Ulja e temperaturave dhe shfaqja e ngricave në disa rrugë të vendit, kanë shkaktuar vështirësi serioze në qarkullim për shumë drejtues të automjeteve. Vetëm gjatë 24 orëve të fundit, në të gjithë territorin e vendit kanë ndodhur disa aksidente. Më i rëndi ka qenë ai në rrugën rajonale Mavrovë – Dibër, ku dy persona humben jetën. Sipas informatave të MPB-së, automjeti i drejtuar nga A.F. 56 vjeçar nga fshati Vidushë, komuna Mavrovë-Rostushë, ka dalë nga rruga dhe ka rënë në lumin Radikë. Si pasojë e lëndimeve të marra, shoferi dhe pasagjerja M.F. 56 vjeçare kanë ndërruar jetë në vendin e ngjarjes.

“Vdekjen e A.F. 56 vjeçar dhe M.F. 56 vjeçare, të dy nga fshati Vidushë, komuna Mavrovë- Rostushë, e ka konstatuar mjeku nga Ndihma e Shpejtë, ndërsa sipas udhëzimeve të prokurorit publik, automjeti është dërguar policor për kontroll të jashtëzakonshëm teknik, ndërsa trupat e viktimave janë dorëzuar për obduksion”, njoftojnë nga MPB-ja.

Përveç këtij aksidenti fatal, një aksident tjetër me lëndime të rënda trupore ka ndodhur në orën 02:35, të mëngjesit në komunën e Vrapçishtit, ku sipas MPB-së, një automjet udhëtarësh “BMË” me targa të Gostivarit, i drejtuar nga L.B. 27 vjeçar ka goditur një automjet të parkuar “Mercedes”. Me lëndime të rënda kanë përfunduar pasagjeri ndërsa lëndime më të lehta kanë mbetur shoferi dhe pasagjeri i automjet të parkuar. Për shkak të mbulesës së borës në rrugë, LAMM ka futur përdorimin e detyrueshëm të zinxhirëve të borës për të gjitha automjetet në seksionin Lisec – Kodra e Diellit nga ora 21:00 e 2 janarit 2026. Masa është e detyrueshme për shkak të pjesëve të pjerrëta dhe kthesave, ku mosrespektimi i rregullave shpesh shkakton bllokime dhe vonesa. Kontrollet e policisë do të intensifikohen, veçanërisht për shkak të frekuencës së shtuar të automjeteve gjatë periudhës së festave.Për shkak të ngricave në disa rrugë, nga Lidhja AutoMoto, u bën thirrje shoferëve të jenë të kujdesshëm gjatë drejtimit të automjeteve të tyre e sidomos në rrugët Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë, të cilat janë cilësuar si pika kritike. Për shkak të ngricave, rruga për në Kozjak gjatë ditës së sotme u mbyll për qarkullim.Edhe nga Qendra për Menaxhim me Kriza u bëjnë thirrje drejtuesve të automjeteve që të tregojnë kujdes të shtuar, pasi në shumë rrugë të vendit ka ngrica ngrira të cilat kanë shkaktuar vështirësi, veçanërisht në zonat malore.

Qendra e skijimit Kodra e Diellit është e gatshme për sezonin dimëror. Nga drejtoria e kësaj qendre thonë se janë bërë përgatitje maksimale sa i përket ski lifteve, ashensorëve dhe shtypësve të borës. Drejtori Abdylgani Ailji nënvizon se gjatë periudhës së verës janë rregulluar ski liftet dhe janë marrë lejet e nevojshme për t`I lëshuar në funskon.

Në ndërkohë, çmimet e biletave janë të njejta sikurse vitin e kaluar, kurse sezoni pritet të fillojë ditëve në vahdim nëse ka rreshje më të mëdha të borës.

Jo rrallë herë nëpër Kodrën e Diellit shihen edhe motociklla të ndryshme nga persona privat që rrezikojnë jetën e vizitorëve. Këtë vit ka ndalesë për përdorimin e tyre.

Problem në vete është parkimi në Kodrën e Diellit. Mungesa e vendeve të parkimit ka bërë që shesh herë të ketë edhe blokim të rrugëve dhe kaos. Drejtori Aliji shprehet se ky problem duhet të zgjidhet në bashkëpunim me autoritetet komunale.

Interesim i shtuar është për muajt janar dhe shkurt, atëherë kur koha premton kushte më të mira për skijatorët dhe adhuruesit e dimrit. Transport publik edhe këtë vit  do të vazhdojë të organizohet vetëm në fundjavë.

Advertisement

Arsimi i Çegranit sot i nisi përgatitjet për  pjesë pranverore të kampionatit  që  fillon më 10  shkurt. Faza  kryesore e përgatitjeve  nga  5 deri 17 janar do të zhvillohet në Modulin të Kroacisë  ku  do të zhvillohen edhe disa  ndeshje  kontrolluese.

 Klubi i futbollit  Arsimi nga  Çegrani  bëhet skuadra e  para  e cila  nga  dita e sotme   nisi  me  përgatitje  për   pjesën  pranverore  të  kampionatit  në Ligën e parë të futbollit  vendor  që  fillon  me  10  dhe  11  shkurt.

 Pas  grumbullimit të  sotëm , para  seancës  së parë stërvitore  trajneri  Vildan Saliu njoftoi futbollistët me  plan  programin  e përgatitjeve  që  do  të  zhvillohen në tre  faza  Nga  ekipi janë  larguar Amer Drljeviç, Dejan Peroviq  dhe Leonid  Ignjatovndërsa  aktualisht  është angazhuar mesfushori nigerian  24 vjeçar Hogan Ukpa i cili erdhi nga Struga Trim Lum ,ndërsa  ekipit  sipas  të  gjitha  gjasave  në Medulin  do ti bashkëngjitet edhe qendërmbrojtësi 23 vjeçar nga Kolumbia Brajan Kondumi

 Arsimi deri të  hënën do  të  punon  në stadiumin  me barë artificial në  Gostivar, ndërsa  nga  e  hëna  në mbrëmje  do të  udhëtojnë  në Medulin  të Kroacisë  ku  do  të qëndrojnë 12-të  ditë. Në bregdetin kroat ku ka kushte ideale për punë  krahas seancave  të  rregullta  stërvitore parashihet  që të  zhvillohen  edhe   së paku  tre  ndeshje kontrolluese me ekipe që  gjithashtu përgatiten në Medulin.

Advertisement

Kujtojmë  se  pjesa  pranverore e kampionatit  në Ligën e parë  starton më 10  dhe  11  shkurt, me  ndeshjet e xhiros  së 17-të ndërsa Arsimi është mysafire e vardarit  në Shkup