Lajme nga vendi
Sela nga Haraçina: Koha për unifikim të shqiptarëve, ta ndalim zullumin e VMRO-së
Kryetari i Aleancës për Shqiptarët, Ziadin Sela, gjatë një takimi të mbajtur mbrëmë në Haraçinë, ka thënë se Aleanca për Shqiptarët do të jetë këtu si subjekt, por edhe si pjesë e Frontit Europian dersa sulmohen të drejtat dhe arritjet e shqiptarëve në Maqedoninë e Veriut. Ai shtou se vendimet e fundit kundër përkatësisë etnike dhe kundër gjuhës shqipe, nuk bëhen nga Gjykata Kushtetuese, por nga vetë Qeveria e drejtuar nga VMRO-DPMNE. Përderisa ndodh kjo, Sela tha se ASH do të vazhdojë betejën në kuadër të Frontit, ndërsa ftou edhe subjektet e tjera shqiptare, duke shtuar se është koha për unifikim të shqiptarëve si formë e vetme për ta ndalur zullumin e Qeverisë kundër shqiptarëve. Relativizimi i veprimeve të Qeverisë është shërbimi më i madh që mund t’i bëhet kësaj Qeverie kundër shqiptarëve, shtou mes tjerash kryetari i ASH, Ziadin Sela.
“Aleanca për Shqiptarët do të jetë, edhe Fronti Europian do të ekzistojë për sa kohë që ka tendenca që të na godasin atë që është më e shenjtë, kjo Qeveri dhe jo Gjykata Kushtetuese. Mashtrojnë ato që thonë se Gjykata Kushtetuese është ajo që e zhvlerësoj Balansuesin, s’është e vërtetë. Na kanë marë të drejtën që të shkruhen fëmijët tanë në përkatësinë etnike të prindërve të tyre dhe kjo duhet biseduar dhe thënë në opinion. Na kanë marë të drejtën që ne të paraqesim përkatësinë tonë etnike në momentin që do të paraqitemi përpara organeve dhe institucioneve dhe që shteti duhet të na garantojë vendet e punës neve si popull këtu edhe si taksapagues sepse nuk i marrin paratë diku tjetër, ne vetë i paguajmë. Mundohen që tani po me të njëjtin institucion, me Gjykatën Kushtetuese të na heqin të drejtën e përdorimit të gjuhës në shumë subjekte të rëndësishme duke e gëlltitur gjuhën shqipe. E pra për sa kohë që hiqen të drejtat e shqiptarëve, nuk avancohen shqiptarët, Aleanca për Shqiptarët do të jetë në Frontim Europian dhe do të mundohet jo vetëm me eksponentët e Frontit, por edhe ata që janë në Qeveru që janë jashtë Frontit Europian, të bëhen bashkë se tanimë e vetmja formë për t’i thënë stop zullumit është bashkimi i gjithë shqiptarëve. Ta dini që kur sulmohet gjuha shqipe nuk sulmohet gjuha e këtij apo atij subjekti politik, por sulmohet gjuha e gjithë shqiptarëve. Kur sulmohet përkatësia etnike, nuk sulmohet përkatësia etnike dhe identiteti etnik i këtij apo atij subjekti, por sulmohet identiteti i gjithë shqiptarëve, pa marë parasyshë përkatësinë politike dhe subjekteve politike në të cilat ne gravitojmë. Prandaj, është koha të bëjmë një unifikim. Fatkeqësisht këto oponentët tanë politik të cilët duke shkelur mbi legjitimitetin vrapuan për tu bërë pjesë e Qeverisë e bëjnë shërbimin më të keq të mundshëm VMRO-DPMNE-së. Cili është ai shërbim? Duke relativizuar gjithçka dhe secilin veprim politik të cilin e bën VMRO-DPMNE-ja”, tha Sela para banorëve të Haraçinës.
Situata me përmbytjet që gjatë fundjavës goditi më shumë rajone të vendit, si pasojë e reshjeve të rrëmbyeshme të shiut, mbetet e pandryshuar, kurse autoritetet kompetente vazhdojnë të jenë në terren, ku janë duke intervenuar për thithjen e ujit nga objektet. Metereologët edhe për sot paralajmërojnë reshje shiu, por për shkak të depërtimit të ajrit të ftohtë, do të kalojnë edhe në reshje dëbore.
I gjithë territori i vendit sot gjendet në alarm të verdhë paralajmërues për shkak të rreshjeve të shiut dhe erës së fuqishme që lokalisht pritet të arrijë mbi 70 km në orë.
Pikërisht për këtë sërish rriten rreziqet nga përmbytje të reja dhe dalje të lumejve nga shtretërit, veçanërisht në pjesët veriperëndimore të vendit, ku lokalisht priten rreshje mbi 30 litra në metër katror.
Sipas njoftimit të mëngjesit të Qendrës për Menaxhim me Kriza, në rajonin e Tetovës nuk ka denoncime të reja për daljen nga shtrati të lumit Vardar në fshatin Forinë dhe pjesët tjera ku pati përmbytje.
Ndërkohë banorë të rrugëve dhe lagjeve në rajonin e Kërçovës, shtëpitë e të cilëve ishin përmbytur, vahdojnë të jenë të akomoduar në një sallë sportive. Bëhet fjalë për 250 të evakuar, të cilëve u janë siguruar ushqime, ujë dhe mjete higjienike.
Metereologët thonë se nën ndikimin e një sistemi ciklonik me qendër në Gjirin e Gjenovës dhe zgjerimit të tij drejt Detit të Jonit I cili do të mbërrijë edhe në vendin tonëdo të sjellë ndryshim të ri të motit.
Reeshjet e shiut, për shkak të depërtimit të ajrit të ftohtë nga veriu do të kalojnë në reshje dëbore, fillimisht në viset malore kurse më vonë reshje bore do të ketë edhe në viset më të ulëta, vecanërisht në pjesën veriperëndimore dhe perëndimore të vendit.
Në Tetovë, Bashkësia Islame e Maqedonisë së Veriut dhe Myftinia e Tetovës organizuan Manifestimin fetar, “Mirë e vjen Ramazan”. Ky manifestim bëri bashkë përfaqësues të jetës fetare, politike e shoqërore, organizuar në në shenjë respekti për ardhjen e muajit të bekuar të Ramazanit.
Ilahi, ligjërata fetare, monolog teatror, lexim të Kuranit famëlartë, fëmijë e të rritur pjesë e manifestimit, ishte kryefjala e Manifestimit të mbrëmshëm fetar “Mirë se vjen Ramazan”.
Si zakonisht në kësi eventesh Pallati I Kulturës në Tetovë ishte I stërmbushur me të pranishëm.
Myftinia e Tetovës njoftoi se për muajin e shenjtë të Ramazanit ka organizuar aktivitete të larmishme që krahas shënimit Ditës së Bedrit dhe Natës së Kadrit, do të organizojë edhe aktivitete të përditshme nëpër xhamitë e Tetovës me rrethinë.
Myftiu I Tetovës, Dr.Selver ef.Xhemaili, në fjalën e rastit potencoi rëndësinë e muajit të bekuar të Ramazanit.
DR.SELVER EF.XHEMAILI – MYFTI I TETOVËS
“Në këtë muaj Kurani lexohet më shumë, xhamitë mbushen më shumë, familjet bashkohen, zemrat zbuten, faljet shtohen. Edhe njerëzit që gjatë vitit janë larg fesë në Ramazan ndjejnë dicka ndryshe. Kjo është sepse Ramazani nuk troket vetëm në dyert e shtëpisë, por troket në derën e shpirtit. Agjërimi na mëson kontrollin dhe ai nuk është vetëm për prindin dhe gjyshin. Ramazani është Shansi jonë për ta ndërtuar karakterin. Ky muaj na mëson durimin kur je I urritur, edukatën kur je I nervozuar, respektin kur dikush të provokon dhe vetkontrollin kur askush nuk të sheh”
Jetojmë në kohëra të sfidueshme globale, ku edhe shoqëria jonë nuk është imune ndaj disa devijimeve – u tha në ligjëratat fetare. Ramazani vjen për të na rikujtuar se duhet të kthehemi te origjinaliteti.
DR.QENAN EF. ISMAILI – MYFTI I SHKUPIT
“Dhe, ja. Vjen Ramazani që të na I rikujtojë të gjitha këto. Vjen Ramazani për të na kthyer në origjinalen. Vjen Ramazani për të na I rikujtuar vlerat tona, si njerëz dhe si besimtarë musliman”
Gjatë ligjëratave nuk u anashkalua edhe dobia nga Agjërimi, për të cilën u tha se nuk është vetëm uri dhe etje, por paraqet ngopje shpirtërore.
PROF.DR.MUSA MUSAI – TEOLOG
“Nga njëra anë është ajo “beteja” jonë fizike, për arsye se njeriu të investojë 11 muaj vetëm për trupin, vërtetë është kohë e gjatë për t`u çliruar prej kërkesave të trupit. Por, një muaj të investojmë për shpirtin do jetë investimi më I rëndësishëm për secilin prej nesh për ta kuptuar rëndësinë e fjalës se agjërimi nuk është vetëm uri dhe etje, por është ngopje shpirtërore, pa mëdyshje”
Për fund Myftinia e Tetovës ndau mirënjohje për të gjithë ata që kontribuan e kontribuojnë për mbarëvajtjen e këtij institucioni fetar sidomos në sferën e humanitetit por edhe mbulimit mediatik.
Në mesin e laureatëve ishte edhe Televizioni Koha, I cili gjatë muajit të bekuar të Ramazanit, përmes përmbajtjeve fetare dhe podcastit të organizuar në bashkëpunim me Myftininë e Tetovës, I cili do të emetohet çdo natë para Iftarit, do ta pasqyrojë jetën fetare në rajonin e Pollogut dhe jo vetëm.
Lidhja e Sindikatave të Maqedonisë bllokoi sot dyert e Qeverisë. Paralajmëruan se masa e ardhshme do të jetë greva e përgjitrhshme. Kërkesat e tyre mbeten të njëjta, mbështetje për propozimin për 600 euro pagë minimale dhe 100 euro rritje të pagave tjera. Sipas tyre, standardi I qytetarëve nuk mund t`u bëjë ballë rritjes së çmimeve.
Nëse nuk respektohen kërkesat e punëtorëve për rritjen e pagës minimale në 600 euro deri më shkurt, në mars paralajmërohet grevë e madhe e përgjithshme e punëtorëve. Paralajmërimi erdhi nga Lidhja e Sindikatave të cilët, pas Kuvendit dhe Odave Ekonomike, sot bllokuan Qeverinë.
Sipas tyre, jehona e dobët e protestës së sotme, është për shkak se punëtorët janë në vendet e tyre të punës. Paralajmërojnë që protesta e radhës do të mbahet në ditë jo pune në mënyrë që punëtorët ta shprehin pakënaqësinë nga paga minimale.
SLOBODAN TRENDAFILOV – LSM
“24 ministra, në seancën e sotme qeveritare duhet të propozojnë ndryshime dhe plotësime të Ligjit për pagë minimale, nëse duan të jenë me punëtorët. Deri në fillim të marsit nuk përjashtohet mundësia për bllokimin e institucioneve të targetuara në brendësi të vendit. Nëse vendosin në seancë qeveritare ta rrisin pagën minimale në 600 euro dhe pagat tjera për 100 euro, nuk do të më shohin më në TV, nëpër rrjetet sociale. Deri atëherë vazhdojmë aty ku qëndrojmë sot – në rrugë”
Lidhja e Sindikatave nuk heq dorë nga përpjekjet për të siguruar 10.000 nënshkrime që të kenë mundësi në Kuvend të dorëzohen ndryshime ligjore për uljen e pagave të funksionarëve dhe rritjen e pagës minimale.
RESHJET: ALARMI I VERDHË NË GJITHË TERRITORIN E VENDIT!
VOLEJBOLL: DISFATA E KATËRT RADHAZI E KV UNIVERSITETI I TETOVËS
SONTE NIS SPEKTAKLI I PLAY-OFF-IT NË LIGËN E KAMPIONËVE
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
