme”, shprehet një banor tjetër.
“Ka njerëz të ndryshëm dikush do të ndryshojë dikush jo, por të jemi realist, komunizmi iku më ka ikur nga gjithkund. Meqë luftojmë për sistem demokratik për Evropë, duhet të ndërrohen”, theksoi një banor.
Ashtu sikurse shumë nisma të mëparshme, edhe sot, nga ana e Shoqatës akademike të Tetovës dhe komunës, u iniciua një nismë e këtillë për hapjen e një debati publik, por sa do jep fryte, nuk dihet. As historianët e as komuna, nuk sqarojnë nëse në fillim kanë arritur pajtueshmëri me partitë maqedonase për nisjen e kësaj procedure, gjë kjo e nevojshme për shumicën në këshillin komunal.
“Ne sot ndërmorëm edhe hapin e parë në drejtim të hapjes së debatit publik sa i përket kësaj nisme kaq të rëndësishme për komunën,. Do jenë të përfshirë të gjitha kategoritë e qytetarëve që janë të interesuar dhe që i tangon emërtimi i rrugëve dhe institucioneve të tjera në nivel lokal”, thotë Bilall Kasami, Kryetar i komunës së Tetovës.
Në debat në të ardhmen pritet të përfshihen edhe qytetarët./ Alsat.mk Gazetar: Bashkim Sulejmani
Zoti Fehmi Stafa u arrestua më 13 dhjetor të vitit të kaluar, si pjesë e një procedure të nisur kundër tij nga Prokuroria Themelore Publike për Ndjekjen e Krimit të Organizuar dhe Korrupsionit (OJO GOKK), për shkak të dyshimit të arsyeshëm se kreu veper penale – marrje te shpërblimit për ndikim ne menyrë të paligjshme.
Sipas njoftimit te atehershem te Prokurorise, midis tetorit dhe 13 dhjetorit, i dyshuari Stafa mori gjithsej 50 mijë euro për të ndërmjetësuar dhe ndikuar tek një gjyqtar në Gjykatën e Apelit të Shkupit, në lidhje me një çështje kundër klientit të tij, pra një personi që ai përfaqësonte si avokat.
Menjëherë pas marrjes së parave, i dyshuari Stafa u privua nga liria, ndërsa paratë iu gjetën dhe iu konfiskuan. Personi për të cilin Stafa duhej të siguronte heqjen e masës së paraburgimit është i dyshuari në rastin “Sinxhir”, Ljupço Pecov, i njohur me nofkën Djalli.
Sipas Ligjit për Avokatin e Shtetit, Avokatin e Shtetit emërohet nga Qeveria me propozim të Ministrit të Drejtësisë. Dokumentacioni i plotë i aplikantëve do të dorëzohet nga Qeveria në Ministrinë e Drejtësisë këto ditë, pasi shpallja përfundon sot.
Stafa mori detyrën në vitin 2018 si anëtar i stafit të Alternativa dhe mandati i tij gjashtëvjeçar do të përfundonte në vitin 2024. Mirëpo, pa shpjegime nga Qeveria, ai u shkarkua në verën e vitit 2022 dhe po atë ditë dha dorëheqjen edhe vetë.
Moti sot do të jetë me diell me vranësira të vogla deri në mesatare. Do të fryjë erë e lehtë deri në mesatare nga drejtimi perëndimor dhe veriperëndimor. Temperatura minimale do të jetë në interval prej -10 deri në -3 gradë, ndërsa maksimalja do të arrijë nga 3 deri në 10 gradë.
Në Shkup, mot me diell dhe i qetë me vranësira mesatare. Temperatura minimale do të bie deri në -6, ndërsa maksimalja do të arrijë 7 gradë.
Deri të premten do të mbajë mot i qëndrueshëm dhe i thatë me kushte për paraqitje të mjegullës së mëngjesit nëpër lugina. Temperaturat do të jenë në rritje të lehtë graduale. Në ditët e fundjavës do të ketë vranësira të rritura me kushte për reshje lokale të dobëta të shiut, ndërsa në pjesët malore të borës. Temperatura e ditës sërish do të jetë në rënie.
Këshilli i Përgjithshëm i Bashkimit Demokratik për Integrim (BDI) ka bërë thirrje publike për bashkim dhe zgjerim të frontit politik, duke u drejtuar të gjitha partive politike që janë të përafërta me vizionin e kësaj force, si dhe kapaciteteve intelektuale, shoqërore dhe profesionale në vend.
Ja pjesa e komunikatës:
Këshilli i Përgjithshëm i Bashkimit Demokratik për Integrim (BDI) u bën thirrje të gjitha partive politike në vend që janë të përafërta me vizionin e BDI-së, si dhe kapaciteteve intelektuale, shoqërore dhe profesionale, që t’i bashkëngjiten Bashkimit Demokratik për Integrim dhe të bëhen pjesë e formacionit tonë politik.
BDI mbetet e hapur për inkorporimin dhe absorbimin e gjithë potencialit intelektual dhe politik në vend, me qëllim avancimin e politikave dhe vizionit që janë në interes të shtetit dhe të të gjithë qytetarëve pa dallim.
Prandaj, kjo thirrje u drejtohet të gjitha subjekteve politike, asociacioneve shoqërore, intelektuale dhe profesionale, që të bëhen pjesë e Bashkimit Demokratik për Integrim dhe e vizionit tonë të përbashkët për një shtet stabil, demokratik dhe të zhvilluar”, thekson BDI.(INA)
Edhe 30 ditë paraburgim për ish-avokatin e Shtetit, Fehmi Stafa
Deri të premten mot i qëndrueshëm, gjatë fundjavës shi dhe borë
BDI fton partitë e tjera që t’i bashkohen radhëve të saj
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
You must be logged in to post a comment Login