Lajme nga vendi
Ndahet çmimi “Gruaja evropiane e vitit”
Me rastin e Ditës ndërkombëtare të gruas – 8 Marsi, Ekipi Evropa dhe Kombet e Bashkuara (KB) në vend sot e kanë ndarë çmimin “Gruaja evropiane e vitit” për këtë vit. Çmimin e kanë marrë shtatë gra nga vendi, të njohura si krijuese të ndryshimeve në komunitetet e tyre.
Ky çmim është vendosur në vitin 2022 nga Delegacioni i Bashkimit Evropian, si mënyrë që të njihen dhe promovohen barazia dhe mundësitë e barabarta si vlera themelore të BE-së.
Edicioni i dytë për këtë vit është organizuar nën patronazhin e Ekipi Evropa dhe Përfaqësia e KB-së në vendin tonë. Çdo kandidate është prezantuar nga anjë ambasadore nga organizatat ndërkombëtare dhe ambasadat në vend.
Euroambasadori Dejvid Gir në fjalimin e tij me rastin e ndajes së çmimit theksoi se 8 Marsi është dita kur flitet për rëndësinë e të drejtave të grave dhe për barazi gjinore.
“Me këtë ngjarje duam të japim respekt për gratë që kontribuojnë për komunitetin e tyre dhe arrijnë progres, por edhe i thyejnë tabutë në shoqëri. Secila prej tyre është e shkëlqyer në mënyrën e saj dhe është inspirim për të gjithë ne. Barazia gjinore është vlerë evropiane, por edhe ndërkombëtare”, theskoi Gir.
Kandidatja e parë Almira Fasli Muarem, aktiviste rome nga Shkupi sot u prezantua nga Petra Dreksler, ambasadore e Gjermanisë.
Maria Duda Dibiaxhio, sipërmarrëse nga Kriva Pallanka – është e përfaqësuar nga shefi i zyrës së përfaqësuesit të BIE-së Bjorn Gabriel, Katerina Koteska-Stisniovska, avokate nga Manastiri – është e përfaqësuar nga spanjolli. Ambasadori, Hose Luis Losano Garsa, Ana Vitanova Ringaçeva, profesoreshë universitare nga Strumica – përfaqësohet nga ambasadorja e Suedisë, Ami Larson Jain dhe Daliborka Zlateva, avokate për personat me aftësi të kufizuara nga Velesi – e përfaqësuar nga koordinatorja e përhershme e OKB-së, Rosana Duxhiak.
Elmedina Abdullahi, avokate mjedisore nga Tetova, e cila është përfaqësuar nga ambasadorja greke, Sofia Filipidu tha se fjala e saj është “dashuria” – dashuria për jetesën, natyrën dhe fëmijët, sepse, siç tha, secila punë që punohet me dashuri çon drejt suksesit.
Gresa Mustafai, sportiste nga Struga – përfaqësuar nga ambasadori slloven, Gregor Presker, tha se e shikon veten si të fuqishme, të sinqertë dhe të motivuar. Mesazhi i saj për më të rinjtë është se nuk duhet të kenë frikë nga sfida e reja.
“Gruaja evropiane e vitit” është një çmim i krijuar në vitin 2022 nga Delegacioni i Bashkimit Evropian si një mënyrë për të njohur dhe promovuar barazinë dhe mundësitë e barabarta si vlera themelore të BE-së. Edicioni i dytë për vitin 2024 organizohet nën kujdesin e Ekipi Evropë dhe Përfaqësisë së KB-së në Maqedoninë e Veriut.
Lajme nga vendi
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Pas valës së pazakontë të të ftohtit që solli reshje bore në Malin Sharr dhe në Pelister të premten, më 24 korrik, si dhe pas mëngjesit të sotëm jashtëzakonisht të freskët për muajin korrik, Maqedoninë e pret një tjetër ndryshim i fortë i motit.
Meteorologu Sllavço Poposki njofton se nga fillimi i javës vendi do të përfshihet nga një masë shumë më e ngrohtë ajrore që vjen nga jugu, përkatësisht nga Afrika.
“Që nga e hëna dhe gjatë ditëve në vijim, temperaturat do të shënojnë rritje të shpejtë. Në pjesën më të madhe të Maqedonisë ato do të kalojnë 30 deri në 35 gradë Celsius, ndërsa në rajonin e Povardarisë dhe në pjesën juglindore të vendit do të arrijnë deri në 38 gradë Celsius”, thekson Poposki.
Sipas tij, vetëm gjatë ditës së hënë, më 27 korrik, priten dukuri lokale të paqëndrueshme të motit, të shoqëruara me reshje të rrëmbyeshme shiu, bubullima dhe erë të përforcuar.
Nga e marta, më 28 korrik, moti do të stabilizohet plotësisht dhe do të mbizotërojë mot me diell, i qëndrueshëm dhe me vranësira të pakta lokale.
Poposki paralajmëron se këto ndryshime të menjëhershme dhe të mëdha të temperaturave mund të kenë ndikim negativ, veçanërisht te personat e ndjeshëm ndaj ndryshimeve të motit.
Çmimet e shitjes me pakicë të benzinave EUROSUPER BS-95 dhe EUROSUPER BS-98 rriten për 3,00 denarë për litër.
Çmimi i shitjes me pakicë i EURODIZELIT (D-Е V) rritet për 4,50 denarë për litër.
Çmimi i shitjes me pakicë i Vajit Ekstra të Lehtë për Amvisëri (ЕL-1) rritet për 5,00 denarë për litër.
Çmimi i shitjes me pakicë i Мazutit М-1 SU rritet për 2,726 denarë për kilogram.
Nga data 28.7.2026, nga ora 00:01, çmimet maksimale të derivateve të naftës do të jenë:
Benzinë motori EUROSUPER BS – 95 93,00 (denarë/litër)
Benzinë motori EUROSUPER BS – 98 95,00 (denarë/litër)
Naftë motori EURODIZEL BS (D-E V) 98,50 (denarë/litër)
Vaj për Djegie Ekstra i Lehtë 1 (EL-1) 98,00 (denarë/litër)
Mazut М-1 SU 48,099 (denarë/kilogram)
Nën qiellin e hapur të Banjës së Tetovës, qytetarët patën mundësinë të ndjekin shfaqjen e filmit “Krejt e Thirrin Rexhën”, në kuadër të manifestimit Vera Tetovare, Tetova n’Festë.
Një mbrëmje e bukur kinematografike, e mbushur me emocione, humor dhe atmosferë të veçantë, që bëri bashkë qytetarë të të gjitha moshave.
Tv Koha takoi edhe Artistin e ri nga Tetova, Ledion Mulaku, i cili hapat e parë në aktrim i ka bërë që në moshë të hershme, duke qenë pjesë e disa projekteve filmike dhe serialeve të rëndësishme në rajon, duke përfshirë filmat “Dashuria s’mjafton” dhe “Shkëmbimi”, serialin ndërkombëtar Sunrise, si dhe projektin e fundit “Krejt e thirrin Rexhen”, ku ai interpreton një nga rolet protagoniste dhe është vlerësuar me çmimin Best Young Actor.
Suksesi i tij është një shembull frymëzues për të rinjtë e Tetovës dhe një dëshmi e potencialit të madh që ka rinia jonë.
Vera tetovare riktheu në Tetovë filmin “Krejt e Thirrin Rexhën” me një mbrëmje të veçantë kushtuar artit dhe kinematografisë shqiptare.
Ambienti I hapur në Banjë të Tetovës u bë arenë e gërshetimit të brezave dhe interesimit të jashtëzakonshëm të publikut tetovar.
U shijua së bashku një film I jashtëzakonshëm në një atmosferë të bukur verore, ku sipas organizatorëve, “Tetova N`Festë” vazhdon të sjellë kulturë, art dhe argëtim në çdo cep të qytetit.
/Tv Koha/
Franca në alarm, zjarret i afrohen Bordeaux, Macron mbledh qeverinë në takim krize
SHOK TEMPERATURASH NË MAQEDONI: Pas të ftohtit të pazakontë dhe borës, këtë javë deri në 38°C
Sërish shtrenjtohen karburantet nga mesnata
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
