Lajme nga vendi
MMJPH: Njoftim për rregulloren e re të Bashkimit Evropian mbi dërgesat e mbeturinave
Ministria e Mjedisit Jetësor dhe Planifikimit Hapësinor bën informon se Bashkimi Evropian ka miratuar një Rregullore të re (BE) 2024/1157 të Parlamentit Evropian dhe të Këshillit të datës 11 Prill 2024 për dërgesat e mbeturinave (importi, eksporti dhe tranziti i mbeturinave), e cila ka hyrë në fuqi më 20 maj 2024 dhe e cila ndryshon Rregulloren (BE) Nr. 1257/2013 dhe (BE) 2020/1056 dhe shfuqizon Rregulloren (EC) Nr. 1013/2006.
Qëllimi i Rregullores së re është të përforcojë zbatimin e legjislacionit në drejtim të parandalimit të eksporteve të paligjshme të mbeturinave nga shtetet anëtare të BE-së dhe në vendet e treta, si dhe për të siguruar menaxhim të shëndoshë ekologjik të dërgesave të mbeturinave brenda dhe jashtë BE-së.
Rregullorja vendos rregulla të reja për import/eksport/transit të mbeturinave edhe për vendet që nuk janë anëtare të Organizatës për Bashkëpunim Ekonomik dhe Zhvillim (OECD), grupit të cilit i përket Republika e Maqedonisë së Veriut.
Duke filluar nga data 21 maj 2027, Bashkimi Evropian prezanton rregulla më të rrepta për eksportin e mbeturinave jo të rrezikshme. Gjegjësisht, eksporti i mbeturinave jo të rrezikshme, ose të njohura si mbeturinat e “listës së gjelbër”, përgjithësisht do të ndalohet në vendet që nuk janë anëtare të OECD. Përjashtim nga ky rregull do të bënin vendet që, megjithëse nuk janë anëtare të OECD-së, kanë kapacitete që plotësojnë kërkesat e mbrojtjes së mjedisit për përpunimin e këtyre mbeturinave. Përkatësisht, të gjitha vendet që dëshirojnë të importojnë mbeturina jo të rrezikshme nga BE-ja, duhet të njoftojnë Komisionin Evropian për gatishmërinë e tyre dhe të konfirmojnë aftësinë e tyre për të menaxhuar mbeturinat në një mënyrë të shëndoshë ekologjike në përputhje me rregullat e legjislacionit të BE-së.
Megjithëse Rregullorja e re ka hyrë në fuqi më 20 maj 2024, shumica e dispozitave do të zbatohen nga 21 maj 2026 dhe shumica e rregullave të eksportit do të zbatohen nga 21 maj 2027.
Sipas rregullores, duke filluar nga 21 nëntor 2026, do të ndalohet plotësisht eksporti i mbeturinave plastike deri më 21 maj 2029, duke përfshirë mbeturinat plastike jo të rrezikshme (B3011). B3011 është një kod specifik mbeturinash sipas Konventës së Bazelit që klasifikon lloje të caktuara të mbeturinave plastike për riciklim [2].
Pas kësaj periudhe (21 maj 2029), vendet jo anëtare të OECD-së të interesuara për importimin e meturinave plastike do të ftohen të njoftojnë Komisionin Evropian dhe të demonstrojnë kapacitetin e tyre për të menaxhuar këto meturina në një mënyrë të shëndoshë ekologjike, në mënyrë që të përfshihen në listën e vendeve jo anëtare të OECD-së në të cilat meturinat plastike mund të eksportohen nga BE-ja. Kjo Kërkesë për Import të Meturinave Plastike nga BE-ja do të jetë në gjendje të mbulojë vetëm meturinat plastike jo të rrezikshme (B3011).
Në kuadër të asaj që u cek më sipër, në përputhje me Rregulloren e re, për të mundësuar importimin e mbeturinave nga BE-ja, Ministria e Mjedisit Jetësor dhe Planifikimit Hapësinor e Republikës së Maqedonisë së Veriut, si organ kompetent për importin, eksportin dhe transitin e mbeturinave, e ka plotësuar Kërkesën që është pjesë e Shtojcës 8, e cila është pjesë përbërëse e Rregullores së re, në bashkëpunim me Inspektoratin Shtetëror të Mjedisit, Drejtorinë doganore të Republikës së Maqedonisë së Veriut dhe Ministrinë e Ekonomisë dhe Punës dhe përgatitet (përmes procedurës së Qeverisë) që ta dorëzojnë në Komisionin Evropian jo më vonë se 20 shkurt 2025 (siç kërkohet nga Komisioni Evropian). Në bazë të kësaj kërkese, Komisioni Evropian do të vendos nëse Republika e Maqedonisë së Veriut i plotëson kushtet për menaxhimin e mbeturinave dhe në varësi të kësaj do të vendos nëse vendi do të jetë pjesë e Listës së vendeve që do të mund të importojnë mbeturina nga BE-ja.
Llojet e mbeturinave jo të rrezikshme për të cilat Republika e Maqedonisë së Veriut do të kërkojë që të lejohet importi nga BE-ja janë dhënë në tabelën 1. Tabela është përgatitur në bazë të të dhënave për importet e mbeturinave në vend për vitet e kaluara, të disponueshme për Ministrinë e Mjedisit Jetësor dhe Planifikimit Hapësinor.
Таbela 1. Lista e mbeturinave të mbuluara nga kërkesa
|
Përshkrimi i mbeturinave jo të rrezikshme ose përzierjeve të mbeturinave jo të rrezikshme |
Kodi i identifikimit të mbeturinave *
|
|
Për mbeturinat nuk duhet të zbatohet procedura për njoftim paraprak me shkrim dhe leje, ndërsa pëlqimi për import do të lëshohet i shoqëruar me Shtojcën 7 të Rregullores për import, eksport dhe transit të mbeturinave (“Gazeta Zyrtare e Republikës së Maqedonisë” nr. 107/16). |
|
|
Mbeturinat nga gdhendja dhe dhe bluarja e metaleve me ngjyra |
12 01 01 |
|
Mbeturinat nga gdhendja dhe dhe bluarja e metaleve me ngjyra |
12 01 02 |
|
Metalet pa ngjyra |
16 01 17 |
|
Alumini |
17 04 02 |
|
Plumbi |
17 04 03 |
|
Zinku |
17 04 04 |
|
Hekuri dhe çeliku |
17 04 05 |
|
Kallaj |
17 04 06 |
|
Mbeturinat prej hekuri dhe çeliku |
19 10 01 |
|
Mbeturinat e metaleve pa ngjyra |
19 10 02 |
|
Mbeturinat e metaleve me ngjyra |
19 12 01 |
|
Metalet pa ngjyra |
19 12 02 |
|
Metalet me ngjyra |
19 12 03 |
|
Metalet |
20 01 40 |
|
Paketim letre dhe kartoni |
15 01 01 |
|
Yndyrë dhe vaj gatimi |
20 01 25 |
|
Qelqi |
20 01 02 |
|
Paketimi nga metali |
15 01 04 |
Shkëndija shënoi fitore të sigurt në transfertë me Rabotniçkin në Shkup 0-3, ndërsa Pelisteri dhe Vardari luajtën me barazim pa gola në Manastir, në kuadër të javës së 26-të në Ligën e parë të futbollit vendor.
Shkëndija ka marrë fitore bindëse 3:0 në transfertë me Rabotniçkin në Shkup.
Dy gola të Endrit Krasniqit dhe një të Fabrice Tambës sollën fitoren e 19-të sezonale për ekipin kuqezinj.
Pas ndeshjes trajneri Jeton Beqiri theksoi se fitorja vjen në një moment të duhur kurse ekipi i tij ka reaguar në mënyrë pozitive pas asaj disfate në Tetovë kundër Pelisterit
“E dominuam takimin nga fillimi deri në fund, përveç një gabimi individual në fillimin e pjesës së dytë ku na shpëtoi portieri. Pjesa tjetër ishte e kontrolluar nga ana jonë dhe ishte një fitore e cila na duhej në këto momente për shkak se, të them të drejtën, edhe ne si staf, edhe futbollistët, edhe opinioni, edhe tifozët, të gjithë e përjetuam shumë rëndë atë humbje me Pelisterin. Ishte një humbje e papritur, por futbolli i ka këto situata dhe ne duhet mbas humbjes të reagojmë dhe të luftojmë çdo ndeshje pastaj për trepikëshin.” ka deklaruar trajneri Jeton Beqiri.
Pas Shkëndisë në Tetovë, Pelisteri ia “prishi hesapet” edhe një favoriti për titullin kampion. Në Manastir nën dritën e reflektorëe ndeshja kundër Vardarit përfundoi pa gola.
Ky barazim ka një peshë të madhe duke ndezur “betejën” për titullin kampion.
Me këtë pikë Vardari bëri një hap prapa në garën me Shkëndinë, kurse Pelisteri tregoi se është “vrasës” i favoritëve pasi drejtpërdrejtë po ndikon se ku do të përfundojë titulli i Kampionit.
Teksa kanë mbetur edhe shtatë xhiro deri në përfundim të kampionatit diferenca mes Vardarit dhe Shkëndisë tani është 1 pikë.
SHABAN SINANI – TV KOHA
Lajme nga vendi
Eurodeputeti bullgar: Sofja veton da ta përdor në çdo ndryshim të konsensusit evropian për Maqedoninë e Veriut
“Çdo ndryshim në konsensusin evropian do t’i japë Bullgarisë të drejtën për të vënë veton ndaj anëtarësimit të Maqedonisë në Bashkimin Evropian”. Këtë e deklaroi eurodeputeti bullgar Ilija Lazarov nga Partia Popullore Evropiane, duke komentuar, siç e quan ai, përpjekjet për të rishikuar kushtet evropiane për Shkupin zyrtar.
Sipas tij, raportuesi në Parlamentin Evropian, Thomas Waitz, vepron në kontakt të ngushtë me qeverinë e RMV-së.
“Thomas Waitz është plotësisht nën tutelën e Mickoskit dhe Mucunskit dhe punon praktikisht nën diktimin e tyre. Ajo që ata duan përfshihet gjithmonë në draft-raportin e tij. Ajo që do të pranohet është një çështje tjetër”, theksoi Lazarov.
Ai kujtoi se vitin e kaluar, eurodeputetët bullgarë arritën të bllokonin propozimet që lidheshin me identitetin dhe gjuhën maqedonase, të cilat, sipas tij, shkaktuan “tallje” në Komitetin e Politikës së Jashtme.
“Të 17 eurodeputetët bullgarë punuan unanimisht në atë kohë, nënshkruan dhe dërguan dy letra te Roberta Metsola, te të gjithë kolegët përgjatë gjithë zinxhirit. Qëndrimi bullgar u pranua dhe u kuptua, amendamentet nuk kaluan”, tha eurodeputeti bullgar.
Sipas Lazarov, tani po bëhet një përpjekje për të hequr protokollin e dytë, i cili është pjesë e të ashtuquajturit “propozim francez”.
“Propozimi francez është pranuar nga 27 shtetet anëtare, është nënshkruar dhe pranuar nga qeveria aktuale e atëhershme e Maqedonisë së Veriut dhe është ratifikuar nga parlamenti i tyre. E gjithë kjo ka kaluar dhe nuk i nënshtrohet komentit – duhet të zbatohet”, shtoi Lazarov.
VMRO-DPMNE ka dalë me një sërë akuzash në adresë të LSDM-së, ish-kryeministrit Zoran Zaev dhe liderit të partisë, Venko Filipçe, duke pretenduar se ata nuk japin përgjigje për një ryshfet të supozuar prej 4 milionë eurosh, lidhur me Planin e Detajuar Urbanistik (PDU) në Tetovë.
Nga partia theksojnë se, sipas regjistrimeve audio të publikuara nga biseda midis personave të emërtuar si Daka dhe Kiçeec, mjetet ishin të lidhura me një projekt për ndërtimin e rreth 2.000 njësive banesore në Tetovë.
„LSDM, Zaevi dhe Filipçe vazhdojnë të mos japin përgjigje për ryshfetin me vlerë 4 milionë euro për PDU-në në Tetovë“, njoftuan nga VMRO-DPMNE.
„Ku përfunduan 4 milionë eurot e Dakës për PDU-në në Tetovë?“, pyesin nga VMRO-DPMNE.
Në kumtesë shtrohen edhe pyetje shtesë për interesa të mundshme financiare lidhur me shitjen e banesave dhe marrëveshje të supozuara.
„A duhej që Zaevi, përveç këtyre 4 milionë eurove, të merrte edhe përqindje nga shitja e banesave, vlera e të cilave në atë kohë do të arrinte rreth 200 milionë euro?“, pyesin nga VMRO-DPMNE.
Partia akuzon gjithashtu për vendosjen e interesave personale mbi interesin publik, si dhe për lidhje të supozuara me biznesmenë të huaj.
„A i kanë vendosur Zaevi dhe Filipçe interesat personale para interesit të qytetarëve me qëllim që të fitojnë në mënyrë enorme?“, pyesin nga VMRO-DPMNE.
„A ishin të gatshëm Zaevi dhe Filipçe që për përfitime personale t’i lejojnë biznesmenit pro-rus dhe personit në ‘listën e zezë’, Daka, të ndërtojë në Tetovë?“, pyesin nga VMRO-DPMNE.
Më tej, VMRO-DPMNE shpreh edhe akuza më të gjera politike lidhur me ndikimet e jashtme.
„Për qëllime personale lukrative, Zaevi dhe Filipçe ishin të gatshëm të përhapnin edhe politikën pro-ruse, siç ishte rasti me Onishchenkon dhe Markovskit“, njoftuan nga VMRO-DPMNE.
„Pse LSDM dhe Filipçe heshtën dhe ishin bashkëpunëtorë në procesin e përhapjes së politikës pro-ruse në Maqedoni?“, pyesin nga VMRO-DPMNE.
Partia vlerëson se bëhet fjalë për një rast serioz i cili, sipas tyre, kërkon reagim institucional.
„Kjo është dëshmi se Zaevin dhe Filipçen, përveç interesave personale, asgjë tjetër nuk i intereson. Zaevi dhe Filipçe janë të gatshëm të shesin interesat kombëtare dhe të përhapin politika shtetrrënuese, duke dëmtuar kështu procesin e integrimeve evropiane vetëm për një qëllim: të pasurohen në mënyrë enorme“, thuhet në njoftimin e VMRO-DPMNE-së.
Nga atje u bëjnë thirrje institucioneve kompetente të veprojnë për rastin dhe të sigurojnë përgjigje për opinionin.
„LSDM të mos heshtë, Filipçe të mos fshihet dhe të japë përgjigje para publikut. Prokuroria Publike ta hetojë rastin plotësisht dhe të veprojë sipas ligjit. Sundimi i së drejtës dhe shteti ligjor duhet të ekzistojnë“, përfundon njoftimi i VMRO-DPMNE-së.
SHKËNDIJA I RIKTHEHET FITORES – PELISTERI “VRASËS” I FAVORITËVE!
ATLETIKO BËN LIGJIN NË “CAMP NOU”, PSG DOMINOI LIVERPULIN!
BASKETBOLL:OLIMPIAKOS MPOSHT REALIN DHE RRËMBEN KREUN E EUROLIGËS
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga bota2 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga rajoni2 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Lajme nga vendi2 months ago20-vjecari nga fshati Novo Sellë е Tetovës drejtonte mjetin pa leje i sekuestohet përkohësisht “BMV”