Si mund të hyni në konkurs?

Këtë vit, kushdo që ka lindur midis 1 korrikut 2007 dhe 30 qershorit 2008 mund të aplikojë.

Regjistrimi është i mundur edhe para se të mbushin 18 vjeç, por pjesëmarrësit duhet të jenë në moshë madhore para fillimit të udhëtimit.

Si duket aplikimi?

Mund të aplikoni deri më 22 prill në Portalin Evropian të Rinisë.

Aplikimi mund të jetë individual ose në grup prej pesë anëtarësh.

Advertisement

Pas aplikimit, kandidatët duhet të zgjidhin një kuiz të shkurtër rreth Bashkimit Evropian dhe një pyetje shtesë, pas së cilës Komisioni Evropian dhe agjencia përkatëse do të zgjedhin fituesit.

Udhëtoni deri në 30 ditë në Evropë

Pjesëmarrësit e përzgjedhur do të jenë në gjendje të udhëtojnë me makinë nëpër Evropë midis 1 korrikut 2026 dhe 30 shtatorit 2027.

Udhëtimi mund të zgjasë deri në 30 ditë, me një maksimum prej shtatë ditësh të parashikuara për drejtimin me makinë për ata që duhet të arrijnë në hekurudhën e parë evropiane me atë mjet.

Program që ka tërhequr miliona të rinj

Programi DiscoverEU u lançua në vitin 2018 dhe ka gjeneruar interes të madh deri më tani.

Sipas të dhënave të BE-së, më shumë se 1.9 milion të rinj kanë aplikuar deri më tani, ndërsa rreth 431.000 prej tyre kanë pasur mundësinë të udhëtojnë falas nëpër Evropë.

Advertisement

Kjo iniciativë synon t’i afrojë të rinjtë me vendet evropiane, kulturën dhe mundësitë e ofruara nga BE-ja.

-Numri i punëtorëve në seksionet e autostradave që po ndërtohen nga konsorciumi “Bechtel dhe Enka” jo vetëm që nuk është ulur, por është rritur; kemi rritje prej 40 për qind të aktiviteteve ndërtimore në segmentet e autostradave, ndërsa realizimi i investimeve kapitale të Ministrisë së Transportit është mbi 70 për qind, që përbën rekord në historinë e shtetit dhe në nivel të Qeverisë”, theksoi zëvendëskryeministri dhe ministri i Transportit, Aleksandar Nikolloski.

“Në lidhje me aktivitetin, ndërtimi i projekteve të tilla nuk është çështje vizualizimi, por është çështje faktesh dhe shifrash. Krahasuar, në dhjetor 2024 janë përfunduar punë me vlerë prej 10,7 milionë euro, në dhjetor 2025 punë me vlerë prej 19,1 milionë euro, gati 9 milionë euro më shumë. Më tej, në janar 2025 9,7 milionë euro, në janar 2026 12,2 milionë euro, në shkurt 2025 8,5 milionë euro, në shkurt 2026 13 milionë euro, që tregon një rritje serioze. Këtë e tregon edhe Enti Shtetëror i Statistikës: në tremujorin e tretë të vitit të kaluar ndërtimtaria kishte rritje prej 21 për qind, ndërsa në tremujorin e katërt 16,7 për qind,” theksoi Nikolloski në Kanal 5.

Nikolloski pret mjete shtesë për Ministrinë që drejton, me ribalancin e buxhetit

“Realizimi i investimeve kapitale të Ministrisë së Transportit, për të cilin jam veçanërisht krenar, është mbi 70 për qind. Shpresoj që me ribalancin do të kemi edhe mjete shtesë, sepse këto mjete deri në ribalanc do t’i shpenzojmë, gjë që është e mirë për shtetin, sepse mjetet tona janë më të shfrytëzuarat në kuptim të rritjes”, theksoi zëvendëskryeministri, sipas njoftimit të Ministrisë së Transportit.

Duke nisur nga 10 prilli hyjnë në fuqi rregullat e reja të lëvizjes në zonën shengen në 29 shtetet anëtare të Bashkimit Europian, pasi do të vendoset plotësisht në funksion sistemi i ri i hyrje -daljeve.

Me këtë ndryshim preken dhe qytetarët e Maqedonisë së Veriut, ku vulat tradicionale në pasaportë do të zëvendësohen me regjistrime digjitale të hyrje-daljeve nga territori i Bashkimit Europian.

Qytetarët duhet të kenë parasysh sa vijon. Në hyrjen e parë pas datës 10 prill 2026, në pikën kufitare do të regjistrohen: të dhënat e pasaportës; fotografia e fytyrës; gjurmët e gishtërinjve.

Refuzimi për të dhënë të dhënat biometrike sjell refuzimin e hyrjes në territorin Shengen.

Të dhënat e hyrjeve dhe daljeve (si dhe ato për refuzimet e hyrjes) do të ruhen për 3 vjet.

Advertisement

Ministria e Brendshme njoftoi se në fazën fillestare të zbatimit mund të ketë vonesa në aeroporte dhe pika kufitare tokësore.

Për këtë arsye, qytetarët këshillohen të paraqiten më herët për udhëtim dhe të kenë kujdes që pasaportat e tyre të jenë të vlefshme dhe në gjendje të mirë fizike.

Fëmijët nën 12 vjeç përjashtohen nga dhënia e shenjave të gishtave.

Gjatë procesit, udhëtarëve u bëhen katër pyetje të detyrueshme, përfshirë: konfirmimin e adresës së qëndrimit dhe verifikimin e burimeve financiare të mjaftueshme për të mbuluar qëndrimin në zonën Shengen.

Sistemi i ri nuk ndryshon rregullin ekzistues të qëndrimit, maksimumi 90 ditë në çdo periudhë 180-ditore.

Advertisement

Vendosja e sistemit EES, nisi më 12 Tetor 2025, kurse nga 10 Prilli 2026 sistemi tërësisht është implementuar në të gjitha vendet anëtare të BE-së.

Prej sot periudha e tranzicionit ka përfunduar dhe të gjitha vendkalimet e jashtme të BE-së funksionojnë kryesisht me evidencën digjitale, me çka vulat në pasaporta definitivisht shkojnë në histori.