Lajme nga vendi
Mjetet shkollore janë 50 për qind më të shtrenjta në Maqedoni
Para fillimit të vitit shkollor, prindërit tashmë kanë filluar përgatitjen e fëmijëve për shkollë. Blihen fletore, mjete shkollore, çanta shpine dhe materiale të tjera shkollore, por ndryshe nga vitet e kaluara, çmimet tani janë mesatarisht 50 deri në 60 për qind më të larta.
Kështu, tani për pajisjen e një nxënësi të klasës së parë nevojiten mesatarisht 5.000 deri në 6.000 denarë, për dallim nga para pandemisë, kur shpenzimet për një nxënës të klasës së parë varionin nga 3.000 deri në 4.000 denarë.
Libraritë, të cilat janë destinacionet më të vizituara në këtë periudhë të vitit, bëjnë të ditur se çmimet e materialeve shkollore janë rritur nga 50 deri në 60 për qind krahasuar me vitet e kaluara, pra para fillimit të pandemisë.
Sipas informacioneve që ka marrë AIM gjatë vizitës nëpër librari, familjet që kanë nxënës të klasës së parë do të duhet të ndajnë rreth 3.500 denarë për lapsa, stilolapsa, shkumësa me ngjyra, gërshërë dhe komplet me aksesorë të përfshirë, nga 500 deri në 1.000 denarë për fletore, kurse shpenzimet për një çantë shpine variojnë nga 700 deri në 3000 denarë në varësi të modelit dhe cilësisë.
Për nxënësit nga klasa e dytë deri në të nëntën, kostot janë pak më të ulëta, thonë libraritë, pasi nxënësit mund të kenë ende materiale të vitit të kaluar dhe të mos blejnë çantë shpine të re. Kështu shpenzimet e tyre do të zvogëloheshin për 1000 deri në 2000 denarë ose rreth 27 për qind më pak.
Rritja më e madhe e çmimeve është tek fletoret, e cila sipas librarive vjen si pasojë e rritjes së çmimit të letrës. Nëse çmimi i një fletore të vogël para pandemisë ishte 10 denarë, tani për të njëjtën fletore paguani dyfishin, pra 20 denarë. Fletoret me cilësi më të mirë, të cilat para pandemisë mund të bliheshin me çmim prej 30 denarë, tani janë më të shtrenjta për 33 deri në 50 për qind, përkatësisht çmimi i tyre aktual varion nga 40 deri në 45 denarë.
E njëjta gjë ndodh edhe me stilolapsat, për të cilët para pandemisë çmimi optimal ishte 65 denarë, ndërsa tani shiten me çmim prej 95 denarë. Mjetet e tjera shkollore janë gjithashtu më të shtrenjta.
Libraritë thonë se çmimet varen nga marka dhe cilësia e materialeve. Mund të gjenden materiale më të lira dhe më të shtrenjta.
Prokurori Publik i Shtetit nuk sheh pengesa që hetimi për zjarrin në Koçan, i cili mori jetën e 62 personave, të përfundojë deri më 17 qershor, siç parasheh afati ligjor prej tre muajsh. Pa zbuluar detaje, prokurori tha se hetimi është në një fazë shumë të rëndësishme dhe dëshmitarët aktualisht po merren në pyetje si në Koçan ashtu edhe në Shkup. Sipas Kocevskit, nuk ka selektivizëm në hetim. Ai përsëriti sot, siç deklaroi edhe më parë Alsat, se hetimi mund të zgjerohet për të përfshirë të dyshuar të ri.
“Dëshmitarët po merren aktualisht në pyetje, si edhe të dëmtuarit dhe persona të tjerë që dinë diçka rreth ngjarjes. Ndërkohë, ata po koordinohen edhe me ekspertët në lidhje me atë që duhet të kryhet ekspertizë. Pra, nuk ka selektivizëm deri më tani, nuk do të ketë as në të ardhmen. Unë tashmë thashë për një media, kështu që derisa të përfundojë hetimi, zgjerim i mundshëm është i mundur, megjithatë, kjo varet nga provat dhe ajo që do të sigurojnë prokurorët publikë”, tha Ljupço Kocevski, Prokuror Publik i Shtetit.
Përpara tragjedisë në Koçan, qeveria filloi procedurë për shkarkimin e Kocevskit, e cila tani është e pezulluar. Nëse kjo procedurë do të vazhdojë apo jo, për Kocevskin, është vendim politik.
“E kam thënë disa herë këtë, kështu që është vendim politik. Për momentin, që nga fillimi i procedurës, nuk kam pasur asnjë presion apo kërcënim në këtë drejtim”, theksoi Ljupço Kocevski, Prokuror Publik i Shtetit.
Hetimi në Koçan filloi menjëherë pas tragjedisë, më 17 mars, dhe prokuroria ka tre muaj kohë për të përgatitur aktakuzë. 13 prokurorë po punojnë në hetimin, i cili është zgjeruar disa herë deri më tani, dhe i cili deri më tani ka përfshirë 68 persona fizikë dhe tre juridikë. /Alsat.mk
Lajme nga vendi
Sot u mbajt prezantimi i drejtimeve dhe profileve që ofrojnë shkollat e mesme të Tetovës në “Ditën e Hapur”
68 persona dyshohen për tragjedinë në Koçan, po merren në pyetje dëshmitarët
Gjykata e Apelit ua rriti dënimet disa prej të akuzuarëve në rastin “Llaskarca”
Sot u mbajt prezantimi i drejtimeve dhe profileve që ofrojnë shkollat e mesme të Tetovës në “Ditën e Hapur”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve
You must be logged in to post a comment Login