Në xhiron e dytë  ka  pjesës  pranverore të kampionatit në ligën e parë të volejbollit  për meshkuj ndërsa në Tetovë takohen Universiteti i Tetovës – Rabotniçki dhe  Liria – Shkëndija

 Nesër në program janë ndeshjet e xhiros  së  dytë  në fazën e play off  dhe  ato  të  play out në ligën e parë  të volejbollit vendor në kategorinë e meshkujve ku pritet të zhvillohen  disa  ndeshje  interesante.

Në  fazën e play off-t ku garojnë gjashtë  ekipet që  luftojnë për  titullin kampion skuadra tetovare Universiteti i Tetovës nesër me  fillim në ora 19:00 është nikoqire e ekipi Rabotniçkit të Shkupit,  Skuadra vendas në këtë ndeshje  do të tentoj  fitoren me  çka do të ngjitej  një  pozitë më lart. Në  dy takimet  tjera  të fazës së play off-it takohen UGD Shtipi – Strumica që është derbi kampionatit  dhe  Susheva – Boreci.

 Në fazën e play aut ku janë  gjashtë ekipet që luftojnë mbijetesën ndeshje  derbi do të zhvillohet në Tetovë  mes  ekipit  Liria  dhe  Shkëndijës,  Ndeshja në  fjalë do të  luhet  në sallën e  shkollës e mesme  ekonomike ‘’8-Shatori’’ me  fillim në ora 18:00.

Në dy ndeshjet tjera  të fazës së play out takohen: Janta Volej – Vesna Probishtip  dhe Skopje – Makedonija Xhio

Advertisement

Komisioni i Verifikimit, organi përgjegjës për garantimin e integritetit dhe ligjshmërisë së procesit zgjedhor, në zbatim të Rregullores së Asamblesë së Përgjithshme të FSHF, zhvilloi sot mbledhjen e radhës me fokus verifikimin e propozimeve dhe kritereve ligjore për kandidatët për postin e Presidentit, për anëtarë të Komitetit Ekzekutiv të Federatës Shqiptare të Futbollit, si dhe verifikimin e delegatëve të propozuar nga anëtarët e federatës.

Mbledhja u mbajt pas përfundimit të afatit zyrtar të depozitimit të kandidaturave. Gjatë shqyrtimit, Komisioni analizoi me kujdes çdo propozim të paraqitur nga anëtarët e Asamblesë, duke vlerësuar përmbushjen e kritereve statutore, integritetin personal dhe përputhshmërinë me kërkesat ligjore të procesit zgjedhor.

Në përfundim të procesit të verifikimit, Komisioni konstatoi se 13 kandidatë për anëtar të Komitetit Ekzekutiv të FSHF-së kanë marrë dy propozimet e nevojshme nga anëtarët e Asamblesë dhe plotësojnë kriteret për të qenë zyrtarisht pjesë e garës.

Kandidatët sipas renditjes alfabetike janë:

1. Abdyl Kuriu
2. Anila Basha
3. Arben Dervishaj
4. Armando Cungu
5. Blendi Fevziu
6. Edmond Hasanbelli
7. Envi Hicka
8. Erind Resuli
9. Ervin Canollari
10. Geri Çipi
11. Gjergji Petro
12. Lutfi Nuriu
13. Pano Xhixho

 

Për postin e Presidentit të FSHF, është regjistruar kandidatura e z. Armand Duka, i propozuar nga 33 anëtarë të federatës.

Gjithashtu, Komisioni zyrtarizoi listën e delegatëve të anëtarëve të FSHF-së për Asamblenë e datës 16.02.2026, në përputhje me numrin e delegatëve të përcaktuar në Vendimin Nr. 1, datë 03.12.2025.

Advertisement

Asambleja e Përgjithshme Zgjedhore e FSHF do të zhvillohet më 16 shkurt 2026, në orën 10:00, në ambientet e “Shtëpisë së Futbollit”. Gjatë Asamblesë do të zgjidhen Presidenti dhe anëtarët e Komitetit Ekzekutiv të FSHF për mandatin e ri katërvjeçar.

Mbyllet faza e Ligës në kompeticionin e dytë me rëndësi që organizohet nga UEFA, ku tanimë  dihen  emrat e  8 ekipeve  që kualifikohen në fazën e eliminimit direkt  dhe 16  ekipet  që u kualifikuan për  fazën e play off-it

 Me  ndeshjet e xhiros së tetë që u  zhvilluan  mbrëmë  zyrtarisht   ka përfunduar  faza e ligës në UEFA Europa Liga. Në 18  ndeshjet e  zhvilluara  u   shënuan  gjithësejt  55 gola , ndërsa tetë ekipet e para  që direkt  kualifikohen në fazën  e 1/8  së  finales  janë  Lyoni, Aston Villa,, Mitjuland,  Betis  Porto, Freiburg  dhe  AS Roma, ndërkaq  ekipet nga pozita e 9-të  deri në pozitën e  24  do  të  luajnë  play off  për  kualifikim në  fazën e eliminimit  direkt .

Olimpik Lion i drejtuar nga Paulo Fonseka, e ka mbyllur në vendin e parë fazën në grupe të Ligës së Europës, me 7 fitore  dhe vetëm një humbje aq sa ka edhe Aston Vila por për pozitën e parë vendimtare ishte gol averazhi.  Në ndeshjen e  fundit  Lyon mundi  ekipin PAOK 4-2

Në mesin e tetë  ekipeve të kualifikuar është e dhe  AS Roma e cila ka  5  fitore, 1 barazim dhe  2  disfata.  Në 16  ekipet që janë  kualifikuar  në play off janëË Ferencvarosh, Nottingham, Viktoria Plzen, Fenerbahce, Panathinaikos, Genk, Crvena Zvezda, Stuttgart, Celta, Lille, Brann,  Ludogorets dhe Dinamo Zagreb

 Ndeshjet e play off-t do të  zhvillohen  me  19  shkurt

Advertisement

Shaban  Sinani – TV Koha