Lajme nga vendi
Mickoski: Kjo Qeveri, kjo gjeneratë do t’i konfirmojë dhe do ta vazhdojë veprën e ilindenasve për Maqedoni sovrane
Lufta në shtëpi është luftë të cilën ne do ta udhëheqim, luftë për infrastrukturë më të mirë, shëndetësi më të mirë, arsim më të mirë, ekonomi konkurruese dhe atë e bëjmë pasi jemi zgjedhur si Qeveri, por kjo luftë për një nga popujt me numër më të vogël në Evropë, nuk mjafton. Duhet të fitojmë edhe në Uashington, Bruksel, Berlin, Londër, Paris, Romë dhe shumë metropole tjera, nëse dëshirojmë që çështja e jonë më në fund të marrë epilogun e vet, pasi kjo nuk është zgjidhur, kjo me shekuj zgjat dhe ende po ekziston.
Këtë e ka shkruar kryeministri Hristijan Mickoski sot në profilin e tij në Fejsbuk.
“Për këtë shkak shumë është me rëndësi lidhja që e ka atdheu me maqedonasit jasht, të vazhdojë të përforcohet, të bëhet edhe më e fuqishme dhe të jetë në një nivel më të lartë. Për këtë shkak dua t’ju bind edhe krahas të gjitha sfidave në shtëpi, edhe përballë të gjithë grabitqarëve, të cilët nuk dëshirojnë që Maqedonia të jetë e suksesshme edhe në planin e brendshëm, edhe në atë jashtëm, se kjo Qeveri, kjo gjeneratë do t’i konfirmojë idealet ilindenase dhe do ta vazhdojë veprën e ilindenasve për Maqedoni sovrane, të pavarur dhe demokratike, e cila do të bëhet më e pasura në Ballkan!”, ka shkruar në Fejsbuk kryeministri Mickoski, i cili gjendet për vizitë në SHBA.
Lajme nga vendi
Fetai: Do të kërkohet përgjegjësi ligjore dhe institucionale nga Ministri i Drejtësisë
Do të kërkohet përgjegjësi ligjore dhe institucionale nga Ministri i Drejtësisë nëse institucionet kompetente konstatojnë shkelje të ligjit lidhur me moslejimin e mbajtjes së provimit të jurisprudencës në gjuhën shqipe tha Zëvendëskryeministri Fetai nëpërmjet një postimi në facebook.
Ai ka bërë të ditur se, në kuadër të procedurave qeveritare dhe institucionale, Agjencia për Zbatimin e Gjuhëve dhe Inspektorati për Përdorimin e Gjuhëve janë duke shqyrtuar nëse Ministria e Drejtësisë ka vepruar në kundërshtim me ligjin.
Sipas Fetait, refuzimi i Ministrisë së Drejtësisë për të lejuar zhvillimin e provimit të jurisprudencës edhe në gjuhën shqipe përbën një vendim arbitrar, juridikisht të pambështetur dhe institucionalisht të rrezikshëm.
Ai ka theksuar se, pavarësisht mangësive që mund të ketë, Ligji për Përdorimin e Gjuhëve është ligj në fuqi dhe obligues, duke nënvizuar se asnjë institucion nuk ka të drejtë ta zbatojë apo ta injorojë ligjin sipas vullnetit të vet.
Zëvendëskryeministri ka sqaruar se Ligji për provimin e jurisprudencës nuk përmban asnjë ndalim që provimi të zhvillohet në gjuhën shqipe, duke e cilësuar këtë si fakt juridik dhe jo interpretim politik.
“Pretendimi se provimi duhet të jetë vetëm në gjuhën maqedonase nuk mbështetet në asnjë nen konkret ligjor”, ka deklaruar Fetai, duke shtuar se kjo çështje nuk është politike, por lidhet drejtpërdrejt me barazinë para ligjit dhe funksionimin serioz të shtetit.
Në fund, ai ka theksuar se ligji duhet të zbatohet dhe se përgjegjësia institucionale nuk mund të anashkalohet.
Në orën 07:00 në Kodrën e Diellit janë matur -2 gradë celsius, ndërsa trashësia e borës është 64 centimetra.
Në Berovë dhe Mavrovë janë matur 0 gradë, 1 në Kriva Pallankë, Krushevë dhe Llazaropole, 3 në Pretor dhe Vinicë, 4 në Ohër, 5 në Tetovë, Manastir, Prilep, Shtip dhe Strumicë, 6 në Shkup-Petrovec, Shkup-Zajçev Rid, Veles dhe Kavadar, 7 gradë në Gjevgjeli dhe 8 në Demir Kapi.
Nga Drejtoria Hidrometeorologjike (HMA) bëjnë të ditur se më së shumti reshje në 24 orët e fundit, prej orës 07:00, kanë rënë në Kodrën e Diellit, 17 litra për metër katror, e ndjekur nga Pozharana me 14, Krusheva 7, Mavrovë 5, Tetova dhe Strumicë.
Lajme nga vendi
Një shtetas i Maqedonisë së Veriut deshi ta korruptoj policin me 5 euro, arrestohet në pikën kufitare
Një shtetas i Maqedonisë së Veriut është arrestuar të hënën mbrëma, më 9 shkurt 2026, rreth orës 20:55, në Pikën e Kalimit Kufitar në Vërmicë, nën dyshimin për veprën penale “Dhënie e ryshfetit”.
Sipas njoftimit të Policisë, i dyshuari gjatë kontrollit të dokumenteve ka tentuar të korruptojë zyrtarin policor duke futur para në vlerë prej 5 eurosh në dokumentet e tij.
Me vendim të prokurorit kompetent, pas intervistimit, i dyshuari është dërguar në mbajtje, ndërsa rasti do të trajtohet në procedurë të rregullt ligjore.
Njoftimi i policisë:
DHËNIE E RYSHFETIT
PKK. Vërmicë 09.02.2026, 20:55. Është arrestuar i dyshuari mashkull shtetas i Maqedonisë së Veriut pasi që i njëjti gjatë kontrollit të dokumenteve kishte futur para në vlerë 5 euro. Me vendim të prokurorit pas intervistimit i dyshuari është dërguar në mbajtje.
Fetai: Do të kërkohet përgjegjësi ligjore dhe institucionale nga Ministri i Drejtësisë
Trashësia e borës në Kodrën e Diellit është 64 centimetra
Një shtetas i Maqedonisë së Veriut deshi ta korruptoj policin me 5 euro, arrestohet në pikën kufitare
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
