Një depërtim i rrallë i një mase ajrore shumë të ftohtë nga Arktiku në fund të prillit pritet të ulë ndjeshëm temperaturat në Evropën Lindore dhe Juglindore, duke sjellë rrezik të lartë për ngrica të dëmshme në vreshta, pikërisht në fillim të sezonit të rritjes 2026.

Ndërsa kontinenti evropian po përmbyll një fillim pranvere jashtëzakonisht të ngrohtë dhe po përgatitet për temperaturat e majit, një depërtim i fuqishëm dhe i pazakontë i ajrit të ftohtë po mbyll prillin 2026.

Faktorët kryesorë meteorologjikë pas këtij ndryshimi:

Çrregullimet stratosferike që kanë dobësuar vorbullën polare në fund të sezonit kanë lejuar që ajri arktik të zhvendoset drejt jugut, duke anashkaluar rrjedhën e zakonshme perëndimore, e cila bllokohet nga një “Omega Block” i fortë mbi Atlantikun e Veriut.

Kjo valë e ftohtë e vonë nga Arktiku karakterizohet nga një sistem i qëndrueshëm me presion të lartë dhe një bllokim mbi Atlantikun e Veriut dhe Grenlandë. Ajo shtyn masën e gjerë të ajrit të ftohtë thellë në Evropën Qendrore, Lindore dhe Juglindore.

Advertisement

Koha e këtij ftohti kujton ngjarjet e njohura si “Shenjtorët e Akullit”: një periudhë kritike në mesin e majit kur pjesë të Evropës shpesh përjetojnë ngrica të dëmshme. Por këtë vit, për shkak të fillimit më të hershëm të sezonit të rritjes dhe zhvillimit të përshpejtuar të bimësisë, situata është po aq ose edhe më kritike nëse ndodhin ngrica të forta në mëngjes.

Rënia e temperaturave do të arrijë deri në 10–15 °C nën normat sezonale, duke përbërë një kërcënim serioz për bujqësinë, veçanërisht për vreshtat dhe pemishtet që ndodhen në faza të ndjeshme lulëzimi.

Ngrohtësia e hershme e prillit (20–25 °C ose më shumë në disa rajone) ka shtyrë vegjetacionin të zhvillohet para kohe, duke e bërë kthimin e ngricave shumë më të rrezikshëm se zakonisht.

Ngrica të përhapura priten në Evropën Lindore dhe pjesë të Evropës Qendrore, në Ballkan dhe në Turqi. Gjithashtu priten reshje bore jashtë sezonit në zonat më të larta të Rumanisë dhe në pjesë të mëdha të Turqisë, ndërsa Evropa Perëndimore do të përjetojë ngrohje graduale.

Koha është kritike për bujqësinë rajonale. Me pemët tashmë në lulëzim, temperaturat e parashikuara nga -2°C deri në -5°C në Turqinë qendrore dhe Ballkan mund të shkaktojnë humbje totale të prodhimit për kultivuesit lokalë të frutave dhe arrave.

Advertisement

LSDM vazhdimisht ndjek një politikë dhe strategji PR me të cilën përhap gënjeshtra. Dhe ata thonë, hajde t’i shpërndajmë pendët që të mos mund t’i mbledhin të gjitha, kështu dikush do të na besojë. Edhe ata që në moment, menjëherë do t’u besojnë, me kalimin e kohës do të heqin dorë t’u besojnë, sepse e kuptojnë që është gënjeshtër“, thotë kryetari  i Qeverisë, Hristijan Mickoski, duke u përgjigjur në pyetje gazetareske.

Mickoski theksoi se LSDM gënjente se shteti do të falimentonte, por jo vetëm që nuk falimentoi, por edhe pagat u rritën, se do të vinin migrantë, por asgjë nga ajo nuk ka,  si dhe fondet IPARD për bujqit janë të bllokuara, por Brukseli konfirmoi se nuk kishte parregullsi me fondet.

„Thoshin se do të bankrotonim, por nuk bankrotuam. Përkundrazi, u rritën pagat, u respektuan Marrëveshjet Kolektive. Ja, kaloi prilli, ‘erdhën migrantë, azilkërkues?!’, Ja po kalon prilli, nuk ka azilkërkues, pastaj thoshin për fondet IPARD, na i bllokuan, jemi në bankrot… ja, vetë Komisioni Evropian doli dhe tha “bravo për Qeverinë, reagoi shpejt dhe brenda gjashtë muajve e zhbllokoi procesin”. Për shkak të reagimit të shpejtë të Qeverisë procesi është zhbllokuar. Po ashtu e interpretonin edhe deklaratën e Vajcit. Doli njeriu dje dhe shumë qartë përcolli atë që kishte për të thënë dhe edhe shumë gjëra të tjera, prandaj paralajmëroj, çdo konferencë për shtyp, çdo deklaratë që vjen prej andej, duhet të merret me shumë rezervë, sepse ajo është parti politike e cila në këtë moment nuk lufton për qytetarët, por lufton që udhëheqja aktuale e partisë, pas humbjes në zgjedhjet e ardhshme parlamentare, të mbetet ende udhëheqje,“ tha Mickoski.

Mickoski theksoi se Qeveria e di mirë cilat janë prioritetet dhe cilat politika duhet t’i ndjekë.

„Kjo është strategjia e tyre politike dhe kjo është praktikisht këshilla nga guruja politik i tyre nga prapavija dhe ai u tregon çfarë të bëjnë. Prandaj të jeni të sigurt, Qeveria e di saktësisht çfarë bën, e di saktësisht cilat janë prioritetet, e di saktësisht cilat politika duhet t’i ndjekë dhe ne do të vazhdojmë në atë drejtim t’i ndjekim,“ porositi kryeministri Mickoski.

Advertisement

Zëvendësdekani për Shkencë i Fakultetit të Teknologjisë Ushqimore dhe të Ushqyerit në Universitetin e Tetovës, Prof. Dr. Erhan Sulejmani, ka përmbyllur një vizitë studimore dyjavore në Republikën Popullore të Kinës, ku mori pjesë në seminarin ndërkombëtar “Përmirësimi i Kapaciteteve të Promovimit të Investimeve për Vendet e Brezit dhe Rrugës”. Aktiviteti u mbajt prej 2 deri më 15 prill 2026 dhe u organizua nga Akademia AIBO pranë Ministrisë së Tregtisë së Kinës (MOFCOM).

Gjatë qëndrimit në qytetet kryesore si Pekini, Hangzhou dhe Yiwu, Prof. Dr. Erhan Sulejmani u njoh me praktikat e avancuara të modernizimit kinez, të fokusuara në inovacion dhe zhvillim. Një nga momentet kyçe të vizitës ishte ndalesa në selinë e kompanisë teknologjike Zhejiang Dahua Technology, ku iu prezantua koncepti i “Smart Classroom” (klasat inteligjente). Ky sistem përfshin përdorimin e inteligjencës artificiale për monitorimin e pjesëmarrjes dhe teknologjive IoT për menaxhimin efikas të mjediseve akademike, duke paraqitur potencial të madh për zbatim edhe në Universitetin e Tetovës.

Vizita në Yiwu, e njohur si një nga qendrat më të mëdha të tregtisë globale, ofroi një pasqyrë të zhvillimit të logjistikës inteligjente dhe rrjeteve ndërkombëtare të tregtisë. Ai e vizitoi gjithashtu fshatin Lizu, një shembull i suksesshëm i transformimit rural, i cili nga një zonë e pazhvilluar është kthyer në një qendër të rëndësishme kulturore dhe inovative për sipërmarrësit e rinj.

Prof. Dr. Erhan Sulejmani thekson se Universiteti i Tetovës mbetet i përkushtuar për të zgjeruar bashkëpunimin ndërkombëtar, veçanërisht me institucionet kineze, në fusha si bujqësia digjitale dhe transferimi i teknologjisë.

Kjo vizitë u realizua në kuadër të forcimit të bashkëpunimit ndërkombëtar dhe përputhet me vizionin e Iniciativës “Brezi dhe Rruga” për ndërtimin e lidhjeve më të forta përmes arsimit, shkencës dhe zhvillimit ekonomik.

Advertisement