Lajme nga rajoni
Festimet e 112-vjetorit të pavarësisë, Tirana pret mbi 10 mijë pjesëmarrës në “Paradën Shqiptare”
Kryeqyteti shqiptar feston sot 112-vjetorin e pavarësisë.
Bashkia e Tiranës ka parashikuar edhe një kalendar të pasur me aktivitete dhe ngjarje kulturore.
Në mesditë, duke nisur nga ora 12:00, në bulevardin “Dëshmorët e Kombit”, do të zhvillohet “Parada e Shqiptarëve”, ku Tirana pritet të vishet e gjitha kuq e zi. Të pranishëm në paradë pritet të jenë mbi 350 grupe artistike nga anë e mbanë kudo ku flitet shqip. Në paradë do të jenë të pranishme përfaqësues nga 150 qytete, ndërsa llogariten mbi 10 000 të pranishëm.
Pjesëmarrësit dhe grupet artistike do të nisin përgatitjet prej orës 9 me 28 Nëntor për të nisur aktivitetin e Paradës Shqiptare në orën 12 në bulevardin “Dëshmorët e Kombit”.
“Parada kuqezi” nis nga sheshi “Nënë Tereza”, midis Pallatit të Koncerteve dhe Presidencës dhe do të përshkojë bulevardin “Dëshmorët e Kombit” për t’u mbyllur në sheshin “Skënderbej”. Parada do të realizohet për të dytin vit radhazi, duke i dhënë kryeqytetit rolin e një qendre të përbashkët për kremtimin e Ditës së Flamurit dhe Pavarësisë.
Parada Shqiptare për festat e Nëntorit synon të rikthejë vëmendjen tek vlerat e kostumeve popullore, riteve, traditave por dhe trashëgiminë e historisë së kombit te brezat e rinj.
Pas paradës do të zhvillohet dhe ceremonia e ngritjes së flamurit, e parashikuar në orën 13:40.
Paralelsiht me zhvillimet në Bulevardin “Dëshmorët e Kombit”, do të zhvillohen edhe aktivitete të tjera si Panairi i Artizanëve, që do të zhvillohet te Pazari i ri, zona e Markatës së Gjelbër.
“Festivali i Artizanatit dhe Qeramikës” do të shfaqë dhe mbështesë diversitetin dhe aftësitë e jashtëzakonshme të artizanëve lokalë në disiplina të ndryshme artizanale. Ky festival synon të krijojë një treg plot jetë ku artistët, zejtarët dhe krijuesit mund të shfaqin punën e tyre, të angazhohen me publikun dhe të nxisin vlerësimin për mallrat e punuar me dorë.
Festivali do të shfaqë një shumëllojshmëri produktesh të punuar me dorë, duke përfshirë qeramikë, bizhuteri, tekstile, punime druri, punime metalike, artikuj lëkure dhe më shumë. Çdo artizan do të ketë një zonë ekspozimi ku vizitorët mund të shikojnë dhe blejnë krijimet e tyre. Tregu do të ofrojë artikuj unikë, të veçantë, duke promovuar idenë e mbështetjes së talenteve vendase mbi produktet e prodhuara në masë.
Në të njëjtën datë, është teatri “Linda” që shfaqet në skenën e Teatrit Kombëtar, ndërsa koncerti “Eloquent Echoes” do të jepet në ambientet e Kishës Katolike në kryeqytet. “Ky projekt synon të paraqesë përpara publikut të kryeqytetit instrumentistë të rinj, si dhe pedagogë në Real Conservatorio Superior de Musica de Madrid, si dhe Korin “Siparantum”, një ndër koret më të mira aktualisht në rajon./atsh
Lajme nga rajoni
Gjermani: Studentët e Juridikut nga Universiteti i Prishtinës zënë vendin e 6-të në botë
Studentët e Fakultetit Juridik të Universitetit të Prishtinës kanë arritur një sukses të jashtëzakonshëm në arenën ndërkombëtare, duke u renditur në vendin e 6-të në botë në garën prestigjioze juridike “Nuremberg Moot Court 2025”, transmeton albinfo.ch.
Rundet finale të garës u mbajtën nga 23 deri më 26 korrik 2025, në sallën historike Nr. 600 të Gjykatës së Nurembergut në Gjermani – vendin ku janë gjykuar figurat kryesore të regjimit nazist pas Luftës së Dytë Botërore.
Nga 140 ekipe pjesëmarrëse në fazën e parë të garës (shkrimi i memorandumeve), vetëm 40 ekipenga universitete prestigjioze ndërkombëtare u kualifikuan për rundet me gojë. Në mesin e tyre, edhe ekipi i Universitetit të Prishtinës, i cili jo vetëm që u kualifikua, por arriti të renditet në Top 6-shen botërore – një arritje që reflekton përgatitjen e thellë dhe cilësinë akademike të studentëve kosovarë në fushën e së drejtës penale ndërkombëtare.
Ekipi i Fakultetit Juridik ishte i përbërë nga studentet: Morea Pula, Liza Rexhepi, Enxhi Avdyli, Rea Hadri dhe Greta Spahiu, të cilat u përfaqësuan me dinjitet dhe profesionalizëm të lartë. Mentorimi i tyre u bë nga Nisa Ferati, e cila shoqëroi ekipin në Nuremberg, si dhe nga Ass. Besnik Beqaj dhe Argjira Asllani – pjesë e ekipit të mëhershëm të kësaj gare. Mbështetje të vazhdueshme ofroi edhe Prof. Avni Puka, dekan i Fakultetit Juridik të UP-së.
Ky rezultat tregon se Fakulteti Juridik i UP-së ka ndërtuar një traditë të qëndrueshme përfaqësimi në forume ndërkombëtare dhe po formon një gjeneratë të re juristësh të përgatitur për sfidat globale.
“Nuremberg Moot Court” është një prej garave më prestigjioze ndërkombëtare në fushën e drejtësisë ndërkombëtare penale dhe që nga viti 2022 është pjesë e përhershme e programit të Fakultetit Juridik, e financuar nga buxheti i dedikuar për gara ndërkombëtare. /Albinfo.ch
Lajme nga rajoni
Furgoni përplaset me kamionin, humbin jetën pesë persona! Aksident tragjik në autostradën Maribor-Ljubljanë të Sllovenisë
SLLOVENI- Një aksident tragjik ka ndodhur në autostradën Maribor – Lubjanë të Sllovenisë. Mësohet se nga aksidenti pesë persona kanë humbur jetën dhe një tjetër ka mbetur i plagosur.
Siç raportohet një furgon me shtetas të huaj përplasi një kamion të ndaluar në kolonë, duke shkaktuar këtë tragjedi. Aksidenti ndodhi pak para orës 10:30 pranë daljes Slovenske Konjice.
Për shkak të ngjarjes, autostrada është mbyllur plotësisht në drejtim të Lubjanës, ndërsa janë krijuar kolona edhe në drejtim të Mariborit. Policia vendase ka thënë se do të japë më shumë informacion në një konferencë për shtyp në orët e pasdites.
Instituti Veterinar Kroat njoftoi se një rast i antraksit është konfirmuar në Kroaci, në komunën e Vrlikës. Pas një ngordhjeje të lopës në rajon, mostrat nga kafshët e ngordhura u dërguan për analiza dhe rezultatet konfirmuan se bëhet fjalë për një sëmundje infektive.
Edhe pse më parë supozohej se shkaku ishte helmimi, shërbimet veterinare eksperte nga Zagrebi tani kanë konfirmuar se bëhet fjalë për një sëmundje infektive.
Më shumë se 50 bagëti kanë ngordhur në njëzet ditët e fundit.
Në laborator u morën gjithsej 13 mostra të kafshëve të ngordhura, nga tetë objekte (ferma) të ndryshme.
– Situata është kritike. As nuk mund ta imagjinoj se si ndihen fermerët e bagëtive në këtë moment. Besoj se çdo ditë zgjat si një vit i tërë për ta. Të gjithë duhet të qëndrojmë të qetë. Në të njëjtën kohë, po luftojmë edhe ethet afrikane të derrave në lindje të vendit, dhe lajmi për antraksin na zuri pikërisht gjatë një takimi në Qarkun Osijek-Baranja mbi ethet e derrave. Kjo është një situatë jashtëzakonisht e vështirë – tha Ministri i Bujqësisë, Pylltarisë dhe Peshkimit, David Vlajčić, në një konferencë urgjente për shtyp.
Antraksi është një sëmundje infektive serioze dhe e rrallë e shkaktuar nga bakteri Bacillus anthracis dhe është njohur që nga kohërat e lashta, zakonisht si një sëmundje e kafshëve barngrënëse.
Ripërtypësit – gjedhët, dhitë, delet, kuajt – të prekur nga antraksi zakonisht vdesin papritur pa shenja të dukshme të sëmundjes, megjithëse disa mund të përjetojnë lëkundje, dridhje, dispepsi dhe vështirësi në frymëmarrje. Pas vdekjes, kufoma fryhet me shpejtësi dhe një rrjedhje e errët me gjak mund të rrjedhë nga zgavrat e trupit.
Njerëzit mund të infektohen me antraks nëpërmjet lëkurës, duke thithur spore ose duke konsumuar ushqim të kontaminuar, duke rezultuar në zhvillimin e formave kutane, pulmonare ose intestinale të sëmundjes, nga të cilat forma kutane është më e zakonshme.
Më i zakonshmi është antraksi i lëkurës: ndodh pas kontaktit të lëkurës me inde ose produkte nga kafshët e infektuara dhe manifestohet me shfaqjen e plagëve të errëta dhe pa dhimbje (pustula të zeza, të cilat duken si puçrra) në pjesët e ekspozuara të trupit, zakonisht të shoqëruara me simptoma të lehta të përgjithshme. Nëse nuk trajtohet në kohë, mund të përhapet në qarkullimin e gjakut dhe të çojë në sepsë.
Forma pulmonare është më e rrallë, por jashtëzakonisht e rrezikshme. Shfaqet pas thithjes së disa mijëra sporeve dhe sëmundja fillimisht i ngjan gripit, por shumë shpejt përparon në një gjendje të rëndë me probleme të frymëmarrjes dhe shok, shpesh me një rezultat fatal.
Forma intestinale shfaqet pas ngrënies së mishit të infektuar dhe karakterizohet nga temperaturë e lartë, të vjella, dhimbje të forta barku dhe diarre me gjak, dhe vdekshmëria është gjithashtu e lartë pa trajtim në kohë.
Antraksi diagnostikohet me anë të analizave laboratorike të gjakut, tamponeve të plagëve ose pështymës. Suksesi i trajtimit varet kryesisht nga shpejtësia e reagimit. Trajtohet me antibiotikë të tillë si penicilina, ciprofloksacina ose doksiciklina.
Kasami: Iniciativa për parkun përkujtimor në Spitalin Modular është në koordinim me familjarët e viktimave
Gashi: Zgjedhjet do të shpallen në afatin e fundit, duhet të mbërrijmë afatet për zgjedhjen e Avokatit të Popullit dhe kreut të Anti-korrupsionit
Këshilli i Komunës së Tetovës votoi ndryshimin e buxhetit, do të jetë më i madh për tre milionë euro
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve