Lajme nga vendi
Bytyqi: Me ndihmën financiare të Qeverisë nxisim rritjen e kompanive
Zëvendëskryeministri i Qeverisë së Republikës së Maqedonisë së Veriut, përgjegjës për çështje ekonomike, koordinim me resorët ekonomikë dhe investime, Fatmir Bytyqi dhe drejtoresha e Drejtorisë së të Ardhurave Publike, Sanja Lukarevska, vizituan kompaninë ushqimore “KIM” nga Negotina e cila feston 25 vjetorin e funksionimit të suksesshëm.
Në deklaratën e tij, Bytyqi tha se është një kompani e formuar nga kapitali 100 % vendor, e cila në fillimet e saj prodhonte keçap domate në paketim vetëm 1 kg, por që me kalimin e kohës zhvilloi me sukses gamën e produkteve me prodhimin e majonezës, salcës nga domatet, salcë tartar, salcë çokollate, marmelata si dhe organizimin e prodhimit të kërpudhave.
“Është kënaqësi kur shoh se si kompanitë tona zhvillohen me sukses dhe pushtojnë tregjet e huaja, siç është shembulli i KIM Negotinë, i cili përveç në Maqedoni i shet produktet e veta në të gjitha vendet e Ballkanit Perëndimor, në vendet skandinave madje edhe në vendet tejoqeanike. Prandaj KIM u mbështet nga Qeveria përmes Ligjit për mbështetje financiare të investimeve (LMFI) i nënshkruar në vitin 2018 me mjete tashmë të paguara prej mbi 500 mijë denarë që shpresoj se do të vazhdojë edhe në të ardhmen përmes një cikli të ri financues”, tha Bytyqi.
Zëvendëskryeministri Bytyqi shtoi se kjo kompani ka shfrytëzuar mjetet përmes fondeve IPARD, si dhe fondet për KOVID që Qeveria ka ndarë për kompanitë që kanë guxuar të investojnë edhe në kohën e KOVID-it.
“Strategjia jonë përmes ligjit për mbështetjen financiare të kompanive vendore është të identifikojmë sektorët që mund të kenë vlerë të shtuar për të qenë më konkurrues jo vetëm në tregun e brendshëm por edhe në tregjet e huaja. Vetëm në vitin 2022 janë nënshkruar mbi 270 kontrata mbështetëse me kompani që kanë hyrë në cikle investimi prej rreth 145 milionë euro dhe do të krijojnë mbi 3700 vende pune në 5 vitet e ardhshme ose deri në përfundimin e kontratave të tyre”, tha Bytyqi.
Zëvendëskryeministri theksoi se Plani për rritje ekonomike i krijuar në vitin 2017 konfirmon se kjo Qeveri e njeh rrugën e duhur të rritjes dhe zhvillimit ekonomik të vendit tonë, përmes masave dhe politikave ekonomike për të ndikuar në zhvillimin e balancuar rajonal në krahasim me krijimin e atyre ekonomike që thellojnë boshllëk në rajonet.
Drejtoresha e Drejtorisë së të Ardhurave Publike (DAP), Sanja Llukarevska, tha se si Administratë tatimore kultivojnë, avancojnë dhe mbrojnë tatimpaguesit e disiplinuar, që ishte qëllimi i vizitës së saj në KIM së bashku me zëvendëskryeministrin Bytyqi.
“Kjo është marrëdhënia që duhet të ndërtojmë mes kompanive dhe Drejtorisë së të Ardhurave Publike, marrëdhëniet e partneritetit. Në prag të 25-vjetorit, uroj që të festojnë edhe shumë përvjetorë dhe të mbeten një markë e njohur në vendin tonë dhe më vjen mirë që kanë shfrytëzuar mjete nga fondi KOVID, i cili nga ana e tij u përdor për zhvillimin e mëtejshëm të kompanisë”, tha Llukarevska.
Pronari i kompanisë KIM, Sllavço Jordanov, falënderoi për ndihmën financiare të shtetit.
“Ne kemi shfrytëzuar tri pako të ndihmës shtetërore, mbi 4,8 milionë denarë në vitin 2018 përmes fondeve IPARD, pastaj në maj të vitit 2020 kur u shpall programi shtetëror për mbështetjen e kompanive gjatë KOVID-it, morëm 25% nga 200 mijë euro të investuara. Tani shpresojmë se do ta shfrytëzojmë ndihmën e Agjencisë për Investime të Huaja në fushën e punësimit”, tha Jordanov.
Lajme nga vendi
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Drejtoria e Policisë Financiare ngriti kallëzim penal në Prokurorinë Themelore Publike në Shkup kundër personave N.I., B.G. në cilësinë e tyre si drejtues të personave juridikë, kundër dy personave juridikë, si dhe kundër pesë personave të punësuar në Agjencinë për Menaxhimin e Pasurisë së Sekuestruar F.A., G.A., P.K., F.J. dhe A.B., për shkak të ekzistencës së bazave të dyshimit për kryerjen e veprës penale “Keqpërdorim i procedurës për thirrjes publike, dhënie të kontratës së prokurimit publik ose partneritetit publik-privat” sipas nenit 275-c të Kodit Penal të Republikës së Maqedonisë së Veriut.
Të denoncuarit N.I. dhe B.G., si drejtues të dy personave juridikë, gjatë vitit 2021 me vetëdije dhe me qëllim të paracaktuar kanë shkelur rregulloret e procedurës për thirrje publike dhe dhënie të kontratës së prokurimit publik, me marrëveshje paraprake dhe veprime të koordinuara kanë shkelur konkurrencën në procedurën për shitjen e automjeteve të shkatërruara – skrap metali, të organizuar nga Agjencia për Menaxhimin e Pasurisë së Sekuestruar. Një person juridik u paraqit si konkurrent formal, dhe gjatë ankandit publik u paraqit një ofertë me një gabim teknik të qëllimshëm në një shumë monetare joreale, e cila i pengoi pjesëmarrësit e tjerë të vazhdonin më tej me ofertat.
Të pandehurit G.A., P.K. dhe F.J., si anëtarë të komisionit për zbatimin e procedurës, në kundërshtim me dispozitat ligjore të parashikuara në Ligjin për Menaxhimin e Pronës së Konfiskuar, Përfitimit Pasuror dhe Objekteve të Sekuestruara në Procedurën Penale dhe Kundërvajtje, dhe bazuar në një akt nënligjor dhe mendim ligjor të përgatitur nga A.B., me vetëdije ndihmuan në zbatimin e kësaj skeme të dakorduar dhe mundësuan lidhjen e një marrëveshjeje për shitjen e automjeteve të sekuestruara të shkatërruara si skrap metali midis Agjencisë për Menaxhimin e Pronës së Sekuestruar, të përfaqësuar nga F.A., dhe personit juridik të menaxhuar nga N.I., gjë që i mundësoi personit juridik të fitonte përfitim pasuror të paligjshëm në shumën prej 2.128.352 denarë.
Lajme nga vendi
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
Presidentja Gordana Siljanovska Davkova sot deklaroi se heqja e balancuesit ishte e domosdoshme për shkak të rreziqeve korruptuese që i ka krijuar, duke theksuar njëkohësisht se çështjet e shtetësisi jorezidente, marrëdhëniet me Bullgarinë dhe politikat energjetike janë komplekse dhe duhet të zgjidhen përmes parimeve kushtetuese, debatit publik dhe respektimit të standarE madhee njerëzore dhe ekologjike.
Në një deklaratë për mediat pas hapjes së “Fundjavës për pastrim të përgjithshëm”, presidentja Gordana Siljanovska Davkova deklaroi se i a.q. balancuesi, në formatin që ka ekzistuar, në thelb çoi në korrupsion dhe kriminalizim.
Në lidhje me çështjen për shtetësinë jorezidente, ajo u përgjigj se zgjidhja duhet të miratohet përmes argumenteve.
“Çështja është komplekse. Ka vende ku ekziston shtetësia e dyfishtë, ka vende ku nuk ekziston. Sot të gjithë po përballemi me një eksod dhe mungesë të fuqisë punëtore, dhe po flasim për qenie njerëzore që kanë edhe të drejtën e jetës”, tha presidentja, duke shtuar se zgjidhjet duhet të merren pas një debati të gjerë publik dhe duke peshuar argumentet “pro” dhe “kundër”.
Lidhur me pritjet e saj për marrëdhëniet me qeverinë e re të Bullgarisë, Siljanovska Davkova deklaroi se pritjet duhet të drejtohen nga qeveria e re bullgare dhe kryeministri Rumen Radev, duke theksuar se populli bullgar pret stabilitet, reforma dhe luftë kundër korrupsionit dhe krimit.
Lidhur me kërkesat e organizatave joqeveritare për të vënë veton ndaj Ligjit për Burimet Minerale, presidentja theksoi se ato kanë një rol të rëndësishëm në shoqëri dhe meritojnë, siç e tha ajo, një “vend të gjelbër” në parlament.
Sipas saj, garancitë për mbrojtjen e mjedisit nuk përmbahen në këto ligje.
“Ato ligje, nëse keni parasysh Ligjin për burimet minerale, merren kryesisht me çështjet e energjisë. Ne kemi Kushtetutë, kemi edhe Ligj për mbrojtjen e mjedisit – ky është çelësi i qëndrimit ndaj këtyre ligjeve”, shtoi Siljanovska Davkova.
Ajo theksoi se shteti duhet të përgatitet njëkohësisht për sfidat e ardhshme energjetike dhe të kujdeset për natyrën.
Për ditë me radhë koalicioni VLEN ka ngritur intensitetit e aktivitetit publik duke paralajmëruër Kongresin e Bashkimit.
Sipas tyre e shtuna, do të kurorëzojë përpjekjet për unifikimin e faktorit politik shqiptar.
Koalicioni VLEN, nesër më 9 Maj – në Ditën e Evropës, do të mbajë Kongresin e bashkimit, ku 5 subjekte politike formalisht duhet të miratojnë vendimin për të vepruar si subjekt i vetëm politik në kuadër të bllokut politik shqiptar në vend. Në prag të Kongresit, VLEN doli me mesazhin se procesi i bashkimit ka qenë i gjatë dhe përplot me sfida politike, dyshime dhe tentativa për të parandaluar këtë process. Sipas VLEN-it, ky bashkim ka peshë historike dhe se ky është premtimi që VLEN ua dha shqiptarëve. Por, si e shohin qytetarët, këtë Kongres dhe këtë bashkim të VLEN-it?
“Çdo bashkim është i mirë. Madje unë kisha thënë se që të bashkohen të gjitha partitë”
“Edhe atë gajle do ia mbajë VLEN-it, unë jam plak”
“Më mirë me u bashkuar”
“Më mirë është. Deri tani Bilall Kasami ka punuar mirë. Jam i gëzuar”
“Mendoj se është mirë. Bilall Kasami duhet të jetë Kryetar”
“Është më mirë për shqiptarët. Cili të jetë Kryetar vet le ta vlerësojnë”
“Normalisht se është mirë. Sa më të bashkuar aq më mirë. Vet si do të vendosin organmet partiake, mendoj se Izeti do të ishte më mirë”
Pas Kongresit, VLEN, si pjesë e Qeverisë, do të duhet të përballet me shumë sfida që prekin drejtpërdrejtë qytetarët.
Situata ekonomike, migrimi i të rinjve, pozita e shqiptarëve, gjuha shqipe, eurointegrimet evropiane e shumë çështje tjera duhet që nga premtimet të shndërrohen në rezultate të prekshme./Tv Koha/
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
KONGRESI I VLEN – QYTETARËT MIRËPRESIN BASHKIMIN!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
