Kryeministri i Republikës së Kosovës, Albin Kurti, ka pritur në takim delegacionin e prirë nga kreu i Komitetit Ushtarak të NATO-s, Admirali Giuseppe Cavo Dragone, dhe kreu i Komitetit Ushtarak të Bashkimit Evropian, Gjenerali Sean Clancy.

Gjatë takimit, kryeministri Kurti shprehu falënderimin për angazhimin dhe përkushtimin e vazhdueshëm të NATO-s për paqe, stabilitet dhe parandalim në Kosovë dhe në Ballkanin Perëndimor, ndërsa tha se roli i KFOR-it mbetet thelbësor jo vetëm për sigurinë e vendit, por mbarë rajonit.

Kryeministri Kurti theksoi se, për Kosovën, NATO-ja nuk është vetëm garantues i sigurisë, por orientim strategjik dhe destinacion.

Në kontekst të procesit të integrimit evropian, ai tha se krahas politikës së pranimit, duhet t’i kushtohet rëndësi edhe dëshirës për anëtarësim.

Në njoftimin për media bëhet e ditur se kryeministri Kurti pasi foli për rritjen e nivelit të sigurisë në vend, me theks në veri, në kontekst rajonal kryeministri përmendi synimet destabilizuese të Serbisë të mbështetur nga Rusia.

Kryeministri Kurti, po ashtu, theksoi bashkëpunimin e ngushtë të Forcës së Sigurisë së Kosovës me NATO-n

Advertisement

Seanca për zgjedhjen e presidentit është shtyrë për sot në orën 14:00.

Kryeparlamentarja Albulena Haxhiu i ftoi deputetët e opozitës që të marrin pjesë në seancë, pasi sipas saj, ata janë të obliguar të marrin pjesë dhe të votojnë, duke e mundësuar zgjedhjen e Presidentit.

“Për t’i dhënë atyre mundësinë që të jenë të pranishëm në këtë seancë […] po e vazhdojmë këtë seancë në orën 2. Pra, shihemi në orën 14:00”, tha ajo.

Disa shkolla fillore dhe të mesme në Zagreb kanë marrë kërcënime të reja për bomba mëngjesin e sotëm. Sipas dëshmive të qytetarëve, disa objekte arsimore në rajonin e Zagrebit janë evakuuar menjëherë. Policia e Zagrebit është njoftuar për denoncimet dhe zyrtarët policorë ndodhen në teren duke bërë kontrollet e nevojshme.

Ky është një vazhdimësi e valës së kërcënimeve të rreme që nisi dje, e cila shkaktoi evakuime në shkolla të shumta në Zagreb, Split, Rijeka dhe Dubrovnik, si dhe në ndërtesën e Administratës së Qytetit të Zagrebit dhe qendrën tregtare “Arena Centar”. Kërcënime të rreme u dërguan gjithashtu në adresat e redaksive të mediave “Index” dhe “24sata”.

Vlerësohet se mbi 500 denoncime të rreme janë marrë brenda pesë ditëve të fundit në adresa të shkollave, kopshteve, qendrave tregtare dhe objekteve të tjera në mbarë Kroacinë, përfshirë edhe aeroportin e Splitit.

​Ministri i Brendshëm, Davor Bozhinoviq, duke folur për bashkëpunimin ndërkombëtar për identifikimin e autorëve, nuk deshi të jepte detaje që mund të ndihmonin ata që qëndrojnë pas këtyre veprimeve të mbrohen më tej.

Ai konfirmoi se deri më tani të gjitha raportimet kanë rezultuar të rreme, por theksoi se policia nuk do të anashkalojë asnjë denoncim që lidhet me sigurinë e qytetarëve dhe institucioneve.
​Ministri përsëriti se kërcënimet vijnë nga adresa jashtë shtetit, prandaj hetimi përfshin bashkëpunimin me shërbimet partnere, policitë e vendeve të tjera dhe organet gjyqësore ndërkombëtare. Gjithashtu, ai njoftoi se për momentin nuk ka plane për të kaluar në mësimin online për shkak të këtyre kërcënimeve.

Advertisement