Aleanca për Shqiptarët shpreh shqetësim serioz lidhur me procesin e zgjedhjes së znj. Xhihan Ahmed si anëtare e Komisionit për Mbrojtje nga Diskriminimi, proces i cili, sipas të dhënave të bëra publike, shoqërohet me dyshime të bazuara për parregullsi procedurale dhe mosplotësim të kushteve ligjore.

Nga informacionet dhe dokumentet e analizuara rezulton se kandidatja nuk ka paraqitur dëshmi të mjaftueshme për përmbushjen e kritereve thelbësore të parashikuara me ligj dhe me thirrjen publike, përfshirë:
• përvojën e përgjithshme profesionale të kërkuar për këtë funksion,
• minimum 7 vite përvojë në fushën e të drejtave të njeriut,
• si dhe minimum 5 vite përvojë në fushën e barazisë dhe mosdiskriminimit.

Po ashtu, shqetësim i veçantë mbetet edhe çështja e neutralitetit politik. Pavarësisht deklaratës me shkrim për mosangazhim partiak, ekzistojnë informacione publike dhe të verifikueshme që e lidhin kandidaten me struktura të një partie politike, gjë që bie ndesh drejtpërdrejt me parimin e paanshmërisë politike, parim kyç për funksionimin e Komisionit për Mbrojtje nga Diskriminimi si organ i pavarur.

Aleanca për Shqiptarët kërkon:
• verifikim të plotë dhe të pavarur të gjithë procedurës së zgjedhjes,
• kontroll të detajuar të përmbushjes së kushteve ligjore dhe materiale,
• verifikim të saktësisë së deklaratës për neutralitet politik,
• dhe, nëse konstatohen parregullsi, anulim të vendimit për zgjedhje.

Institucionet e pavarura nuk mund dhe nuk duhet të jenë rezultat i pazareve politike apo i standardeve të dyfishta. Çdo devijim nga ligji dëmton besimin e qytetarëve dhe cenon drejtpërdrejt funksionimin e shtetit të së drejtës.

Advertisement

Aleanca për Shqiptarët do të vazhdojë të ndjekë këtë çështje dhe do të insistojë në transparencë të plotë dhe përgjegjësi institucionale.

Aleanca për Shqiptarët

Punonjësit e Postës së Maqedonisë sot dolën në protestë për shkak të vonesës së pagës për muajin dhjetor, duke shprehur pakënaqësi për, siç thonë ata, mosrespektimin e vazhdueshëm të afateve ligjore për pagesë, transmeton Portalb.mk.

Ata theksuan se punojnë për pagë minimale, por edhe atë nuk arrijnë ta marrin me kohë, duke paralajmëruar se nëse kjo përsëritet edhe muajin e ardhshëm, do të marrin vendim për hapat e mëtejshëm, ndërsa nuk përjashtohet as mundësia e grevës.

Në protestë nuk morën pjesë vetëm punonjës nga degët e Shkupit, por edhe kolegë të tyre nga disa qytete të tjera të vendit.

Kryetari i Organizatës Sindikale të Postës së Maqedonisë, Sasho Dimitrievski, deklaroi se vonesat e pagave po zgjasin tashmë disa muaj dhe se protesta e sotme është reagim i drejtpërdrejtë ndaj mospagimit të pagës së dhjetorit.

Mbështetje për protestat dha edhe kryetari i Lidhjes së Sindikatave të Maqedonisë, Slobodan Trendafilov, i cili tha se rreth dy mijë punonjës të Postës këtë muaj kanë mbetur pa pagë dhe festat i kanë kaluar pa asnjë të ardhur.

Advertisement

Ndërkohë, zëvendëskryeministri dhe ministri i Transportit, Aleksandar Nikolloski, së fundmi ka paralajmëruar ristrukturimin e Postës së Maqedonisë.