Lajme nga vendi
Me marrëveshjen e Ohërit është thyer ëndrra e shqiptarëve
Me marrëveshjen e Ohërit që na keni lodhur 23 vite, ua rikujtoj se pikërisht me këtë marrëveshje është thyer ëndrra e një populli të tërë dhe jo legjitimiteti, por kur nuk u është bërë vonë për këtë.Na keni lodhur duke na thënë se Maqedonia është atdheu jonë.
Në fakt Maqedonia ka qenë atdheu i juaj i pushtetarëve.Nuk keni marrë pjesë në qeverinë e Ismail Qemalit ju që të na shisni sot pallavra.
Vullneti i popullit shqiptar është thyer në 2001 e këndej,më shumë se dy mijë herë por ju që sot thirreni në legjitimitet nuk keni bërë zë,sepse u ka bë mirë pushteti.
Sa e sa cikle zgjedhore keni patur mundësi të kushtëzoni krijimin e qeverisë por se keni bërë.
Ju më shumë se dy mijë herë keni punuar kundër vullnetit dhe legjitimitetit të shqiptarëve por u ka ardhë mirë(nuk na lënë ndërkombëtarët dhe karrigeja e mirë u ka ardh).
Juve nuk ju ka trazuar kurrë se ndarja territoriale në vitin 2005 ka shkelur dinjitetin territorial të shqiptarëve shembull konkret e keni (komunën e Jegunocit dhe Bërvenicës).Keni heshtur në emër të ndërkombëtarëve dhe në emër të foteljeve.
Juve nuk ju ka bërë përshtypje 2006 dhe 2008.Atëherë nuk përmendet as autonomi dhe as vizatime me harta sepse ishte pushteti që ju qetësoi.
Marrëveshja e Ohërit nuk u thye në Sopot,apo harrova atëherë ishit në pushtet.
Marrëveshja e Ohërit nuk u thye kurr u kurdis procesi gjyqësor ndaj Harun Aliut dhe tjerëve.Eh pushtet eh shëndet.
Apo Marrëveshja e Ohërit nuk u thye kurr u nënshkrua marrëveshja e Majit në vitin 2009.Pushteti të hesht.Atëherë nuk ekzistonte autonomia dhe legjitimiteti?!
Marrëveshja e Ohërit nuk u thye as kurr Maqedonia e atëhershme në 2008 në Bukuresht nuk morri ftesë për anëtarësim në Nato.Por,pushteti të qetëson!
Fryma e Marrëveshjes së Ohërit nuk u thye as kurr u vra Harun Aliu në pabesi.Pushteti të hesht sepse të jep mjaltë,harrohet gjithçka,me legjitimitet me vullnet me ka krejt.
Fryma e Marrëveshjes së Ohërit u thye edhe kurr u sulmuan shqiptarët në Nerez,kur u montua rasti Monstra, atëherë nuk kishit opcione tjera por heshtët.
Thojshin mos i prishim raportet ndëretnike.Ah pushtet e shëndet ama raportet Sasho Musa nuk u prishën kurrë.
Marrëveshja e Ohërit u thye edhe me rastin Alfa.Ama heshtët se pushteti dhe shëndeti është i ëmbël.
Marrëveshja e Ohërit “nuk” u thye as në Kumanovë më 9 maj.
Tu vranë e tu burgosën bijtë më të mirë të kombit e juve nuk ju dridh qerpiku i syrit dhe vazhduat të jeni në pushtet.As ndarje,as autonomi,as legjitimitet as vullneti i shqiptarëve nuk u respektua,por u respektua pushteti e shëndeti.
Ju kujtohen protestat kundër shqiptarëve për gjuhën shqipe.Por atëherë Marrëveshja e Ohërit nuk u thye.Nuk kishte opcione tjera atëherë.Kishte vetëm mish,pushtet,shëndet shfalerka etj etj.
Ju kujtohet Shkupi 2014.As atëherë nuk u prish e thye Marrëveshja e Ohërit dhe opcione tjera nuk kishte.Nuk kishte shkelje të vullnetit dhe majorizim.Eh pushtet e shëndet.
Nuk u shkel Marrëveshja e Ohërit kurr asnjëherë nuk u miratua ligji për ish pjesëtarët e UÇK-s, veteranët,familjet e dëshmorëve.
Nuk u shkel Marrëveshja e Ohërit kur flamuri shqiptar u cungua me centimetra.
Nuk u shkel marrëveshja e Ohërit kur gjuha shqipe nuk gjen zbatim në shumë institucione.Pra,nuk jemi shtetformues.etj etj..
Është shkelur vullneti i popullit shqiptar shumë herë dhe nuk keni vajtuar…nuk keni përmend as legjitimitet por pushtet, si sot.
Nesër me ju thënë hajdeni në qeveri, ju harroni çdo fjalë që thatë sot…
Sa e sa herë ka patur momente kur shqiptarët janë thyer dhe thjeshtë nuk u ka bo përshtypje…por pushteti u ka bërë përshtypje..
Nja dy fjalë për faktorin ndërkombëtar.
Gjatë tërë kohës ju kanë thënë se korrupsioni është epidemi në këtë vend me theks të veçantë në qeverisjen e 8 viteve të fundit.
Mesazhi më i mirë ishte kur Amerika (PARTNERI JUAJ) vendosi në listën e zezë edhe Ramiz Merkon.
Dhe në vend se të kërkoni të largohet nga postet ju vepruat kundër vullnetit të faktorit ndërkombëtar…Ende e mbani në rend të parë…
E tash si doni ju,me demek edhe në një opcion tjetër apo pozicionim tjetër të shqiptarëve ti durojmë këta të korruptuarit…
Shkurt e shqip.
Po e zëmë se shqiptarët shpallin autonomi edhe sërish këta të korruptuarit do na udhëheqin?!
Prap Musa, prap Musa, prap Musa….
Pastroni rradhët njëher pastaj mund të folim.
I korruptuari mbetet i korruptuar ku ta dërgosh.
Kështu ju i bashkërendoni veprimet me faktorin ndërkombëtar??
Kaq në siklet nuk keni qenë asnjëherë as atëherë kur nga vendi largoheshin dhe largohen rinia, pleq e të moshuar, shkaku i korrupsionit, nepotizmit, shkaku i patriotizmit tuaj të rrejshëm, natën ha e pi me Brankon, me Gruevskin, me Mijallkovin etj etj….e ditën patriota.
Sa e sa herë keni fituar në zgjedhje lokale duke bashkëpunuar me VMRO-DPMNE-në.Nëse keni harruar, bojrum ua rikujtoj.
Natën e mirë popull krenar por me ëndërr të thyer.
(Qëndrim personal autorit dhe jo i redaksive ku punoj)
Urim HASIPI
Ministria e Arsimit dhe Shkencës ka bërë të ditur se është shpallur Konkursi për regjistrim në shkollat e mesme për vitin shkollor 2026–2027.
Konkursi parashikon mbi 25.000 vende të lira në të gjitha 109 shkollat e mesme publike në vend, prej të cilave më shumë se 17.000 janë në arsimin profesional, rreth 6.000 në gjimnaze dhe 570 në arsimin artistik.
Aplikimi i nxënësve do të bëhet në mënyrë elektronike përmes portalit Uslugi.gov.mk, me hyrje të veçantë për nxënësit përmes llogarive të tyre në schools.mk, pas së cilës dokumentacioni i nevojshëm dorëzohet në shkolla.
Në afatin e qershorit për regjistrim ka dy periudha aplikimi, e para nga 12 deri më 15 qershor dhe e dyta më 23 qershor. Ndërsa në afatin e gushtit ka një periudhë aplikimi, e cila do të realizohet më 20 gusht.
Klubi Atletikës STUDENTI Tetovë,i themeluar në Maj të vitit 2001, këtë vit shënon jubileun 25 vjet anëtare e Federatës së Atletikës së Maqedonisë së Veriut. Gjatë kësaj periudhe 25 vjeçare ky klub ishte simbol i atletikës në Tetovë dhe jo vetëm . Gjatë 25 viteve përkundër vështirësive dhe sakrificave të shumta ka arritur suksese që na bënë të jemi krenar për punën dhe rezultate e arritura si në garat vendore ashtu edhe në ato ndërkombëtare. Falë sakrificës dhe punës së pa lodhshme të kryetarit prof Bexhet Toçi dhe iniciatorit për themelimin e këtij klubi sekretarit Shaban Sinani pa mos e harruar edhe kryetarin e parë Ajdin Nuredinin, mund të krenohemi se kemi pasur pjesëmarrës në Lojnat Olimpike për të rinj në Argjentinë, 5 garues tanë kanë marrë pjesë në Lojërat Olimpike Evropiane në Baku të Azerbajxhanit, pjesëmarrës nga f garat e shumta ndërkombëtare, ndërsa si klub gjithmonë, kemi qenë në mesin e më të mirëve në Maqedoninë e Veriut. Në pa mundësi që të përmenden të gjithë ata të cilët kanë mbrojtur ngjyrat e këtij klubit, të gjithë ata të cilët e kanë përkrahur mund t’ju them FALIMINDERIT për kontributin e dhënë.
Klubi i Atletikës Studenti vazhdon rrugëtimin e vetë të sukseseve edhe më tej me shpresë së gjithmonë do ju bëjmë krenarë me rezultatet e arritura .
Koalicioni VLEN ka reaguar ashpër ndaj Bashkimit Demokratik për Integrim (BDI), duke e akuzuar për, siç thuhet, vazhdimësi të manipulimeve dhe propagandës në skenën politike.
Në reagimin nga VLEN theksojnë se “vetëm BDI dhe klika e saj mbeten të mbyllura në matricën e gënjeshtrave dhe manipulimeve”, duke shtuar se dalja publike më 1 prill, sipas tyre, ishte një konfirmim i kësaj qasjeje.
VLEN kritikoi edhe përfshirjen e Bajram Rexhepit në sulmet ndaj kryetarit të Komunës së Tetovës, Bilall Kasami, duke e cilësuar këtë si një përpjekje të pabazë për të diskredituar, siç thonë ata, një nga kryetarët më të suksesshëm të komunave shqiptare.
Sipas VLEN BDI nuk ka kredibilitet për të folur për Bashkimin Evropian, duke e akuzuar për devijim të rrugës evropiane gjatë viteve të qeverisjes përmes korrupsionit, kapjes së shtetit dhe vendimeve të diskutueshme politike.
Sa i përket projekteve infrastrukturore, VLEN thekson se kritikat e BDI-së për Korridoret 8 dhe 10 nuk mund të merren seriozisht, duke shtuar se këto projekte janë strategjike dhe do të realizohen pavarësisht, siç thuhet, “zhurmës politike”.
“Punimet në Korridorin 8 po zhvillohen dhe progresi është i dukshëm në të gjitha segmentet. Qytetarët e Strugës mund të jenë të bindur se projekti do të përfundojë me sukses”, thuhet në reagim e VLEN-it, transmeton Zhurnal.mk.
Shpallet konkursi për regjistrim në shkollat e mesme në Maqedoninë e Veriut
KA STUDENTI SHËNON 25 VJETORIN E THEMELIMIT
VLEN sulmon BDI-në: “Vazhdojnë me manipulime, Korridoret 8 dhe 10 do të realizohen”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi2 months agoRrjeti i madh i dyqaneve për produkte të shtëpisë Comodita Home po rritet akoma më tepër, tash me dyqanin më të madh në Re Mall, Tetovë
-
Lajme nga rajoni7 days agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Lajme nga bota6 days ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen