Lajme nga vendi
Secili që ka keqpërdorur shpenzimet e udhëtimit do të mbajë përgjegjësi, paralajmëron Toshkovski
Ministri i Punëve të Brendshme, Pançe Toshkovski, deklaroi se secili që ka keqpërdorur shpenzimet e udhëtimit do të përgjigjet. Kjo vijon pas kallëzimit penal të ngritur nga MPB-ja ndaj dhjetë punonjësve të policisë për pagesë të paligjshme të mjeteve nga buxheti shtetëror. Toshkovski i inkuarjoi gazetarët hulumtues të zbulojnë keqpërdorime në lidhje me shpenzimet e udhëtimit edhe tek deputetët dhe theksoi se ligji duhet të zbatohet njëjtë për të gjithë.
“Janë ngritur kallëzime penale kundër dhjetë nëpunësve policor për keqpërdorim të shpenzimeve të udhëtimit. Në atë procedurë ka prova që konfirmojnë deri në një shkallë dyshimin e arsyeshëm se policët në mënyrë të paligjshme kanë paguar mjete nga paratë e qytetarëve të Maqedonisë, nga buxheti i Maqedonisë. Për këtë arsye është ngritur procedurë penale nga Departamenti i Kontrollit të Brendshëm, si dhe në të gjitha rastet e tjera ku do të konstatojmë se kriminelët në radhët e MPB-së, në vend që t’i mbrojnë qytetarët e Maqedonisë, po i vjedhin dhe ndaj secilit do të ngremë kallëzime penale, pavarësisht nëse ka informacione në opinion se i njëjti ka qenë i afërt me njërin, tjetrin, të tretin dhe të katërtin”, tha ministri në deklaratë për mediat pas debatit publik me rastin e javës së këmbësorëve që u mbajt në Idrizovë/
Sa i përket çështjes për shpenzimet e udhëtimit të deputetëve, gjegjësisht faktit që ata marrin shpenzime të udhëtimit edhe pse në evidencën e tyre pronësore kanë banesa në Shkup, ai theksoi se ligji duhet të zbatohet njësoj për të gjithë.
“Unë ju inkurajoj si gazetari investigative të konstatoni keqpërdorimet në kuadrin e asaj që e theksoni se kanë keqpërdorur disa dispozita të caktuara ligjore dhe autorizime të dhëna nga ligji. Ju siguroj se, si në të gjitha rastet e tjera ku kemi gjetur prova, apo ku janë gjetur më parë nga gazetarët dhe janë përpunuar nga ne dhe kemi arritur t’i procedojmë, ne kemi proceduar procedurat e duhura për secilin në këtë vend. Rregulli se ligji duhet të zbatohet njëjtë për të gjithë, duhet të zbatohet”, theksoi Toshkovski.
Lajme nga vendi
Kasami inspekton asfaltimin e rrugës drejt Sellcës: Çdo premtim po e kthejmë në realitet
“Po punojmë me përkushtim që çdo projekt të realizohet me cilësi dhe në afat, në shërbim të qytetarëve. Çdo premtim e kthejmë në realitet. Çdo vendbanim është i rëndësishëm për ne”, ka shkruar Kasami në një postim publik.
Asfaltimi i kësaj rruge pritet të përmirësojë ndjeshëm qarkullimin dhe lidhjen e zonës me Tetovën, duke lehtësuar lëvizjen e banorëve dhe zhvillimin lokal. Komuna e Tetovës ka paralajmëruar vazhdimin e investimeve infrastrukturore edhe në vendbanime të tjera rurale./zyrtare.net/
Lajme nga vendi
48 orë paraburgim për dy persona nga Maqedonia: Dyshohen për lidhje me 5 tonë marihuanë të sekuestruar në Serbi
Me kërkesë të Prokurorisë Themelore Publike për Ndjekjen e Krimit të Organizuar dhe Korrupsionit, gjykatësi i procedurës paraprake në Gjykatën Penale të Shkupit u ka caktuar masën e paraburgimit afatshkurtër prej 48 orësh dy personave të dyshuar. Pas analizës së provave të grumbulluara, autoritetet kanë ngritur dyshime se këta individë kanë ndërmarrë aktivitete konkrete lidhur me sasinë prej 5 tonë marihuanë që u sekuestrua së fundmi në Republikën e Serbisë.
Masa e paraburgimit është vendosur me qëllim që t’i mundësohet prokurorisë kohë e mjaftueshme për të ndërmarrë veprimet e domosdoshme procesuale dhe për të siguruar praninë e të dyshuarve. Prokuroria sqaron se kjo masë është e justifikuar për shkak të kompleksitetit të rastit dhe karakterit të tij ndërkombëtar, ku afatet kohore për veprim janë shpesh të kufizuara. Institucionet po vijojnë me intensitet punën për zbardhjen e plotë të lëndës dhe kanë paralajmëruar se publiku do të informohet në kohë për rrjedhën e mëtejshme të procedurës.
Protesta e pestë me rradhë. Qytetarët sot protestuan përsëri para Drejtorisë së të Ardhurave Publike në Tetovë për tatimet të cilat u kërkohen të paguhen gjatë kohës që ata kanë punuar jashtë vendit, ata thonë se kjo është e jashtëligjshme. Qytetarët të cilët kanë punuar kryesisht në Irak dhe Afganistan theksojnë se nuk janë kundër tatimeve, por kundërshtojnë ngarkesën e padrejtë dhe retroaktive.
Semi Beqiri – Protestues
Protestuesit kërkojnë që të anulohen të gjitha vendimet e marra me efekt retroaktiv. Besir Abdullahi thotë se protestat janë apolitike dhe kanë për qëllim mbrojtjen e qytetarëve, megjithatë u bën thirrje kryetarëve të partive që t’i mbështesin në këtë mision.
Semi Beqiri – Protestues
Qytetarët paralajmëruan se do të vazhdojnë me protestën derisa të dëgjohet zëri i tyre, ndërsa thonë se protestat do të dislokohen edhe në Shkup nëse nuk gjindet zgjidhje. Ata thonë se tash më janë në kontakt të vazhdueshëm edhe me partitë opozitare dhe se çështja e tyre do të adresohet edhe në parlament së shpejti.
Semi Beqiri – Protestues
Më 13 dhjetor 2025, qytetarët u befasuan nga vendimi i Drejtorisë së të Ardhurave Publike për mbledhjen e taksës mbi të ardhurat e padeklaruara nga jashtë Maqedonisë. Disa prej tyre thanë se nuk janë të informuar mjaftueshëm për detyrimin e deklarimit të rregullt të këtyre të ardhura, ndërsa të tjerë kishin theksuar se njoftimet nga DAP-i u kishin ardhur me vonesë, për të ardhura të realizuara vite më parë.
Kasami inspekton asfaltimin e rrugës drejt Sellcës: Çdo premtim po e kthejmë në realitet
48 orë paraburgim për dy persona nga Maqedonia: Dyshohen për lidhje me 5 tonë marihuanë të sekuestruar në Serbi
PROTESTA E PESTË NË TETOVË KUNDËR TATIMEVE RETROAKTIVE
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
