Lajme nga vendi
Kalkulime interesante me “tri pikat” e BDI-së: I pari që s’mund ta kalojë vetingun është Mickoski!?
Bashkimi Demokratik për Integrim (BDI) i propozoi opozitës një Plan 3-pikësh, që synon të fillojë një hetim i partive politike, duke filluar nga kryetarët dhe të gjithë mbajtësit e tjerë të funksioneve publike me prezencë të ekspertëve të komunitetit ndërkombëtar, për të siguruar objektivitetin dhe transparencën e hetimit.
“Hetimi, ose kërkesa e BDI-së për këtë lloj hetimi, synon të ofrojë objektivitet në proces, duke i dhënë fund kështu përplasjeve politike dhe akuzave të pabaza politike ndaj subjekteve të caktuara për pjesëmarrje në veprimtari kriminale të posteve publike”, thonë. BDI-së.
Por a do ta kalojë vetingun e BDI-së lideri i opozitës VMRO-DPMNE, Hristijan Mickoski?
Gazetari dhe njohësi i zhvillimeve politike në vend, Aco Kabranov, thotë për “Frontline” se Mickovski nuk mund ta akuzojë për krim, kur ai vetë i ka futur “gishtat në mjaltë”.
“Të gjithë e dimë për hidrocentralet e liderit opozitar të VMRO-DPMNE-së. Historitë se kur u bë lider i shiti, nuk janë të vërteta, ai thjesht e ka kaluar pronësinë vetëm në letër. Fushat e Dellçevës, po ashtu, janë një projekt kriminal i njerëzve nga majat e VMRO-DPMNE-së dhe EVN-së, mbajtja e çështjes në sirtarët e prokurorit më jep të drejtën të dyshoj për përfshirjen e tij personale. Ende ka shumë thashetheme të pakonfirmuara dhe të pahetuara për përfshirjen personale të Mickoskit në to. Prandaj më duket e neveritshme kur çdo të dytën ditë flet për njerëz të pushtetit, nënkupton LSDM-në dhe BDI-në, se janë kriminelë. Por përgjegjësi mund të kërkohet dhe të jepet ndëshkimi vetëm nga një person apo politikan i pastër”, tha Kabranov.
Në anën tjetër, sipas analistit politik, avokatit me profesion, Qenan Aliu, kushtet e VMRO-DPMNE-së janë joparimore, përveç kërkesës legjitime të opozitës për zgjedhje të parakohshme.
“Pika e tretë e BDI-së nuk do të realizohet kurrë, përderisa nuk ka një monitorim politik amerikan. Teoritë e demokracisë dhe teoritë e partive politike dhe të krizave politike deshifrojnë zgjidhjet e mundshme, por këtu ndodhin gjëra dhe veprime politike që nuk përputhen fare me teoritë e lartpërmendura shkencore, por thjesht veprimet politike kryhen brenda kuadrit partiak. interesat”, thotë Aliu.
Politologu Bllagojçe Atanasoski thotë se me këtë veprim BDI-ja e vuri opozitën para aktit kryer.
“Propozimi i BDI-së është që lideri i opozitës të vihet para një akti të kryer, pra të ngushtohet hapësira për manovra për interpretime të mëtejshme të ndryshme të negociatave në mes të qeverisë dhe opozitës, pra kush ka pranuar çfarë. Mendoj se është koha për t’i dhënë fund kësaj telenovele, me akuza të ndërsjella se kush ka pranuar çfarë dhe pse jo, për t’i dhënë një plan të pastër procesit dhe për të parë nëse është e mundur të ecet përpara me miratimin e ndryshimeve kushtetuese apo të ndalet procesi”, thekson Atanasoski.
Ndryshe, përveç “pikës tre” që parashikon vetingun e detyrueshëm, BDI propozoi edhe dy pika të tjera për dalje nga ngërçi politik në të cilin ndodhet shteti. Në pikat 1 dhe 2 thuhet:
“Opozita të mbështesë ndryshimet kushtetuese që do të hynin në fuqi nga konferenca e dytë ndërqeveritare.
BDI do të tërhiqej nga te gjitha pozitat Qeveritare perfshirë edhe atë që do të merrnin qoftë nga pozita apo opozita gjatë ‘Przhinos”, pra nga Qeveri Teknike, pra nga te gjitha pozitat e mundshme nga Qeveria e ardhshme teknike”./ina-online/
Kryetari i Komunës së Çairit, Izet Mexhiti, ka vlerësuar rëndësinë e ruajtjes dhe zhvillimit të sportit të mundjes, duke theksuar se Shkupi vazhdon të jetë një nga qendrat më të rëndësishme të këtij sporti në vend.
Përmes një postimi në rrjetin social Facebook, Mexhiti tha se aktiviteti “Vera Kulturore dhe Sportive” ka bashkuar traditën, të tashmen dhe të ardhmen e sportit të mundjes, duke rikujtuar emrat e mëdhenj që kanë lënë gjurmë në historinë sportive shqiptare.
“Shkupi, qyteti që i dha sportit emra të mëdhenj si Mentaz Allajbegu, Shaban Tërstena dhe Shaban Sejdiu, vazhdon të mbetet vatër e traditës së lavdishme të mundjes”, ka shkruar Mexhiti.
Ai ka veçuar edhe kontributin e mundësit dhe trajnerit Besir Alili, për të cilin tha se po e mban gjallë këtë trashëgimi me përkushtim dhe profesionalizëm, duke bërë që fryma e kampionëve të vazhdojë të jetojë dhe të frymëzojë brezat e rinj.
Sipas Mexhitit, fëmijët që janë pjesë e aktiviteteve sportive përfaqësojnë shpresën për kampionët e së ardhmes, duke dëshmuar se tradita e mundjes në Shkup vazhdon të kultivohet dhe të zhvillohet.
“Këta fëmijë, plot ëndrra dhe vullnet, përfaqësojnë brezin e ri dhe shpresën për kampionët e nesërm”, theksoi ai.
Hekurudha e dëmtuar në rrugën që të shpie drejt fshatit Falishtë do duhet të pres deri sa të bëhet rruga e re, nga Bervernica përmes lagjes Jashtë Vardarit e që të shpie deri te fabrika e Teteksit. Pavarësisht se ky kalim po ua shkatëron veturat banorëve dhe bizneseve që gravitojnë në këtë zonë por edhe kalimtarëve të rastit, kreu i Komunës së Tetovës Bilall Kasami thotë se janë të njoftuar për problemin dhe se për këtë janë në komunikim me Hekurudhat e Maqedonisë.
BILALL KASAMI – Kryetar i Komunës së Tetovës
“Në atë pikë do të dal edhe rruga që është duke u ndërtuar nga rruga për në Bërvenicë, përmes lagjes jashtë vardarit, fabrikës së Teteksit dhe do të dal rreth hekurudhës dhe do të dal në atë pikë aty. Fazën finale të realizimit të rrugës do të shohim edhe mundësinë që bashkë të rregullohet edhe hekurudha. Kemi kërkesë edhe deri te Komuna, kemi një komunikim edhe me hekurudhat e Maqedonisë” tha Kasami.
Kasami tha se qëllimi është që projekti i rregullimit të kësaj pjese të bëhet i plotë dhe me të gjitha standardet e jo gjysmak andaj ai apeloi për durim dhe mirëkuptim deri në përfundimin e plotë të punimeve që sipas tij nuk do të zgjasin shumë.
BILALL KASAMI – Kryetar i Komunës së Tetovës
“Jemi duke kërkuar zgjidhje se si të rregullohet ajo çështje shkaku se aty me projektin për hapjen e rrugës ka edhe kanalizim atmosferik dhe fekal dhe aty do të shohim edhe rregullimin e kanalizimeve. Pra edhe aty nuk është thjeshtë merremetimi i rrugës por është një projekt serioz me gjithë infrastrukturën mbitokësore dhe nëntokësore. Sepse janë projekte të cilat ne nuk duam t’i bëjmë shkel e shko por duam t’i bëjmë edhe stuktrën përciellëse. Pra po kemi kërkesë dhe jemi duke e shqyrtuar mënyrën se si ta realizojmë të njëjtën” shtoi Bilall Kasami, Kryetar i Komunës së Tetovës.
Përndryshe Televizioni Koha ka raportuar disa herë për këtë rrugë dhe problemet që hasin qytetarët gjatë kalimit të hekurudhës. Banorët madje i thanë ekipit të Kohës se kanë bërë kërkesë deri te drejtoria e hekurudhave që ta rregullojnë këtë kalim me vetëiniciativë por nuk kanë marr fare përgjigje.
Përndryshe, ka vite të tëra që në këtë herkurudhë nuk kalon asnjë tren, megjithatë, kalimi ka mbetur i dëmtuar dhe për vite me rradhë nuk është ndërmarr asgjë./Tv Koha/
Pas shënimit të ditëlindjes së VMRO-DPMNE-së, Izet Mexhiti, Bilall Kasami dhe Maksim Dimitrievski pritet që në fund të javës të ulen në një tryezë të përbashkët me Kryeministrin Mickoski për të diskutuar përbërjen e re të Qeverisë. Sipas partnerëve të koalicionit të VMRO-DPMNE-së, në takim do të marrin pjesë edhe sekretarët e përgjithshëm të partive ose koordinatorët e grupeve parlamentare.
Pas 17 qershorit, pas festimit të ditëlindjes së VMRO-DPMNE-së, pritet të nisin bisedimet e Kryeministrit Hristijan Mickoski me partnerët e koalicionit qeveritar lidhur me rikonstruimin e Qeverisë.
Kryeministri deklaroi se gjërat do të bëhen më të qarta pasi të ulet në një tryezë të përbashkët me drejtuesit e VLEN-it dhe ZNAM-it për të diskutuar ndarjen e resorëve dhe rotacionet e mundshme në disa ministri.
Ai theksoi se qëllimi nuk është që me çdo kusht të shkohet në zgjedhje të parakohshme parlamentare, por nëse kundërshtarët politikë i provokojnë ato, qeveria është e gatshme edhe për atë skenar.
Mediat njoftojnë se takimet do të zhvillohen me liderët e VLEN-it dhe ZNAM-it, përkatësisht me Izet Mexhitin dhe Bilall Kasamin si përfaqësues të bllokut politik shqiptar në qeveri, si dhe me Maksim Dimitrievskin nga ZNAM, i cili do të shoqërohet nga sekretari i përgjithshëm i partisë ose koordinatori i grupit parlamentar.
Çështja e rikonstruimit ka hapur edhe dilema rreth asaj se kush do ta zërë vendin e Arben Fetait në resorin e Qeverisjes së Mirë, pasi ai dha dorëheqje pas reagimeve të opinionit publik dhe opozitës se nuk paraqitej në punë, ndërsa më pas u emërua nga kryeministri si përfaqësues i lartë i vendit në Bruksel.
Rikonstruimi i ri ka hapur debat edhe për Ministrinë e Politikës Sociale, Demografisë dhe Rinisë, pasi Ministri Limani deklaroi se nuk është më pjesë e VLEN-it, ndërsa kjo koalicionon këmbëngul se ministria u takon atyre.
Përveç VLEN-it dhe ZNAM-it, të dyja palët presin t’i mbajnë resorët e tyre, por nuk e përjashtojnë mundësinë e rokadave të caktuara.
Në opinion është spekuluar se ekziston mundësia që zëvendëskryeministri Bekim Sali të kalojë në krye të Ministrisë së Shëndetësisë, një sektor që ai e ka drejtuar edhe në periudhën 2022–2023. Gjithashtu, nuk përjashtohet mundësia e ndryshimeve të tjera mes partnerëve të koalicionit në këtë resor.
Spekulimet për largimin e ministrit të Drejtësisë, Igor Filkov, janë hedhur poshtë nga lideri i ZNAM-it, Maksim Dimitrievski, megjithatë fjalën e fundit do ta ketë mandatari dhe kryeministri Hristijan Mickoski.
Megjithatë, nëse rikonstruimi do të jetë i vogël apo i gjerë do të varet kryesisht nga planet e qeverisë për zgjedhje të mundshme të parakohshme parlamentare.
Kryeministri ka deklaruar disa herë se zgjedhjet po afrohen dhe mund të mbahen edhe vitin e ardhshëm.
Për këtë arsye, nuk përjashtohet mundësia që rikonstruimi të jetë më i kufizuar, megjithëse priten edhe emra të rinj, veçanërisht nga VLEN-i për ministritë e përmendura./Tv Koha/
Mexhiti: Shkupi vazhdon të mbetet vatër e traditës së lavdishme të mundjes
KASAMI PREMTON RREGULLIMIN E KALIMIT TË HEKURUDHËS PËR NË FALISHTË
NBA: NEW YORK KNICKS KAMPION PAS 53 VITEVE!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
