Sport
NË DURRËS NISË TURNEU I 20 JUBILAR I FUTBOLLIT ‘VLLAZNIMI CUP’
Në organizim të Shoqatës “Vllaznimi” dhe me përkrahjen e Federatës së Futbollit Shqiptarë, nesër në Durrës nisë edicioni jubilar i 20-ti me radhë Turneu ndërkombëtar i futbollit për fëmijë ‘Vllaznimi Cup 2025’
Në organizimi nga Shoqata “Vllaznimi” në bashkëpunim me Federatën Shqiptare të Futbollit Bashkinë “Durrës”, duke filluar data 25 deri më 30 qershor në Durrës mbahet edicioni jubilar i 20 –ti me radhë Turneu Ndërkombëtar i futbollit për fëmijë “Vllaznimi Cup 2025”. Ne këtë aktivitet jubilar marrin pjesë mbi 60 ekipe rajoni si: Kosova, Mali i Zi, Maqedonia, Shqipëria, Serbia, Bosnje Hercegovina, Bullgaria, Greqia nga mosha U-11 deri ne moshën U-15 dhe ekipe të vajzave pa kufizim moshe.
Turneu Ndërkombëtar ‘Vllaznimi Cup’ ketë vit feston edicionin e 20-te të futbollit për fëmije. Koordinatorit të këtij turneu Heraj Lisaku në tha se Shoqata Vllaznimi prej 20-të vitesh bën së bashku ne Durrës ekipe nga te gjitha trevat shqipfolëse dhe nga Evropa. Me moton “TE NDRYSHEM POR TE BARABARTE” ky aktivitet sportiv i organizuar nga Shoqata Vllaznimi mbështetet nga Bashkia Durrës, Federata Shqiptare Futbollit, Ministria Arsimit dhe Sportit. E veçanta e këtij viti është edhe pjesëmarrja për herë te parë e ekipeve nga Greqia. Ekipet e vajzave do të jetë një tjetër bukuri qe do ti shtohet këtij aktiviteti. Bashkimi i fëmijëve duke zhvilluar lojëra te bukura sportive pritet të mbledhë ne qytetin bregdetar te Durrësit mbi 60 ekipe.
Organizatori për të gjitha ekipet pjesëmarrëse do të ndanë mirënjohje dhe medalje ndërsa për ekipet fituese edhe Kupa.
Në organizim të Komunës së Tetovës dhe në bashkëpunim me federatën e Volejbollit të Maqedonisë së Veriut për tre ditë me radhë në sheshin ‘’Iliria’’ do të mbahet kampionati Ballkanik i volejbollit në rërë.
Qyteti i Tetovës nga data 25-27 qershor, është nikoqire e kampionatit Ballkanik të volejbollit në rërë , ku do të marrin pjesë reprezentacionet Maqedonisë së Veriut, Shqipërisë, Kosovës, Turqisë, Rumanisë dhe Moldavisë. Të gjitha ekipet pjesëmarrëse do të krahas ekipet të meshkujve do të prezantohen edhe me ekipin e vajzave . Ndeshjet finale janë para pa të zhvillohen të premten. Këtë për televizionin Koha e deklaroi zëdhënësi i komunës Albion Halili
‘’Duke filluar nga nesër nga data 25 deri më 27 qershor do të zhvillohet Kampionati Ballkanik i volejbollit në rërë. Janë diku gjashtë shtete Kosova, Shqipëria, Maqedonia e Veriut, Moldavia, Turqia dhe Rumania. Ndeshjet do të jenë duke filluar nga ora 9:00 e mëngjesit deri në 12:00 të drekës. Pastaj shkaku i temperaturave të larta ndeshjet do të postohen nga ora 17:00 deri në ora 22:00’‘ deklaroi Albion Halili.
Të gjitha vendet pjesëmarrëse do të prezantohen në dy kategori at të meshkujve dhe femrave
‘’Ndeshjet do të jenë në kategorinë e vajzave dhe djemve, ndërsa ditën e premte do të jetë edhe finalja e madhe e kampionatit ballkanik’ tha zëdhënsi Halili
Komuna e Tetovës si nikoqire së bashku me Federatën e volejbollit të Maqedonisë së Veriut janë duke i bërë përgatitjet përfundimtare në sheshin ‘’Ilirija’’ aty ku edhe do të zhvillohen ndeshjet e Kampionatit Ballkanik , ku pritet të ndiqet nga numër i madh i adhuruesve të volejbollit në rërë pasi është hera e parë që një kampionat ballkanik të organizohet në qytetin e Tetovës. Hapja zyrtare e Kampionatit Ballkanik të volejbollit në rërë do të bëhet të mërkurën në 20:00 nga ana e kryetarit të Komunës së Tetovës Bilall Kasami . Ndeshja e parë e kampionatit Ballkanik do të luhet të mërkurën me fillim në ora 9:00.
Oklahoma me fitoren e sotme që ishte e katërta në serinë e 7 ndeshjeve në finalen e play off-it, kundër ekipit Indiana 103-91, përherë të parë në histori fitoi titullin kampion i NBA-s
Ekipi i Oklahoma u shpall sot kampion në NBA për sezonin sportiv 2024-2025. Në finalen e shtatë play off luajtur në fushën e tij, Oklahoma mundi ekipin Indiana me rezultatin 103-91 I, duke fituar 4-3 serinë e ndeshjeve finale të play off-it duke u shpallur për herë të parë në histori kampion i NBA .
Gjithashtu duhet përmendur se pas plot 9 viteve serish në finalen e play off-it kampioni i shpall pas 4 fitoreve në 7-të ndeshjet e zhvilluara në finalen e madhe Ishte ky një triumf i merituar për ekipin Oklahoma, që kësaj radhe u pa se kishte edhe grupin më të mirë në sezonin e rregullt, që ngriti lart trofeun para tifozëve të saj.
Në sfidën vendimtare që u luajt sot, vendimtar dëmtimi i Haliburton për Indiana në mesin e periodës së parë i cili për 7 minuta kishte realizuar 9 pikë..
Kampioni i ri i NBA-s, Oklahoma, falë Aleksandër Shai, i cili realizoi 29 pikë e 12 asist, arriti të bënë diferencë deri në +22 pikë në pjesën e dytë. Paraqitje të shkëlqyeshme kishte edhe Jalen Villiams me 20 pikë dhe Chet Holmgren me 18 pikë.
Shaban Sinani – TV Koha
Në edicionin e pestë Turneu ndërkombëtar i shahut “Vizioni M 2025” që dje u mbajt në hapësirat e hotel Skardus në Kodrën e Diellit tuboi 177 shahistë nga rajoni. Fitues doli serbi Nebojsha Ristiq i cili grumbulloi 8 pikë
Në organizim të klubit të shahut “Anpasan” dhe me përkrahjen e Shoqatës Kulturore Vizioni M, dje në hapësirat e hotel Skardus në Kodrën e Diellit në Shpatit e Sharrit u mbajt edicioni i 5-të Turneu ndërkombëtar i shahut “VIZIONI M 2025” ku morën pjesë 177 shahistë nga Shqipëria, Maqedonia e Veriut, Kosova, Serbia dhe Bullgaria . Garat u zhvilluan me sistemin zviceran me 9-të xhiro dhe me kohëzgjatje 10 minuta plus 5 sekonda. Turneun e udhëhoqi arbitri ndërkombëtar Sashko Lakinski. Lëvizjen e parë për fillimin zyrtarë të turneut e bëri kryetari i klubit Anpasan, Nazmidin Imeri. Pas 9-të xhirove të zhvilluara fitues i këtij manifestimi tradicional doli në këtë turnir që është më masovik në vendin tonë. Fitues i edicionit të pestë doli serbi Nebojsha Ristiq me 8 pikë, para Filip Pançevski dhe Toni Lazov nga Maqedonia e Veriut, si dhe Endrit Uruçi dhe Nderim Saraçi nga Kosova të gjithë kanë grumbulluat nga 7, 5 pikë (shtatë pikë gjysmë)
Kryetari i klubit të shahut “Anpasan”, Nazmidin Imeri në cilësinë e organizatorit për Televizionin Koha u shprehë tepër i kënaqur për masivitetin e pjesëmarrësve në këtë tradicional
“ Ky turne siç dihet është turne tradicional i pesti me radhë . Por kësaj here janë paraqit mbi 200 shahistë që më gëzon fakti se si organizator i këtij turneu, si drejtor i klubit Anpasan që ma mundësuan këtë organizim. Ju falënderoj të gjithë këtyre shahistëve të cilët marrin pjesë në këtë tournament “ deklaroi organizatori Nazmidin Imeri
Organizatori i këtij turneu ndërkombëtar Nazmidin Imeri doli me një mesazh për institucionet
‘’Mesazhi i këtij turneu është të përcjellim mesazh te institucionet e Maqedonisë që ta përkrahin sa më tepër klubin Anpasan’’ tha Imeri
Në mesin e 177 shahistëve ku kishte edhe emra të njohur me rejting të lartë në Federatën ndërkombëtare të shahut FIDE, ishin Eglantina Shabanaj shahiste nga Shqipëria dhe mjeshtri ndërkombëtar Nderim Saraçi nga Kosova
‘’Kjo është hera e tretë që unë vi në këtë garë . Është një garë interesante për mendimin tim ndër më të mëdhajat që bënë Maqedonia. Faleminderit që jeni kaq mikë pritës dhe krijoni këtë atmosferë kaq emocionuese. Shpresoj të japë më të mirën time’’ deklaroi Eglantina Shabanaj
“Kjo është hera e pestë që organizohet turneu Vizioni M. Këtë vit është numër i madh ka mbi 230 shahistë që marrin pjesë. Është ma merë mendja turneu me numër më të madh të shahistëve që mbahet në Maqedoninë e Veriut. Mirëpritja është shumë e ngrohtë prej klubit, prej anëtarëve të klubit , prej Nazmidin Imerit. Kështu që për ne çdo herë është kënaqësi të marrim pjesë “ deklaroi shahisti Nderim Saraçi
Organizatori krahas Kupave, medaljeve dhe mirënjohjeve për fituesin e turneut e shpërbleu me 18000 denar, vendin e dytë 16.000 denar, vendin e tretë 11.000 denar, vendin e katërt 8000 denar dhe vendin e pestë 4800 denar, ndërsa shahistët që u renditën nga vendi i 6-të deri në vendin e 10-të u shpërblyen me nga 1500 denar.
Mickoski: Për të kryer reformat në vend nevojitet një administratë publike përgjegjëse dhe profesionale
Temperatura deri në 40 gradë, nga nesër valë e të nxehtit me indeks UV 9
Minçev: Ligji për Përfaqësim të Drejtë do t’i dërgohet Komisionit së Venecias, punësimi do të bazohet në kompetencë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve