Lajme nga vendi
Pasojat më të mëdha nga përdorimi i fishekzjarrëve i vuajnë fëmijët, MPB rikujton se ndalohet shtija e mjeteve piroteknike
Pavarësisht dënimeve dhe fushatave sensibilizuese, përdorimi dhe shitja e fishekzjarrëve vazhdon të jetë shqetësues, tradicionalisht në muajin dhjetor apo në prag të Vitit të Ri. Autoritetet policore theksojnë se po bëjnë veprime për të parandaluar shitjen e mjeteve piroteknike dhe rrjedhimisht fushatë për prezantimin e rreziqeve nga përdorimi i tyre, ndërkaq sipas sociologut Latif Mustafa, këto mjete, ndikimin më të madh negativ e kanë te fëmijët, shkruan Portalb.mk.
Zyrtarët policorë të Sektorit për Punë të Brendshme (SPB) Tetovë kanë filluar aktivitetet e tyre parandaluese për zbulimin, parandalimin dhe sanksionimin e blerjes dhe shitjes së paligjshme të fishekzjarrëve dhe mjeteve tjera piroteknike në Gostivar dhe Tetovë.
“Tregtarët vendas janë këshilluar gjithashtu që të përmbahen nga shitja e lëndëve piroteknike, sepse në të kundërt do të përballen me parashtresa adekuate dhe pasoja tjera juridike penale. Aktivitete të ngjashme do të zhvillohen edhe në periudhën në vijim, për të kontribuar në përballjen me shitjen dhe aktivizimin e paligjshëm të lëndëve piroteknike para dhe gjatë festave të ardhshme”, tha Fatmir Rexhepi nga SPB Tetovë.
Deri më tani në këtë rajon nuk ka rast të konfiskimit të fishekzjarrëve.
Përdorimi i tyre sipas sociologut Latif Mustafa ndikimin më të madh negativ e ka të fëmijët, ndërsa përdorimi i tyre para se gjithash, është përdorim me motive komerciale.
“Fëmijët, kryesisht, nxiten nga filmat vizatimorë, filmat e animuar në përdorimin tyre. Pavarësisht se në këto filma nuk vërehet qartë se ato përdoren nga fëmijët, mirëpo bota komerciale i targeton pikërisht fëmijët në përdorimin e tyre. Por nuk mund të themi që, më pak se fëmijët, i përdorim edhe të rriturit, kjo shpeshherë e nxitur nga pamundësia e përdorimit të armëve, një traditë e hershme e jona në raste festash, kështu që me përdorimin e fishekzjarrëve këto persona shuajnë një lloj yshtje për përdorimin e armëve. Fatkeqësisht ata bëhen model i keq edhe për fëmijët. Disa lloje të fishekzjarrëve janë të ndaluara me ligj dhe ato futen përmes kontrabandës. Në përgjithësi është ves, dukuri e shëmtuar dhe duhet mënjanuar sa më parë ngaqë përdorimi i tyre krijon shqetësim, ngacmim e tmerrim të njerëzve. Përdorimi i tyre është i shëmtuar, nxit trazirë dhe shqetësime tee njerëzit dhe përfundimisht duhet mësuar që të kremtojmë si njerëz”, theksoi Mustafa.
Ministria e Punëve të Brendshme deri tani ka konfiskuar deri më tani 100 mijë copa të mjeteve prioteknike.
“Deri më tani kemi konfiskuar rreth 100.000 copë të mjeteve piroteknike, prej tyre 4.000 janë pikërisht në territorin e komunës së Kumanovës”, tha ministri Oliver Spasovski për sasinë e konfiskuar në vitin 2022.
Pavarësisht dënimeve dhe fushatave sensibilizuese nga autoritetet, përdorimi dhe shitja e fishekzjarrëve vazhdon të jetë shqetësues, tradicionalisht në muajin dhjetor, në prag të Vitit të Ri
Dje, autoritetet policore në bashkëpunim me Kryqin e Kuq të Shkupit organizuan dhe ushtrim demonstrues për parandalimin e përdorimit të mjeteve piroteknike gjatë së cilës u prezantuan rreziqet nga përdorimi, me qëllim të ndërgjegjësimit të qytetarëve.
Autoritetet policore, gjithashtu në mbarë vendin shpërndajnë dhe fletushka me qëllim që t’i njoftojnë qytetarët me rrezikun nga mjetet piroteknike.
Kujtojmë që Ligji për shkelje kundër rendit dhe qetësisë publikenë nenin 31 parasheh gjobë në shumë prej 200 deri në 500 euro në kundërvlerë denari për atë që pa autorizim qëllon me armë zjarri, përdor mjete piroteknike ose lëndë të ngjashme shpërthyese ose djegëse, ose në mënyrë të ngjashme prish qetësinë dhe sigurinë e qytetarëve.
Sipas Kodit Penal, neni 396 parashikon prodhimin, mbajtjen dhe tregtimin pa leje të armëve ose materieve shpërthyese:
Kushdo që i paautorizuar prodhon, posedon, shet, blen ose shkëmben armë zjarri, municion ose lëndë plasëse, dënohet me burgim prej tre deri në dhjetë vjet;
Nëse lënda e veprës nga paragrafi 1 është një sasi më e madhe e armëve të zjarrit, municionit ose eksplozivit, ose armëve të zjarrit, municionit ose materieve shpërthyese që qytetarëve u është ndaluar, kryesi dënohet me së paku pesë vjet burg.
Autoritetet apelojnë për kujdes dhe mbrojtje nga pasojat e mundshme nga përdorimi i mjeteve piroteknike, sidomos gjatë kësaj periudhe.
Prokuroria Themelore Publike në Shtip kërkon që të shqiptohet masa e paraburgimit ndaj një 74-vjeçari, pasi i njëjti dyshohet për vrasje, përcjell TV21. Prokurori ka vlerësuar se në këtë rast ekziston rreziku i arratisjes, por edhe mundësia që i dyshuari të fshehë gjurmët e veprës penale.
“I dyshuari, një 74-vjeçar, gjatë ushtrimit të dhunës në familje, i ka privuar jetën një gruaje me të cilën kishte marrëdhënie të afërta personale, duke i shkaktuar disa goditje në kokë me një mjet të fortë, duke i thyer kafkën. Më pas, me një mjet të mprehtë, i ka prerë pjesë të trupit dhe i ka fshehur në një vend të panjohur, ndërsa trupin e pajetë e ka varrosur në oborrin e shtëpisë”, thonë nga Prokuroria.
Shoqata e Shkrimtarëve “Oeneum” – Tetovë, të shtunën në ambientet e Komunës së Tetovës, realizoi me sukses edicionin e VIII-të të Manifestimit Mbarëkombëtar të Poezisë “Festat e Nëntorit”.
Shoqata e shkrimtareve Oeneum në Tetovë organizoi Festivalin mbarëkombëtar të poezisë “Festat e Nëntorit”, për nder të datave të rëndësishme kombëtare, për të shënuar Ditën e Alfabetit të Gjuhës Shqipe,Ditën e Flamurit dhe përvjetorin e Pavarësisë së Shtetit Shqiptar. Manifestimi u mbajt në sallën e Kuvendit Komunal të Komunës së Tetovës.
‘’’Ky festival organizohet për të shënuar data shumë të lavdishme dhe të rëndësishme të historisë tonë kombëtare, Ditën e Alfabetit, Ditën e Flamurit dhe Pavarësinë e Shtetit Shqiptarë, si dhe të gjitha festat e nëntorit që lidhet me nëntoret historik dhe të lavdishëm të historisë të popullit shqiptar. Këtë vit kemi një pjesëmarrje të poetëve nga Kosova, nga Shqipëria, nga gjitha qytet shqiptare të Maqedonisë duke nisur nga Kumanova deri në Strugë. Dhe këtë vit kemi në kuadër të këtij aktiviteti Festivalin portret letrarë që i kushtohet dramaturgut dhe poetit post mortum Selim Ramadani. Njëherit me një çertifikat mirënjohje nderohet Ismail Arsllani për publicistik, gazetari dhe prozë romansier që ka vepruar me dekada në qytetin e Tetovës, duke e shënuar dhe duke ngritur lartë këtë qytet”, tha Sadije Aliti, kryetare e Shoqatës.
Pjesë e programit ishte edhe portreti letrar i aktorit dhe poetit të ndjerë Selim Ramadani, ku u lexuan poezi nga krijimtaria e tij dhe një vlerësim letrar për vepren e tij nga Ejup Ajdini,
“Është vepër e shpirtit, e ndjenjave të larta njerëzore, humane dhe i cili ka qenë një autor që i ka botuar nëpër revistat e kohës, nëpër gazetat e kohës dhe tani ato janë mbledhë janë ruajtur dikund nëpër podrumet e Prishtinës. Dhe njëherë ka qenë artist i teatrit’’
Me mirënjohje u nderua edhe shkrimtari dhe publicisti Ismail Arsllani, për kontributin e tij, në fushën e letërsisë, artit dhe gazetarisë dhe për veprimtarinë e pa lodhur krijuese për kulturën dhe traditën shqiptare.
“ Kjo mirënjohje për mua është shumë e veçantë. E veçantë në këtë ditë të veçantë për shkak se unë në këtë kohë tash rrumbullakoj 55 vjetorin e krijimtarisë time në fushën e gazetarisë dhe të letërsisë. I përgëzoj Shoqatën e shkrimtarëve Oenium që ma bëni këtë nder të më ndaj një mirënjohje e unë personalisht u uroj atyre të kenë sukses edhe më të madh në të ardhmen “ deklaroi krijuesi Ismail Arsllani
Poezia, në këto ditë festash nuk është thjesht varg, por një flamur shpirtëror që valëvitet në çdo zemër. Ajo na kujton sakrificat, gjakun dhe ëndrrat që ndërtuan Shqipërinë, duke e bërë nëntorin një muaj reflektimi, mirënjohjeje dhe dashurie për atdheun dhe shqiptarët, me një përfshirje gjeografike nga e gjithë hapësira shqiptare. Poezitë e tyre i lexuan: Daut Dauti, ZymerHaliti, Leme Ahmeti, Mejrme Kajolli-Tusha, Merita Abazi, Emrah Bilalli, RudinaBatku, Fatmire Doko-Lumani, Jusufzija Ademi, Behare Neziri, Ejup Ajdini, Rami Kamberi, Bajramali Selimi, DaimI ljazi, Adem Abdullahu, Sulejman Mehazi, Artan Arsllani, Syrja Etemi. Pika muzikore në flautë u luajtën nga Merita Emurllahi, e aktiviteti u moderua nga Azra Alija.
Një falënderim i përzemërt për të gjithë poetët dhe poeteshat, që me poezitë e tyre të bukura dhe recitimet plot frymë e kanë madhështuar aktivitetin poetik kushtuar Festave të Nëntorit, në shenjë vlerësimi, u nderuan me mirënjohje të gjithë pjesëmarrësit. Manifestimi u financua nga Minstria e Kulturës dhe Turizmit e Maqedonisë së Veriut.
Lajme nga vendi
Mickoski me lajme të mira: 55.000 studentë do të marrin nga 15.300 denarë për pajisje elektronike
“Sot është shpallur thirrja publike dhe i ftoj të gjithë studentët të aplikojnë, mendoj se janë 55.000 në numër. Atë që premtojmë, e përmbushim – 15.300 denarë merr secili student për blerjen e një pajisjeje elektronike”, tha sot kryetari i Qeverisë Hristijan Mickoski, duke iu përgjigjur pyetjes gazetareske.
Të gjithë studentët mund të aplikojnë më së voni deri më 20 dhjetor 2025, ndërsa realizimi i vauçerëve, përkatësisht tërheqja e pajisjeve, mund të bëhet deri më 31 dhjetor 2025. Nga Ministria për Transformim Digjital sqarojnë se studentët që figurojnë në evidencën e Ministrisë së Arsimit dhe Shkencës, gjatë aplikimit nuk kanë nevojë të ngarkojnë asnjë dokument.
Hapat për aplikim për studentët që janë në evidencën e MASh-it
(linku i shërbimit: https://uslugi.gov.mk/service-details.nspx?serviceId=5980)
Studenti kyçet në uslugi.gov.mk dhe dorëzon aplikimin për shërbimin “Thirrje Publike për ndarjen e vauçerit me vlerë për studentët për blerjen e pajisjeve elektronike”. Në procesin e aplikimit nuk është e nevojshme të ngarkohen dokumente. Pas dorëzimit të suksesshëm, sistemi gjeneron një dokument – Vauçer me vlerë. Me vauçerin e marrë, dokument identifikimi dhe nënshkrimin e Deklaratës për përdorimin e vauçerit (në sallonin e shitjes së operatorit ekonomik), studenti mund ta tërheqë pajisjen elektronike nga operatori ekonomik i zgjedhur, më së voni deri më 31.12.2025, informojnë nga Ministria për Transformim Digjital.
Ata, gjithashtu, e sqarojnë edhe procesin e aplikimit për studentët që nuk janë në evidencën e Ministrisë së Arsimit dhe Shkencës.
“Nuk duam të bëjmë ashtu si shumë qeveri që vepronin në të kaluarën, ta bëjmë këtë para zgjedhjeve që të mos shihet si sjellje jo-etike nga ana e Qeverisë, prandaj pritëm që zgjedhjet të përfundojnë zyrtarisht me vendimin e KSHZ-së. Prandaj i ftoj studentët të aplikojnë në këtë thirrje publike, e cila është e hapur deri më 1 janar 2026,” deklaroi Mickoski.
Dyshohet se e vrau të dashurën, Prokuroria: Trupin e varrosi në oborr
ATMOSFERË FESTIVE NË “AIR ALBANIA” FITON ANGLIA
TENIS: JANNIK SINNER FITUES NË ‘’ATP FINALS’’ NË TORINO
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni2 months agoTirana mirëpret në tetor Forumin e parë të Investimeve BE-Ballkani Perëndimor
-
Lajme nga vendi3 weeks agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga vendi2 weeks agoUniversiteti i Tetovës shpreh ngushëllime për vdekjen e studentes Daorsa Spahija