Connect with us

Lajme nga vendi

Mot i ndryshueshëm me vranësira dhe i paqëndrueshëm, në disa vende me shi të rrëmbyeshëm dhe bubullima

Published

on

Moti sot do të jetë i ndryshueshëm me vranësira dhe i paqëndrueshëm, në disa vende me shi të rrëmbyeshëm dhe bubullima. Lokalisht proceset do të jenë në formë të motit të ligë me shi të rrëmbyeshëm intensiv (mbi 20l/m2), erë të fuqishme dhe paraqitje të breshërit. Temperatura minimale do të jetë në interval prej 15 deri 20, ndërsa ajo maksimale do të lëvizë prej 25 deri 32 gradë. Indeksi UV do të jetë 6.

Në Shkup mot i ndryshueshëm me vranësira dhe i paqëndrueshëm me shi të kohëpaskohshëm të rrëmbyeshëm dhe bubullima, ndërsa në disa pjesë të luginave do të ketë kushte për paraqitje të motit të ligë. Temperatura minimale do të bie deri në 19, ndërsa ajo maksimale do të arrijë deri 28 gradë.

“Të mërkurën do të ketë paraqitje të izoluar të shiut të rrëmbyeshëm dhe bubullimave dhe do të fryejë erë mesatare veriore. Nga e enjtja temperatura ditore do të rritet”, sqarojnë nga DPHM.

Lajme nga vendi

MSh: Ligji për mbrojtje nga duhani nuk shtyhet, javën e ardhshme pritet t’i dorëzohet Qeverisë

Published

on

Nga Ministria e Shëndetësisë përmes një komunikate thonë se mbeten plotësisht të përkushtuar për miratimin dhe zbatimin e Ligjit për mbrojtje nga duhani, në përputhje me afatet ligjore. Nga MSh mohojnë zërat se i njëjti ligj do të shtyhet.
“Aktualisht po finalizohet analiza e komenteve të pranuara nga debati publik në ENER, si dhe e qëndrimeve të dorëzuara nga palët e interesuara, institucionet dhe komuniteti i biznesit, pas së cilës javën e ardhshme versioni përfundimtar do t’i dorëzohet Qeverisë. Theksojmë se këto harmonizime nuk e ndryshojnë thelbin e ligjit. Qëllimet mbeten të qarta dhe të pandryshuara: parandalimi i pirjes së duhanit tek të rinjtë dhe krijimi i brezave pa varësi nga nikotina, si dhe mbrojtja e punëtorëve dhe qytetarëve nga pirja pasive e duhanit në hapësira të mbyllura publike dhe të punës. Sa i përket pretendimeve për “zbatim me faza”, sqarojmë se kjo nuk nënkupton shtyrje të zbatimit të tij pas miratimit në Kuvend. Ligji do të hyjë në fuqi pas miratimit, në përputhje me afatet ligjore. Faza i referohet mënyrës së zbatimit në periudhën fillestare, ku faza e parë do të përfshijë mbikëqyrje të shtuar, informim dhe paralajmërime.”, thonë nga MSh.VLORA LATIFI TOPOJANI
Continue Reading

Lajme nga vendi

Gjendje alarmante në Gostivar, Valbon Limani: Lusim çdo qytetarë, të evitojnë daljet nga shtëpia pa nevojë!

Published

on

Reshjet e dendura kanë shkaktuar vërshime në disa zona të banuara të qytetit, duke rënduar situatën në të gjithë rajonin e Pollogut. Kryetari i Komunës së Gostivarit, Valbon Limani, ka shprehur shqetësimin e tij lidhur me gjendjen e krijuar dhe ka kërkuar reagim urgjent nga institucionet përgjegjëse.

Sipas tij, përkundër përpjekjeve maksimale të Komunës dhe ndërmarrjeve komunale për të menaxhuar situatën në terren, nevojitet ndërhyrje e menjëhershme nga ELEM, si institucion me kompetenca për menaxhimin e ujërave të lumit Vardar, si dhe nga zyrat e Ekonomizimit të Ujërave, përgjegjëse për sistemin e ujitjes.

Komuna ka ngritur alarm edhe pranë Qendra për Menaxhimin e Krizave (QMK), ndërsa u është bërë thirrje qytetarëve që të shmangin daljet nga shtëpitë pa nevojë, për shkak të rrezikut të shtuar.

“Vështirësi të mëdha po hasen në të gjithë rajonin e Pollogut. Ju lutem veproni sa më shpejt”, ka apeluar kryetari Limani.

Autoritetet lokale vijojnë të jenë në terren, ndërsa pritet reagimi i institucioneve kompetente për stabilizimin sa më të shpejtë të situatës.

Advertisement
Continue Reading

Lajme nga vendi

Rrezikuan jetën e skijatorëve me motorë: Kodra e Diellit denoncon shkelësit në polici

Published

on

Qendra e skijimit “Kodra e Diellit” ka reaguar ashpër pas një incidenti të rëndë të ndodhur sot, ku dy persona me mjete motorike të ndaluara kanë hyrë në pistat e skijimit, duke rrezikuar drejtpërdrejt sigurinë e turistëve dhe skijatorëve.

​Sipas njoftimit zyrtar, mjetet motorike kanë lëvizur në zona të ndaluara, duke përfshirë edhe hapësirën para hyrjes së ski-qendrës, ku qarkullimi i njerëzve është i dendur. Menaxhmenti ka bërë të ditur se rasti është denoncuar menjëherë në organet e policisë dhe do të ndiqet sipas procedurave ligjore në fuqi.
​”Siç kemi theksuar edhe më herët, çdo person që shkel rregullat dhe rrezikon sigurinë e turistëve tanë, do të identifikohet dhe do të bëhet publik. Sjellje të tilla janë të papranueshme dhe nuk do të tolerohen,” thuhet në komunikatën e qendrës.

​Kodra e Diellit rikujton se siguria në pista është prioritet absolut dhe u bën thirrje të gjithë vizitorëve që të respektojnë rregullat strikte për të shmangur tragjeditë e mundshme. Ky reagim vjen si pjesë e masave të reja për disiplinimin e lëvizjes në resort, duke paralajmëruar sanksione të ashpra për të gjithë ata që thyejnë rregulloren e qendrës.

Continue Reading

Më të lexuarat