Kryeministri i RMV-së, Hristijan Mickoski sot në Shtip, ku mori pjesë në prezantimin e pajisjeve të sapoardhura nga Shtetet e Bashkuara në kazermën “Jane Sandanski”, theksoi se ata absolutisht nuk do të tërhiqen kurrë nga negociatat me Bashkimin Evropian dhe se qëllimi i kësaj qeverie është që vendi të bëhet pjesë e BE.

Mickoski në pyetjen e gazetarëve për të komentuar iniciativën e paraqitur nga ish-deputetja dhe kryetarja e RDM-së, Liljana Popovska në Gjykatën Kushtetuese për të kontestuar Protokollin e takimit të dytë të Komisionit të Përbashkët Ndërqeveritar me Bullgarinë, për të cilin Gjykata Kushtetuese hapi rast, për të cilën tha se është më mirë të pyetet ish-deputetja për këtë, por edhe të pritet vendimi i Gjykatës.

“Absolutisht nuk do të shmangemi kurrë nga negociatat me BE-në, ky nuk është qëllimi i kësaj Qeverie, përkundrazi qëllimi ynë është të jemi pjesë e BE-së. Lidhur me paraqitjen e ish-deputetes Popovska, ajo duhet t’ju japë një përgjigje, le të presim që Gjykata Kushtetuese të marrë një vendim përfundimtar në lidhje me atë iniciativë”, tha Mickoski.

Gjykata Kushtetuese e RMV-së informoi pardje se është ngritur një çështje që konteston Protokollin e takimit të dytë të Komisionit të Përbashkët Ndërqeveritar me Bullgarinë, të miratuar më 17 korrik 2022 në Sofje, për të cilën është duke u zhvilluar një procedurë paraprake në të cilën po shqyrtohen të dhënat dhe njoftimet e nevojshme për marrjen e një vendimi.

Sot mbushen trembëdhjetë vjet nga vdekja e ish-kryetarit të PDSH-së në Maqedoni, Arbër Xhaferi në moshën 64-vjeçare.

Xhaferi vuante nga sëmundja e Parkinsonit, e cila ishte edhe arsyeja e tërheqjes së tij nga politika.

Ishte deputet i Parlamentit të Maqedonisë që nga viti 1994, ku synonte krijimin e një sistemi me dy dhoma në institucionin ligjvënës. Në kohën e konfliktit të armatosur në vitin 2001, partia e tij ishte në pushtet.

Është një nga nënshkruesit e Marrëveshjes së Ohrit, por me zvarritjen e zbatimit të saj, ai synonte një marrëveshje të re midis shqiptarëve dhe maqedonasve.

Arbër Xhaferi u lind në Tetovë më 24 janar 1948. Ka punuar në redaksinë e Kulturës të Televizionit të Prishtinës dhe, në fillim të viteve 90, u rikthye për të jetuar në Tetovë, ku në vitin 1994 themeloi Partinë për Prosperitet Demokratik Shqiptar, e cila më vonë ndryshoi emrin në Partia Demokratike Shqiptare.

Advertisement

SPB Tetovë njofton se ka ndodhur një aksident trafiku në Gostivar, ku lëndime të rënda ka marrë një 68-vjeçar.

“Më 14.08.2025 në ora 10:20 në Stacionin Policor Gostivar, është raportuar se në rrugën „Zhivko Brajkoski“ në Gostivar, 68- vjeçari Z.B. nga Gostivari, duke drejtuar një moped me targa të Gostivarit, ka humbur kontrollin dhe rënë në rrugë. Si pasojë, Z.B. ka pësuar lëndime të rënda trupore, të konstatuara në Spitalin e Përgjithshëm të Gostivarit. Inspektimin në vendngjarje e ka kryer ekipi i DPB Gostivar”, thonë nga SPB Tetovë.