Një turist i huaj ka mbetur i befasuar në mënyrë të pakëndshme pasi u vozit me një taksi në Shkup, prandaj e denoncoi rastin në polici. Ai pagoi një shumë të pabesueshme prej 7,800 denarësh për një udhëtim të shkurtër nga qendra e qytetit në Vodno të Mesme.

Rasti ka të bëjë me një shtetas zviceran 43-vjeçar, transmeton portali Lideri.mk, i cili e raportoi rastin në polici. Ai deklaroi se e përdori shërbimin në mbrëmje, por u habit nga shuma e lartë që shoferi i kërkoi.

Sipas denoncimit të tij, kur reagoi se çmimi ishte dukshëm më i lartë se zakonisht, shoferi i taksisë u bë agresiv. Më pas ai u largua nga vendi i ngjarjes me automjetin, pa dhënë shpjegime të mëtejshme.

Policia informon se po merren masa për të sqaruar rastin dhe për të përcaktuar të gjitha rrethanat./Lideri.mk

Është për të ardhur keq të shihet se si BDI po përpëlitet në baltën e vet. Për 20 vjet me radhë ishte pjesë e pushtetit, herë me LSDM-në e herë me VMRO-DPMNE-në, por përtej populizmit bosh, të ashtuquajturat arritje të tyre për shqiptarët nuk patën kurrëfarë peshe reale politike.

Tani po dalin në shesh të gjitha manipulimet e tyre. Në vend që në mënyrë sistematike dhe afatgjatë të zgjidhnin çështjet për të drejtat e shqiptarëve, ata na lanë trashëgimi mjete të mangëta e gjysmake, që në thelb shërbyen vetëm si mbulesë për pasurimin kriminal të funksionarëve të BDI-së.

Është ofenduese dhe tepër e ulët teza se Marrëveshja e Ohrit respektohet, rruga evropiane ecën përpara dhe partneriteti strategjik me SHBA-të ruhet vetëm kur BDI është partneri kujdestar i qeverisë. Ky narrativ është një përpjekje dëshpëruese e Ahmetit për të mbetur politikisht relevant.

Paralelisht, po e ndjek edhe frika nga dëshmia e Artan Grubit, i cili si kutia e zezë e BDI-s mban peng të paktën pesë funksionarë aktualë partiakë. Për këtë nënçmim të inteligjencës së shqiptarëve dhe për këtë mashtrim të gjatë, BDI e pagoi çmimin në zgjedhjet lokale, por duket se ende nuk është mbushur mend.

VLEN po jep një leksion të vërtetë se si trajtohen dhe zgjidhen çështjet me interes të lartë për shqiptarët.

Advertisement

Çmimet e naftës mbetën në nivele të larta pavarësisht njoftimit të presidentit amerikan Donald Trump se armëpushimi me Iranin do të zgjatet, ndërsa tregjet treguan pak shenja për uljen e tensioneve.

Nafta e tipit “Brent” për dërgesat e muajit qershor mbrëmë u ngjit përkohësisht mbi 100 dollarë për fuçi për herë të parë pas rreth një jave, përpara se të zbresë në 99 dollarë, duke shënuar gjithsesi një rritje prej afro 4% gjatë ditës. Ndërkohë, nafta referencë amerikane “West Texas Intermediate” (WTI) pati një rritje më të moderuar.

Trump më herët deklaroi se SHBA do të përmbahet nga sulme të mëtejshme me kërkesë të Pakistanit, duke i dhënë kohë udhëheqjes iraniane të paraqesë një propozim të përbashkët dhe të përfundojë bisedimet. Pa këtë zgjatje, armëpushimi do të skadonte sot, ndërsa Trump kishte paralajmëruar sulme të forta ndaj sektorit energjetik dhe infrastrukturës civile të Iranit.

Megjithatë, perspektivat për përparim në negociata mbeten të kufizuara. Uashingtoni dhe Teherani ende nuk kanë arritur marrëveshje për një raund të dytë bisedimesh, pavarësisht përpjekjeve ndërmjetësuese të Pakistanit, të cilat Trump i përmendi në deklaratën e tij, raportoi DPA.
Po ashtu, SHBA do të vazhdojë bllokadën ndaj tregtisë detare iraniane, një veprim që Teherani e konsideron pengesë për rifillimin e diplomacisë.