Ministria e Kulturës dhe Turizmit përkujton se në vijim dhe deri më 30 tetor 2026, deri në orën 15:40, zgjat aplikimi në Konkurset vjetore për financimin e projekteve me interes nacional sipas fushave dhe aktiviteteve të veçanta të kulturës për vitin 2027.

Regjistrimi bëhet përmes aplikimin elektronik në Portalin nacional për shërbime elektronike: Konkurset vjetore për financimin e projekteve me interes nacional sipas fushave dhe aktiviteteve të veçanta – persona fizikë : https://uslugi.gov.mk/…/godishni-konkursi-za… dhe Konkurset vjetore për financimin e projekteve me interes nacional sipas fushave dhe aktiviteteve të veçanta – persona juridikë: https://uslugi.gov.mk/…/godishni-konkursi-za…

“I ftojmë të gjithë të interesuarit të aplikojnë brenda afatit të paraparë, ndërsa ndihmë profesionale lidhur me aplikimet, shfrytëzuesit do të mund të kërkojnë edhe këtë vit në sektorët e Ministrisë së Kulturës dhe Turizmit”, publikoi Ministria

Autostrada Kërçovë–Ohër po i afrohet përfundimit, njoftoi zëvendëskryeministri dhe ministri i Transportit, Aleksandar Nikolloski, duke publikuar një video nga aktivitetet ndërtimore përgjatë trasesë.

Nikolloski theksoi se punimet po zhvillohen me intensitet të lartë dhe se bëhet fjalë për një nga projektet më të rëndësishme dhe më të vështira infrastrukturore në Maqedoni.

“Autostrada Ohër–Kërçovë po hyn në fazën përfundimtare! Punime intensive në një nga projektet më të rëndësishme dhe më të vështira infrastrukturore në Maqedoni!”, shkroi ministri.

Ndryshe, autoritetet kanë paralajmëruar se afati për përfundimin e plotë dhe vënien në përdorim të kësaj autostradë është tremujori i parë i vitit 2027. Gjatësia e trasesë është 57 kilometra.

Kontraktori kryesor për ndërtimin e autostradës Kërçovë – Ohër është Kompania kineze “Sinohydro”, me kompaninë “Granit” si nënkontraktore.

Advertisement

Ky projekt infrastrukturor kushton pothuajse 600 milionë euro, ndërsa pjesa më e madhe e mjeteve tashmë është paguar.

Mesatarisht, shteti paguan 9,7 milionë euro për një kilometër autostradë.

Para disa ditëve në Debresh të Gostivarit, ishte vërejtur një ari, duke shkaktuar shqetësime tek banorët lokal.

Xhirimet e kamerave të sigurisë tregojnë se ariu ka lëvizur nëpër vende të ndryshme nëpër fshat, ndër të cilët, në stadium dhe në oborret e shtëpive private.

I menjëhershëm ka qenë reagimi i autoriteteve lokale të Debreshit.

Përmes faqes në Facebook “Shoqata Debreshi” ka alarmuar për rastin duke bërë thirrje për kujdes të shtuar, veçanërisht për prindërit dhe fëmijët që në orët e mëngjesit nisen për në shkollë.

-Kujdesuni që fëmijët të mos lëvizin vetëm, veçanërisht në rrugët pranë pyjeve dhe zonave të pabanuara.

Advertisement

-Shoqëroni fëmijët për në shkollë, nëse është e mundur.

-Shmangni lëvizjet e panevojshme në zonat ku janë vërejtur arinjtë.

-Nëse hasni një ari, mos iu afroni, mos e provokoni dhe mos u përpiqni ta ndiqni apo ta fotografoni nga afër. Njoftoni menjëherë institucionet përkatëse, thuhet në njoftimin e Shoqatës “Debreshi”.

Rasti me ariun në Debresh, por kohë më parë edhe në Dobërdoll të Gostivarit, ka vënë në lëvizje shoqatat.

Në këtë drejtim, Shoqata e Gjuetarëve “DRENI” – Debresh nënshkroi marrëveshje bashkëpunimi me Shoqatën Ekologjike Maqedonase, me qëllim ndërmarrjen e masave të përbashkëta për menaxhimin e pranisë së ariut pranë zonave të banuara.

Advertisement

Menjëherë pas nënshkrimit të marrëveshjes, u realizua vizitë e përbashkët në terren, ku u vlerësua situata dhe u shqyrtuan masat parandaluese.

Në kuadër të këtij bashkëpunimi, shoqatës së Gjuetarëve “Dreni” u është dhuruar një pajisje të specializuar për largimin e sigurt të ariut nga vendbanimet, me qëllim mbrojtjen e banorëve dhe parandalimin e incidenteve të mundshme./Tv Koha/