Deputeti i VLEN-it Adnan Azizi ka demaskuar BDI-në dhe Ali Ahmetin duke shpërndarë një video, ku shihet kreu i BDI-së duke arsyetuar dhe mbrojtur Nikolla Gruevskin.

Azizi kujton se kur BDI-ja është në pushtet, arsyeton dhe relativizon gjithçka, edhe kur shqiptarët vriten, burgosen, rrihen dhe montohen.

Në videon e shpërndarë, Ali Ahmeti thotë se Nikolla Gruevski ishte viktimë e konstruktit mediatik dhe se sipas tij “nuk ishte aq i keq” sa përfytyrohej në media.

Maqedonia po përgatitet për një ndryshim drastik të motit. Nën ndikimin e një mase ajrore dukshëm më të ftohtë nga veriu, që nga e enjtja, më 30 prill 2026, temperaturat do të pësojnë një rënie drastike prej më shumë se 10 gradësh krahasuar me aktualet, paralajmëron MeteoAlarm. Sipas parashikimit, temperaturat do të jenë dukshëm më të ulëta se zakonisht për këtë periudhë të vitit.

Bëhuni gati për ndryshim drastik të motit. Temperaturat do të bien 10 deri 15 gradë kurse do të ketë edhe reshje dëbore në viset malore. Kështu thuhet në shumicën e njoftimeve të faqeve meterologjike.

Ky ndryshim i motit, sipas metereologëve, është për shkak të ndikimit të masës së ftohtë ajrore nga veriu që në vendin tonë pritet të mbërrijë të enjten më 30 prill.

Për shkak të ftohjes së theksuar, në zonat malore mbi 1200–1300 metra mbi nivelin e detit, reshjet e shiut do të shndërrohen në borë. Temperaturat ditore do të lëvizin nga 9 deri në 18 gradë Celsius.

Vala e ftohtë që po zbret nga Arktiku do të sjellë temperatura 10 deri në 15 gradë më të ulëta se mesatarja për këtë periudhë, gjë që përbën rrezik serioz për bujqësinë.

Advertisement

Vreshtat dhe pemishtet janë veçanërisht të rrezikuara, pasi ndodhen në fazë të ndjeshme lulëzimi për shkak të temperaturave të larta të mëparshme.

Moti i ngrohtë në fillim të prillit, me temperatura që kaluan 25°C, ka nxitur zhvillim të parakohshëm të vegjetacionit, duke e bërë rikthimin e ngricave të mëngjesit shumë më të rrezikshëm sesa gjatë dimrit.

Në mes të javës, anticikloni do ta shtyjë ajrin e ftohtë drejt jugut, në Evropën Qendrore dhe Gadishullin Ballkanik.

Ndërkohë, Evropa Perëndimore dhe Mesdheu perëndimor do të mbeten nën ndikimin e një mase ajrore më të ngrohtë, duke krijuar një kontrast të theksuar temperaturash në pjesën qendrore të kontinentit.

Kjo anomali e fortë temperaturash pritet të sjellë mëngjese shumë të ftohta të premten dhe të shtunën, ku temperaturat mund të zbresin disa gradë nën zero.

Advertisement

Kjo është veçanërisht kritike për shkak të rrezikut nga ngricat në vreshtat në shumicën e vendeve të Ballkanit, ku dëmet mund të jenë të mëdha, madje edhe katastrofike./Tv Koha/