Lajme nga vendi
Transporti falas për persona të caktuar për nevoja shëndetësore në Shkup tash e tutje me mbështetje edhe nga MSH
Ministri i Shëndetësisë Arben Taravari sot e vizitoi Kryqin e Kuq në Shkup, me rastin e promovimit të partneritetit të tyre në lidhje me transportin sanitar.
Në deklaratën për media Taravari tha se sot në Ditën ndërkombëtare të humanizmit po promovojnë një projekt të titulluar “Të veprojmë në mënyrë njerëzore”.
“Bëhet fjalë për promovimin e katër automjeteve që do të jenë gati në çdo moment për të ndihmuar personat e sëmurë, të moshuarit, të pamundurit, ato me nevoja të veçanta të cilët nuk mund të angazhojnë dikë nga familja apo një person të afërt për t’i çuar në kryerjen e detyrave të caktuara”, tha ministri, duke bërë të ditur edhe projektin “Butoni i urgjencës” i planifikuar të funksionojë 24/7 për të gjithë këta pacientë.
Suzana Tuneva Paunovska, sekretare e Kryqit të Kuq të Qytetit të Shkupit tha se projekti është duke u zbatuar për tre vjet në kryeqytetin e vendit ku nga sot Ministria e Shëndetësisë bëhet partnere, ndërsa po shqyrtohet mundësia e zgjerimit edhe në qytete të tjera.
“Transporti sanitar është shfaqur si një domosdoshmëri për të moshuarit, të pamundurit dhe personat me nevoja të veçanta, shumica e të cilëve janë vetëm në shtëpi dhe nuk kanë familje. Këtë transport e nisëm në një fazë pilot me mbështetjen e Kryqit të Kuq austriak dhe tashmë po hyjmë në një fazë ku besojmë se ky projekt duhet të kthehet në një shërbim social, një shërbim i rregullt që do të jetë në vendin tonë. Pikërisht për këtë po e bëjmë sot me Ministrinë e Shëndetësisë, që ta njohin si krah të zgjatur të Shërbimit të ambulancës. Prandaj, ndihma e shpejtë është më shumë për gjendje të rrezikshme për jetën, ndërsa transporti ynë mjekësor është ekskluzivisht për transportin e njerëzve në zonën e kontrollit, ekzaminimit mjekësor, ndërrimit të gipsit, kateterit, kontrollit… Transporti mjekësor është ekskluzivisht për mbështetjen e njerëzve që nuk mund të përballojnë vetë gjendjen shëndetësore”, tha ajo në deklaratën për MIA-n.
“Jemi në dispozicion 24/7 në telefonin 15-300 dhe qytetarët mund të caktojnë transportin e tyre këtu, duke ditur saktësisht se në çfarë ore vijnë ekipet tona e marrin pacientin, pastaj e dërgojnë dhe e kthejnë. Për momentin është vetëm në Shkup. Nëse rezulton të jetë një nevojë e madhe edhe në qytetet e tjera të mëdha, jemi në proces promovimi me vetëqeverisjen lokale. Për momentin, përveç që nga sot Ministria e Shëndetësisë po bëhet partneri ynë, ne kemi punuar dhe po e bëjmë këtë me mbështetjen e vetëqeverisjes lokale”, shtoi Tuneva Paunovska.
Autoritetet e evdit në koordinim me pushtetin lokal dhe popullatën. gjatë gjithë natës kanë qenë në terren, kurse me aktivitete kanë vijuar edhe mëngjesin e sotëm me intervenime pas denoncimeve për përmbytje.
Situatë më kritike është regjistruar në Forinë të Gostivarit. Ekipi i Tv Koha, qëndroi në këtë fshat duke sjellë pamje dhe deklarata të të prekurve nga këto përmbytje.
Mbrëmë ka qenë një natë ankthi në Forinë. Autoriteteve në ndihmë u ka dalë edhe popullata lokale duke asistuar dhe ndihmuar gjatë gjithë natës. Po bëhet identifikimi dhe verifikimi I dëmeve të shkaktuara.
Nga Komuna e Gostivarit njoftojnë se situata është shkaktuar kryesisht nga dalja jashtë shtratit e kanaleve nën administrimin e Drejtorisë për Ekonomi të Ujërave, të cilat nuk janë në kompetencë të Komunës së Gostivarit.
Megjithatë, sic thonë, ekipet e Komunës së Gostivarit, që nga orët e hershme të mëngjesit, ndodhen në terren dhe po ndërmarrin të gjitha masat e nevojshme për t’u dalë në ndihmë qytetarëve, si dhe për të minimizuar pasojat e shkaktuara nga përmbytjet.
SAFET HASANI – KOMUNA E GOSTIVARIT
Sipas njoftimit të Qendrës për Menaxhim me Kriza, në rajonin e Gostivarit janë denoncuar shtëpi të përmbytura, bodrume dhe objekte afariste. Është intervenuar në Bellovishtë pas një denoncime për persona të bllokuar, të cilët janë evakyuar në mënyrë të sigurtë. Në Forinë, lumi Vardar ka dalë nga shtrati, ku janë përmbytur shtëpi dhe sipërfaqe bujqësore dhe ekziston rreziku për objektet në afërsi të urës drejt fshatit Tumçevisht. Sipas QMK-së është angazhuar mekanizimi për pastrimin e shtratit të lumit.
Në Gjykatën Themelore në Tetovë vazhdoi gjykimi për keqpërdorimet gjatë ndërtimit të teatrit dhe bibliotekës së re në Tetovë.
Sot u dëgjuan ekspertët e propozuar nga Prokuroria, të cilët përgatitën gjetjet dhe mendim për pjesën ekonomike dhe ndërtimore të ndërtimit të teatrit dhe bibliotekës së re në Tetovë.
Ekspertiza është bërë me kërkesë të Prokurorisë Themelore Publike për Ndjekjen e Krimit të Organizuar dhe Korrupsionit.Në pjesën ekonomike, ekspertët Gordana Angjellkovska dhe Kire Kostov deklaruan se në tërësi qëndrojnë pas asaj që kanë paraqitur në Gjetjen dhe Mendimin e përfshirë në raport.
Sipas tyre, gjatë ndërtimit të objektit, në aspektin ekonomik, ka pasur tejkalime në mënyrën dhe shumën e pagesave, të lidhura me përllogaritjen e TVSH-së. Gjithashtu, me kërkesë të Prokurorisë Themelore Publike për Ndjekjen e Krimit të Organizuar dhe Korrupsionit, është përgatitur ekspertizë edhe për pjesën ndërtimore të ndërtimit të teatrit dhe bibliotekës së re.
Ekspertja Divna Stançeva deklaroi se në tërësi qëndron pas Gjetjes dhe Mendimit të përgatitur për pjesën ndërtimore të objektit. Ajo iu përgjigj edhe disa pyetjeve të avokatëve të të akuzuarve, duke theksuar se ka pasur ndryshime dhe plotësime të projektit dhe se nuk ka ekzistuar projekt i punimeve të realizuara, por se në pjesën ndërtimore nuk ka pasur lëshime më serioze.
Gjykimi vazhdon më 16 mars 2026, kur para gjykatës gjetjet e tyre pritet t’i paraqesin ekspertët e mbrojtjes.
Zëvendëssekretarja e Përgjithshme e NATO-s, Radmila Shekerinska, tha se Shqipëria dhe Kroacia, si anëtarë të Aleancës, kontribuojnë në stabilitetin rajonal.
Shekerinska e tha këtë të shtunën në një intervistë për agjencinë serbe të lajmeve Beta, duke iu përgjigjur një pyetjeje në lidhje me bashkëpunimin ushtarak të Kroacisë, Shqipërisë dhe Kosovës dhe reagimet negative të Serbisë ndaj, siç thonë në Beograd, “paktit trefish të Zagrebit, Tiranës dhe Prishtines, të drejtuar kundër Serbisë”.
Ajo shtoi se NATO nuk është palë dhe as nuk merr pjesë në marrëveshjen e bashkëpunimit ushtarak midis Kroacisë, Shqipërisë dhe Kosovës. Megjithatë, ajo theksoi se anëtarësimi në NATO nuk i pengon anëtarët – në këtë rast, Kroacinë dhe Shqipërinë – të hyjnë në aleanca shtesë mbrojtëse me palë të treta, që në këtë rast është Kosova.
“Investimi në mbrojtje është i rëndësishëm për sigurinë e Ballkanit Perëndimor, por edhe për dialogun politik”
Shekerinska tha se investimi në mbrojtje, por mbi të gjitha dialogu politik, është i rëndësishëm për sigurinë dhe stabilitetin e Ballkanit Perëndimor, i cili preket edhe nga ngjarjet gjeopolitike, duke shtuar se anëtarët e aleancës nga rajoni japin një kontribut të rëndësishëm për stabilitetin.
Ajo shtoi se NATO gjithmonë u ka bërë thirrje qeverive në rajon që të angazhohen në dialog, të zgjidhin çështjet e mbetura politike dhe të mbështesin progresin dhe stabilitetin e rajonit, raporton Beta.
Këto pretendime kanë arritur pothuajse nivelin e histerisë në Serbi në muajt e fundit. Konkretisht, Presidenti serb Aleksandar Vuçiq vazhdimisht thotë se është një “aleancë ushtarake e drejtuar kundër Serbisë dhe popullit serb”. Kohët e fundit, Vuçiç madje tha se këto tre shtete po përgatiten të sulmojnë Serbinë.
Vuçiq, si dhe zyrtarë të tjerë serbë, e kanë pyetur vazhdimisht veten se “çfarë do të ishte një aleancë ushtarake për Kroacinë dhe Shqipërinë kur ato janë tashmë anëtare të NATO-s?”
Ndërkaq deklarata e Zagrebit, Tiranës dhe Prishtines nga marsi i vitit 2025, sipas ekspertëve, nuk është një aleancë ushtarake, por bashkëpunim ushtarak në disa fusha. Ajo nuk përmban dispozita mbi mbrojtjen e përbashkët, të cilat janë thelbësore për një aleancë ushtarake, por përkundrazi apostrofon bashkëpunimin në prokurimin e armëve dhe municioneve, shkëmbimin e informacionit dhe përballjen e përbashkët të kërcënimeve kibernetike.
Armand Duka merr besimin e plotë të Asamblesë, udhëheq futbollin shqiptar për katër vitet e ardhshme
VËRSHIMET: NATË ANKTHI NË FORINË TË GOSTIVARIT!
VAZHDOI GJYKIMI PËR KEQPËRDORIMET ME TEATRIN E TETOVËS
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
