Fondi për Sigurim Shëndetësor paralajmëron ndryshime në rregullat për pushimet mjekësore, me qëllim parandalimin e keqpërdorimeve dhe forcimin e kontrolleve.

Drejtori i Fondit, Zlatko Perinski, tha se mjekët amë së shpejti do të mund të japin pushim mjekësor deri në 5 ditë, në vend të 7 ditëve sa është aktualisht. Sipas tij, qëllimi nuk është kufizimi i të drejtës për pushim mjekësor, por krijimi i një sistemi më të drejtë dhe parandalimi i abuzimeve.

Kontrollet do të kryhen si pas denoncimeve nga punëdhënësit, ashtu edhe në mënyrë të rastësishme. Nëse kontrollori nuk e gjen personin në adresën e deklaruar gjatë pushimit mjekësor, do t’i lihet njoftim që të paraqitet para komisionit mjekësor dhe të japë shpjegim. Për rastin do të njoftohet edhe punëdhënësi.

Ndryshimet parashikojnë gjithashtu më shumë raste kur pushimi mjekësor mund të përcaktohet pa praninë fizike të pacientit, si dhe digjitalizimin e evidencave dhe dokumentacionit.

Sipas Perinskit, gjatë kontrolleve të kryera në Ministrinë e Punëve të Brendshme janë konstatuar parregullsi në rreth 30 për qind të rasteve të shqyrtuara, ndërsa kontrollet dhe analizat do të vazhdojnë edhe në institucione të tjera dhe në sektorin privat.

Advertisement

Fondi ka parashikuar për vitin 2026 rreth 6.45 miliardë denarë për pushimet mjekësore dhe lejet e lindjes, çka, sipas drejtuesve të institucionit, kërkon mekanizma më të fortë kontrolli.

Ndërkohë, Fondi paralajmëron edhe ndryshime të tjera që lidhen me pacientët. Recetat e lëshuara nga shërbimet kujdestare pritet të mund të realizohen brenda 24 orëve, në vend të afatit aktual deri në mesnatën e së njëjtës ditë.

Nga data 16 deri më 22 shtator, Tetova do të jetë nikoqire e edicionit të pesëmbëdhjetë të festivalit të filmit Tiff ODA, në të cilët ditë, në Shtëpinë e kulturës në Tetovë, do të shfaqen filma të ndryshëm të metrazhit të gjatë dhe të shkurtër, ndërsa do të ketë edhe vork-shope për studentët dhe ata që merren me produkcion.

AGIM ADBULLA – Koordinator i TIFF ODA
“Këtë vit kemi filma nga 22 shtete të rajonit dhe botës. 14 filma të metrazhit të gjatë që ndahen në tre kategori, Ballkan Panora,a që është garuese, Europian Panorama me filma prestigjioz, do kemi edhe specialo screening, dhe filma të shkurtër që përbëhen nga disa kategori, kategoria e filmit të shkurtër dokumentar, të animuar dhe studentor”.

Festivali sivjet do të hapet me filmin DUA nga Blerta Basholli.

SABEDIN SELMANI – Drejtor i festivalit
“Fillimi i festivalit shënohet më 16 shtator, me filmin DUA nga Blerta Bashkolli, një prurje e re një filom fantastik që do shfaqim para publikut tonë. Ndërsa mbaron më 22 shtator me filmin Turpi dhe Paraja nga Visar Morina, film që na lumturon për faktin që e kemi prezent”.

Koordinatorja Ajshe Huseni u bëri thirrje të gjithë qytetarëve që kanë interesim, të vijnë për të parë filmat dhe njoftoi se hyrja do të jetë falas.

Advertisement

Majlinda Tafa nga Shqipëria, Sajmir Luma dhe Ibër Deari, do të jenë juria e festivalit të sivjetëm të filmit në Tetovë. Tiff ODA, edhe sivjet financohet nga Agjencia e Filmit, ndërsa përkrahet edhe nga komuna e Tetovës dhe Shtëpia e Kulturës.

Forumi Rinor i BDI-së, para Ministrisë së Drejtësisë, kanë shprehur revoltën ndaj deklaratës së djeshme të Ministrit të Drejtësisë lidhur me procesin gjyqësor ndaj ish-krerëve të Ushtrisë Çlirimtare të Kosovës. Sipas tyre, një deklaratë e tillë, nga një ministër që duhet të jetë garant i sundimit të ligjit dhe i respektimit të drejtësisë, është e papranueshme dhe shqetësuese. Forumi Rinor i BDI-së, kërkon që Ministri Jeton Shasivari ta tërheq këtë deklaratë dhe të dorëhiqet.

YLLI PAÇUKU – BDI – E para, kërkojmë nga Ministri i Drejtësisë që menjëherë ta tërheqë deklaratën e tij dhe të kërkojë publikisht falje për qëndrimin e shprehur.

E dyta, kërkojmë nga krerët e VLEN-it, të cilët e kanë sjellë këtë ministër në këtë detyrë, një distancim të qartë, publik dhe pa ekuivok nga deklarata e tij. Heshtja përballë një deklarate të tillë nuk mund të interpretohet ndryshe përveçse si pajtim me të.

E treta, duke pasur parasysh peshën e funksionit që ushtron dhe papërgjegjshmërinë e treguar në deklarimin e tij, kërkojmë dorëheqjen e Ministrit të Drejtësisë.

Drejtësia nuk mund të jetë selektive.
Institucionet nuk mund të përdoren për të fyer historinë dhe sakrificën e një populli.
Dhe ministri që drejton sektorin e drejtësisë duhet të jetë i pari që respekton standardet e drejtësisë.

Advertisement

Ne nuk do të heshtim përballë deklaratave që cenojnë dinjitetin e shqiptarëve dhe përpiqen të relativizojnë të vërtetat historike.

Kërkojmë përgjegjësi. Kërkojmë distancim. Kërkojmë tërheqjen e deklaratës. Kërkojmë dorëheqjen e ministrit.

I bëjm thirje komunitetit akademik që të distancohen nga Jeton Shasizvari dhe qendrimet e tij

Ky është mesazhi ynë sot, qartë dhe pa ekuivok, nga para Ministrisë së Drejtësisë.

Advertisement