Lajme nga vendi
Mickoski: Gjyqësori duhet ta rikthej rolin e tij si një aktor kyç në luftën kundër korrupsionit
Në Qeveri sot u konstituua Trupi ndërsektorial për koordinimin e aktiviteteve kundër korrupsionit e cila ka përgjegjësi të vendoset koordinimi ndërmjet të gjitha institucioneve kyçe për luftën kundër korrupsionit.
Sipas kryeministrit Hristijan Mickoski, ky trup përfaqëson një hap përpara në përpjekjen për të krijuar përfundimisht një sistem funksional dhe të sinkronizuar që do të qëndrojë në rrugën e korrupsionit. Në seancën e sotme konstituive, ai theksoi se ky trup nuk do të jetë edhe një tjetër konstrukt administrativ.
“Ne jemi këtu për të krijuar një formë të re që do të ketë substancë, dhe nuk do të jetë një formë që do të jetë pa përmbajtje. Duam të ndërtojmë një mekanizëm që do të funksionojë – shpejt, me efikasitet dhe pa kompromis”, tha Mickoski.
Ai vlerësoi se Trupi ndërsektorial ka një përgjegjësi historike për të vendosur koordinimin ndërmjet të gjitha institucioneve kyçe, përfshirë Komisionin Shtetëror për Parandalimin e Korrupsionit, Ministrinë e Punëve të Brendshme, Prokurorinë Publike, Policinë Financiare, Drejtorinë e të Ardhurave Publike, Drejtorinë Doganore, Minisrinë e Drejtësisë, Ministrinë e Financave dhe të tjera.
“Këto institucione tashmë kanë përgjegjësi. Ajo që u mungon është koordinimi, guximi dhe përgjegjësia”, theksoi Mickoski.
Kryeministri shtoi se gjyqësori dhe prokuroria janë hallka e dobët në luftën kundër korrupsionit.
“Gyjqësori duhet ta rikthejë rolin e vet – jo si një vëzhgues i heshtur, por si një aktor kyç në këtë luftë. Do t’i mbështesim me zgjidhje ligjore, me buxhet, me logjistikë, do të bëjmë gjithçka që duhet. Por në të njëjtën kohë – kërkojmë llogaridhënie”, tha Mickoski.
Zëvendëskryeministri për Qeverisje të Mirë dhe Transparencë, Arben Fetai, i cili udhëhoqi me Trupin ndërsektorial, theksoi se korrupsioni nuk është vetëm problem administrativ, por paraqet urgjencë kombëtare.
“Maqedonia e Veriut vuan nga epidemia e korrupsionit. Këtë e shoh çdo ditë në rrugët tona të rrënuara, sistemi i shkatërruar shëndetësor dhe i infrastrukturës, arsimi i degraduar, varfëria që ka detyruar rininë dhe fuqinë tonë punëtore më të kualifikuar të largohen nga vendi. Kjo duhet të ndryshohet dhe do të ndryshojë”, tha ai.
Ai shtoi se ky trup ndërsektorial nuk do të jetë vetëm një forum diskutimi dhe debati, por do të bëhet edhe një mekanizëm për presion të veçantë për t’u zbatuar ligjet dhe strategjitë kundër korrupsionit.
Në ngjarje mbajtën fjalim edhe Mihalis Rokas, ambasador i Bashkimit Evropian në Republikën e Maqedonisë së Veriut, Kilian Val, shef i Misionit të OSBE-së në Shkup dhe Nikoll Varnes, zëvendësambasadore e Shteteve të Bashkuara të Amerikës në Reublikën e Maqedonisë së Veriut.
Dy ushtarë nga kazerma “Jane Sandanski” në Shtip njëri 40 vjeçar dhe tjetri 28 vjeçar kanë përfunduar në spital me lëndime të rënda trupore. Burime të Alsat bëjnë të ditur se 40 vjeçari nga Kratova, epror në kazermë ka sulmuar fizikisht një ushtar profesionist shqiptar nga Shkupi, përcjell Alsat.mk.
Nga MPB thonë se gjatë kryerjes së detyrave zyrtare ka ndodhur incident.
“Më 17.02.2026 në ora 01:00 në SPB Shtip nga Klinika e Shtipit është denoncuar se tek ta me lëndime trupore janë sjellë E.H (28) nga fshati Studeniçan i Shkupit dhe D.A (40) nga Kratova, dy ushtarë profesionistë të punësuar në ARMV në kazermën “Jane Sandanski” në Shtip. Pas ndërmarrjes së masave është konstatuar se lëndimet i kanë marrë gjatë kryerjes së detyrave në poligonin ushtarak “Penush” në Shtip, gjatë kryerjes së realizimit të ushtrimeve”, njoftojnë nga MPB.
Lëndimet i konfirmojnë edhe nga Armata e RMV-së. Nga atje nuk zbardhin detaje se në çfarë rrethanash ka ndodhur incidenti por vetëm njoftojnë se që të dy pjesëtarët janë në gjendje të mirë shëndetësore.
“Ju informojmë se për dy personat tanimë janë ndërmarrë masa në përputhje me rregullat ekzistuese. Ju informojmë se dy personat janë në gjendje të mirë shëndetësore. Armata ngelet e përkushtuar në respektimin e procedurave dhe standardeve gjatë kryerjes së aktiviteteve”, thonë nga ARM.
Sulmi fizik ndaj një ushtari profesionist nuk është i vetmi në kazermën e Shtipit pasi më herët atje ka pasur edhe disa incidente të tjera. Muaj më parë një ushtar me iniciale F.J pati përfunduar në Spitalin Psikiatrik pas disa sjelljeve të çuditshme në kazermë. /Alsat.mk
Nga Ministria e Transportit njoftojnë se kanë nisur procedurën për nënshkrimin e Marrëveshjes për Transportin Ajror me Mbretërinë e Arabisë Saudite. Nga Ministria thonë se qëllimi i marrëveshjes është krijimi i një kornize ligjore që do të mundësojë hapjen e linjave ajrore të rregullta mes Maqedonisë dhe Arabisë Saudite.
“Duam të theksojmë se deri më tani, nuk ka pasur transport ajror ndërmjet të dy vendeve. Marrëveshja krijon kushte liberale dhe fer për veprimtarinë e operatorëve ajrorë, duke nxitur konkurrencën, uljen e çmimeve për udhëtarët, si dhe mundësinë për ofrimin e shërbimeve të reja dhe më cilësore. Në të njëjtën kohë, Marrëveshja garanton nivelin më të lartë të sigurisë dhe mbrojtjes në transportin ajror, në përputhje me standardet ndërkombëtare. Maqedonia dhe Arabia Saudite mbajnë marrëdhënie miqësore, me angazhim të përbashkët për avancimin e bashkëpunimit ekonomik dhe tregtar, rritjen e investimeve, si dhe thellimin e bashkëpunimit në fusha të tjera me interes të përbashkët”, thonë nga Ministria e Transportit.
Nga MT thonë se pritet që krijimi i linjave ajrore të rregullta mes të dy vendeve të kontribuojë në rritjen e bashkëpunimit ekonomik, turizmit, shkëmbimit tregtar dhe marrëdhënieve bilaterale në përgjithësi.
Lajme nga vendi
SPB-Tetovë, janë konfiskuar tre automjete për shkak se vozitësit nuk kanë patur leje drejtimi
Gjatë ditës së djeshme, sipas njoftimit të SPB-Tetovë, janë konfiskuar tre automjete për shkak se vozitësit nuk kanë patur leje drejtimi. SPB-Tetovë njofton se gjatë kontrolleve policore janë sanksionuar 24 drejtues mjetesh (Tetovë-21 dhe Gostivar-3) për parkim të parregullt, ndërsa 17 automjete në Tetovë janë marrë me automjetin special “merimangë”. Janë sanksionuar edhe 52 lloje të tjera të kundërvajtjeve në komunikacion në Tetovë 35 kurse në Gostivar – 17.
Dje në ora 13:30, zyrtarë policorë nga SPB Tetovë kanë privuar nga liria një 26-vjecar nga Tetova, i cili dyshohet se më datë 05 shkurt ka kryer “vjedhje të rëndë” në mënyrë të pacipë.
Dje në ora 10:10, në SPB Tetovë është raportuar se në një fabrikë në Tetovë, gjatë kryerjes së detyrave të punës, një 46-vjecar nga Tetova, ka pësuar lëndime të rënda trupore. Ai është dërguar në një spital privat në Shkup për ndihmë mjekësore. Nga ana e ekipit të SPB Tetovë dhe një inspektori nga Inspektorati Shtetëror i Punës është kryer ekspertiza e vendit të ngjarjes.
……
Dje në ora 13:20, në DPB Gostivar është raportuar se në Qendrën Urgjente në Gostivar është pranuar një 50-vjecar me lëndime, i cili është lënduar gjatë vendosjes së roletave në një shtëpi në fshatin Gradec.
……
Dje në ora 11:00, në rrugën “Banjeshnica” në Gostivar, gjatë asistimit të Qendrës Mjekësore Gostivar për dërgimin e një 35-vjecari në një institucion psikiatrik është sulmuar fizikisht një zyrtar policor. Pas dokumentimit të rastit do të vijë parashtresa përkatëse.
……
Dje në ora 20:00, në SP Gostivar, një 38-vjecar nga Gostivari ka denoncuar se vajza e saj 16-vjeçare, në afërsi të një shkolle të mesme në Gostivar, është sulmuar me një send metalik nga një person, i cili i ka dëmtuar edhe telefonin.
……
Buetini I SPB-Tetovë shënon edhe dy aksidente, njëri në rrugën lokale Tetovë – Trebosh, kurse tjetri në rrugën lokale në Gradec. Personat e aksidentuar janë dërguar nëpër spitale.
Dy pjesëtarë të ARM-së sulmohen fizikisht nga eprori, përfundojnë në spital
Maqedonia nis procedurat për linjë ajrore direkte me Arabinë Saudite
SPB-Tetovë, janë konfiskuar tre automjete për shkak se vozitësit nuk kanë patur leje drejtimi
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
