Lajme nga vendi
Fronti Evropian po përgatit emrat për zgjedhjet lokale, Osmani në Çair, Sela në Strugë! Ja kush përmendet në Tetovë!
Ndonëse qeveria në disa raste ka refuzuar mundësinë e mbajtjes së zgjedhjeve të parakohshme parlamentare së bashku me zgjedhjet e ardhshme lokale, BDI-ja opozitare e Ali Ahmetit ende pret që këtë vit të ketë zgjedhje të dyfishta, gjegjësisht që në vjeshtë të zgjidhet një pushtet i ri lokal dhe një përbërje e re parlamentare.
– Është herët. Nuk kemi filluar. Presim një vendim për zgjedhje të parakohshme parlamentare së bashku me ato lokale, pastaj do të flasim për zgjidhje kadrore – thotë nënkryetari i partisë Bujar Osmani, në pyetjen e “Fokus”, në çfarë faze është procedura e brendshme partiake për përzgjedhjen e kandidatëve për kryetarë komunash, a po bëhen anketa…?
Jozyrtarisht, Osmani përmendet si kandidati më serioz i BDI-së për kryetar të komunës Çair, e cila aktualisht është nën kontrollin e VLEN-it. Më konkretisht, kryetari aktual Visar Ganiu është zgjedhur kandidat i BDI-së në zgjedhjet e kaluara, por në ndërkohë është bërë pjesë e Lëvizjes Demokratike të Izet Mexhitit, e cila është pjesë e koalicionit qeverisës shqiptar.
Sa i përket komunave të tjera më të mëdha me popullatë dominuese shqiptare, sipas burimeve partiake, Gostivari tashmë ka favorit nga radhët e Frontit Evropian. Fjala është për personin e parë të degës, Valdet Xhaferi, i cili një kohë të shkurtër ishte ministër i Drejtësisë. Ai do të përballet me Valbon Limanin e VLEN-it, i cili u bë kryetar në detyrë, pasi Arben Taravari u zgjodh ministër i Shëndetësisë.
Ndryshe, një situatë e ngjashme ishte edhe në komunën e Sarajit të Shkupit, kryetari i mëparshëm i së cilës, Blerim Bexheti, vendosi të mbetet deputet i BDI-së në Kuvend dhe për ushtrues detyre u zgjodh kryetar i komunës Iljas Veseli. Burime të brendshme thonë se Veseli do të jetë kandidat për kryetar komune në zgjedhjet e ardhshme lokale, përveç nëse anketat tregojnë se BDI vetëm me Bexhetin ka një fitore të sigurt.
Nga ana tjetër, ka më shumë kandidatë potencialë për kryetar të Komunës së Tetovës. Sipas informacioneve tona, njëri prej tyre është edhe sekretari i përgjithshëm i partisë, Faton Ahmeti, i cili pritet të marrë një rol gjithnjë e më të madh në parti, sidomos pas largimit të Artan Grubit. Përveç tij, në garë për kryetar të komunës së Tetovës është edhe Bajram Rexhepi, nënkryetar i BDI-së.
Gjithashtu, si kandidat i tretë i mundshëm për kryetar të Komunës së Tetovës, përmendet deputeti Ilir Demiri, i cili para zgjedhjeve ishte ministër i Shëndetësisë. Ai vjennga krahu i Ziadin Selës në Aleancën për Shqiptarët, që është pjesë e Frontit Evropian. Mirëpo, burime partiake thonë se ai është i pranueshëm për të gjithë në Front, ndonëse shanse më të mëdha u jepen kuadrove të integristëve.
Në Strugë, ish-ministri i Drejtësisë Krenar Lloga u përmend si një nga kandidatët e mundshëm të ASH-së, por burime të mirëinformuara thonë se partnerët në Front këmbëngulin që të kandidojë Ziadin Sela.ina-online
Lajme nga vendi
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Drejtoria e Policisë Financiare ngriti kallëzim penal në Prokurorinë Themelore Publike në Shkup kundër personave N.I., B.G. në cilësinë e tyre si drejtues të personave juridikë, kundër dy personave juridikë, si dhe kundër pesë personave të punësuar në Agjencinë për Menaxhimin e Pasurisë së Sekuestruar F.A., G.A., P.K., F.J. dhe A.B., për shkak të ekzistencës së bazave të dyshimit për kryerjen e veprës penale “Keqpërdorim i procedurës për thirrjes publike, dhënie të kontratës së prokurimit publik ose partneritetit publik-privat” sipas nenit 275-c të Kodit Penal të Republikës së Maqedonisë së Veriut.
Të denoncuarit N.I. dhe B.G., si drejtues të dy personave juridikë, gjatë vitit 2021 me vetëdije dhe me qëllim të paracaktuar kanë shkelur rregulloret e procedurës për thirrje publike dhe dhënie të kontratës së prokurimit publik, me marrëveshje paraprake dhe veprime të koordinuara kanë shkelur konkurrencën në procedurën për shitjen e automjeteve të shkatërruara – skrap metali, të organizuar nga Agjencia për Menaxhimin e Pasurisë së Sekuestruar. Një person juridik u paraqit si konkurrent formal, dhe gjatë ankandit publik u paraqit një ofertë me një gabim teknik të qëllimshëm në një shumë monetare joreale, e cila i pengoi pjesëmarrësit e tjerë të vazhdonin më tej me ofertat.
Të pandehurit G.A., P.K. dhe F.J., si anëtarë të komisionit për zbatimin e procedurës, në kundërshtim me dispozitat ligjore të parashikuara në Ligjin për Menaxhimin e Pronës së Konfiskuar, Përfitimit Pasuror dhe Objekteve të Sekuestruara në Procedurën Penale dhe Kundërvajtje, dhe bazuar në një akt nënligjor dhe mendim ligjor të përgatitur nga A.B., me vetëdije ndihmuan në zbatimin e kësaj skeme të dakorduar dhe mundësuan lidhjen e një marrëveshjeje për shitjen e automjeteve të sekuestruara të shkatërruara si skrap metali midis Agjencisë për Menaxhimin e Pronës së Sekuestruar, të përfaqësuar nga F.A., dhe personit juridik të menaxhuar nga N.I., gjë që i mundësoi personit juridik të fitonte përfitim pasuror të paligjshëm në shumën prej 2.128.352 denarë.
Lajme nga vendi
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
Presidentja Gordana Siljanovska Davkova sot deklaroi se heqja e balancuesit ishte e domosdoshme për shkak të rreziqeve korruptuese që i ka krijuar, duke theksuar njëkohësisht se çështjet e shtetësisi jorezidente, marrëdhëniet me Bullgarinë dhe politikat energjetike janë komplekse dhe duhet të zgjidhen përmes parimeve kushtetuese, debatit publik dhe respektimit të standarE madhee njerëzore dhe ekologjike.
Në një deklaratë për mediat pas hapjes së “Fundjavës për pastrim të përgjithshëm”, presidentja Gordana Siljanovska Davkova deklaroi se i a.q. balancuesi, në formatin që ka ekzistuar, në thelb çoi në korrupsion dhe kriminalizim.
Në lidhje me çështjen për shtetësinë jorezidente, ajo u përgjigj se zgjidhja duhet të miratohet përmes argumenteve.
“Çështja është komplekse. Ka vende ku ekziston shtetësia e dyfishtë, ka vende ku nuk ekziston. Sot të gjithë po përballemi me një eksod dhe mungesë të fuqisë punëtore, dhe po flasim për qenie njerëzore që kanë edhe të drejtën e jetës”, tha presidentja, duke shtuar se zgjidhjet duhet të merren pas një debati të gjerë publik dhe duke peshuar argumentet “pro” dhe “kundër”.
Lidhur me pritjet e saj për marrëdhëniet me qeverinë e re të Bullgarisë, Siljanovska Davkova deklaroi se pritjet duhet të drejtohen nga qeveria e re bullgare dhe kryeministri Rumen Radev, duke theksuar se populli bullgar pret stabilitet, reforma dhe luftë kundër korrupsionit dhe krimit.
Lidhur me kërkesat e organizatave joqeveritare për të vënë veton ndaj Ligjit për Burimet Minerale, presidentja theksoi se ato kanë një rol të rëndësishëm në shoqëri dhe meritojnë, siç e tha ajo, një “vend të gjelbër” në parlament.
Sipas saj, garancitë për mbrojtjen e mjedisit nuk përmbahen në këto ligje.
“Ato ligje, nëse keni parasysh Ligjin për burimet minerale, merren kryesisht me çështjet e energjisë. Ne kemi Kushtetutë, kemi edhe Ligj për mbrojtjen e mjedisit – ky është çelësi i qëndrimit ndaj këtyre ligjeve”, shtoi Siljanovska Davkova.
Ajo theksoi se shteti duhet të përgatitet njëkohësisht për sfidat e ardhshme energjetike dhe të kujdeset për natyrën.
Për ditë me radhë koalicioni VLEN ka ngritur intensitetit e aktivitetit publik duke paralajmëruër Kongresin e Bashkimit.
Sipas tyre e shtuna, do të kurorëzojë përpjekjet për unifikimin e faktorit politik shqiptar.
Koalicioni VLEN, nesër më 9 Maj – në Ditën e Evropës, do të mbajë Kongresin e bashkimit, ku 5 subjekte politike formalisht duhet të miratojnë vendimin për të vepruar si subjekt i vetëm politik në kuadër të bllokut politik shqiptar në vend. Në prag të Kongresit, VLEN doli me mesazhin se procesi i bashkimit ka qenë i gjatë dhe përplot me sfida politike, dyshime dhe tentativa për të parandaluar këtë process. Sipas VLEN-it, ky bashkim ka peshë historike dhe se ky është premtimi që VLEN ua dha shqiptarëve. Por, si e shohin qytetarët, këtë Kongres dhe këtë bashkim të VLEN-it?
“Çdo bashkim është i mirë. Madje unë kisha thënë se që të bashkohen të gjitha partitë”
“Edhe atë gajle do ia mbajë VLEN-it, unë jam plak”
“Më mirë me u bashkuar”
“Më mirë është. Deri tani Bilall Kasami ka punuar mirë. Jam i gëzuar”
“Mendoj se është mirë. Bilall Kasami duhet të jetë Kryetar”
“Është më mirë për shqiptarët. Cili të jetë Kryetar vet le ta vlerësojnë”
“Normalisht se është mirë. Sa më të bashkuar aq më mirë. Vet si do të vendosin organmet partiake, mendoj se Izeti do të ishte më mirë”
Pas Kongresit, VLEN, si pjesë e Qeverisë, do të duhet të përballet me shumë sfida që prekin drejtpërdrejtë qytetarët.
Situata ekonomike, migrimi i të rinjve, pozita e shqiptarëve, gjuha shqipe, eurointegrimet evropiane e shumë çështje tjera duhet që nga premtimet të shndërrohen në rezultate të prekshme./Tv Koha/
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
KONGRESI I VLEN – QYTETARËT MIRËPRESIN BASHKIMIN!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
