Lajme nga vendi
Sot nis aplikimi për shujtën studentore, studentët kërkojnë rritje për 10 denar
Subvencionimi i shujtës studentore ka mbetur i njëjtë tani e dy vite. Ndonëse shporta e konsumit është rritur dhe shpenzimet e jetesës janë shtrenjtuar, studentët për dy vite kanë marrë vetëm 140 denarë për shujtën ditore. Nga Kuvendi studentor kërkojnë që nga viti i ardhshëm ata të marrin 10 denarë më shumë, duke vlerësuar se kjo rritje modeste do të zbusë shpenzimet e tyre studentore.
“Herën e fundit, shuma e subvencionimit të shujtës studentore është rritur në 2023 nga 120 në 140 denarë. Sipas ligjit, si trup nacional studentor që përfaqëson të gjithë studentët në këtë shtet kërkojmë që gjatë planifikimit dhe para miratimit të buxhetit të shtetit 2026, të parashikohen mjete për rritjen e kësaj shume nga 140 në 150 denarë”, tha Dimitar Atanasovski, kryetar i Kuvendit Studentor “Klimenti i Ohrit” Manastir.
Sipas të dhënave të Entit të statistikave, norma e inflacionit në 2024 në nivel vendi ishte 3,5% dhe sipas parashikimeve të Fondit monetar ndërkombëtar për këtë vit inflacioni do të jetë 3,4%. Duke iu referuar këtyre shifrave, përfaqësues i studentëve Nikollovski tha se kjo rritje nuk është privilegj për studentët por një hap i domosdoshëm për ruajtjen e vlerës reale të shujtës studentore.
“Implikimet financiare për këtë rritje janë si në vijim: nëse merret parasysh që në mesatare prej 30 mijë studentëve në vend janë shfrytëzues të kësaj mase, gjatë 9 muajve të një viti atëherë për këtë rritje janë të nevojshme 70,2 milion denarë shtesë nga buxheti ose 1,141 milion euro gjatë një viti”, tha Aleksandar Nikollovski, përfaqësues i Trupës Studentore.
Kjo kërkesë është adresuar sot te Ministria e Arsimit dhe Shkencës. Ministrja Vesna Janevska tha se do të bëjnë përpjekje që këtë kërkesë tu realizojnë në planifikimin buxhetor të vitit të ardhshëm 2026.
“Mendoj se mund të flasim për këtë çështje të merremi vesh por në këtë moment nuk mund të garantoj sepse buxheti i Ministrisë së arsimit varet nga buxheti i shtetit por do të angazhohem nëse është e mundur që për vitin e ardhshëm të realizohet kjo sepse mendoj sinqerisht që studentët duhet të kenë kushte për të mësuar”, u shpreh Janevska.
Sipas Nenit 2, Paragrafi 1 i Ligjit për subvencionimin e shujtës studentore shuma e së njëjtës miratohet sipas normës së inflacionit pas çdo viti fiskal para miratimit të buxhetit të shtetit për vitin e ardhshëm.
Nisma e Degës së Bashkimit Demokratik për Integrim në Çair për krijimin e një “SPAK-u” lokal kundër korrupsionit ka nxitur reagime nga Koalicioni VLEN.
Nga VLEN-i thonë se iniciativa duhet të shoqërohet me veprime konkrete dhe jo të mbetet vetëm deklarative, duke e cilësuar si përpjekje propagandistike.
Sipas tyre, nëse synohet vërtet transparencë dhe përgjegjësi, hetimet duhet të nisin nga vetë drejtuesit e BDI-së, për të dëshmuar se bëhet fjalë për proces serioz dhe të paanshëm ndaj të gjithë zyrtarëve, pa përjashtim.
“BDI në Çair shpall me bujë formimin e një “SPAK-u” lokal, sikur të kishte zbuluar “Amerikën”. Por, pyetja që lind menjëherë është: a do ta kapë ky SPAK edhe kryesinë e vet? Apo është vetëm një teatër i radhës për të mashtruar qytetarët? VLEN-i e përshëndet këtë “SPAK” të BDI-së dhe i sugjeron që, nëse vërtet është për veprim dhe jo për spektakël, të fillojë hetimet pikërisht nga këta emra. Punën e parë që duhet ta bëjë është të vendosë komunikim me SPAK-un e Shqipërisë dhe të kërkojë ekstradimin e Artan Grubit.”, – thanë nga Koalicioni VLEN.
Ditë më parë, Dega e Bashkimit Demokratik për Integrim në Çair themeloi një “SPAK” lokal si mekanizëm kundër korrupsionit. Sipas njoftimit, kjo strukturë do të monitorojë ndërtimet pa leje dhe punën e organeve komunale për shkelje urbanistike.
BDI u bëri thirrje qytetarëve të denoncojnë çdo keqpërdorim të pushtetit. (Armend Murseli, TVM2)
Lajme nga vendi
Dega e BDI-së në Çair ka themeluar një strukturë kundër korrupsionit me emrin “SPAK”
Duke huazuar emrin e Prokurorisë së Posaçme të Shqipërisë që ndjek krimin dhe korrupsionin e nivelit të lartë, dega e BDI-së në Çair ka themeluar një Sekretariat, akronimi i të cilit është i njëjtë me atë të Prokurorisë – SPAK.
“SPAK do të funksionojë si mekanizëm profesional monitorimi, i përbërë nga ekspertë vullnetarë – juristë, ekonomistë, urbanistë dhe profesionistë të fushave përkatëse – të cilët do të analizojnë çdo indikacion për korrupsion dhe keqpërdorim të fondeve publike”, deklaroi Enard Bakiu, BDI – Çair.
I menjëhershëm ka qenë reagimi i koalicionit VLEN të cilët kërkojnë që SPAKU i BDI-së të kërkojë nga SPAKU i Shqipërisë ta ekstradojë Artan Grubin, funksionarin e BDI-së i cili pasi u fut në listë të Zezë u arratis nga shteti, ndërsa dyshimet janë se fshihet në Shqipëri. Plotësisht kërkojnë të hetohen dhe figura tjera të BDI-së.
“Korrupsioni nuk është thjesht ndërtim pa leje apo tender komunal. Ai ka fytyra të njohura: Faton Ahmeti, për dyshimet e keqpërdorimit të fondeve në FSSH, Arbër Ademi, si ministër i Arsimit me lëndë të hapura për abuzime, Bujar Osmani, për rastin famëkeq “Pacienti”, dhe shumë të tjerë që sot ulen në kryesinë e BDI-së si të paprekshëm”, thonë nga VLEN.
SPAKU i BDI-së, është ironizuar edhe për faktin që në periudhën e kaluar ishte në shënjestër të kritikave pasi dy funksionarët e saj Artan Grubi dhe Ramiz Merko u futën në Listë të Zezë për korrupsion, ndërsa u dorëzuan padi edhe kundër një sërë funksionarëve, duke përfshirë Blerim Bexhetin, Fatmir Deharin, Ramiz Merkon, Bujar Dardhishtën, Kreshnik Bekteshin, Bekim Maksutin, Ejup Rustemin e të tjerë. Mekanizmi SPAK, mbase duket si ide e huazuar nga LSDM, e cila e promovoi Qendrën Hulumtuese për Korrupsion dhe Krim të Organizuar me akronimin MICKO, një shkurtesë që përdoret në komunikimin jokonvencional dhe ironizues për Mickoskin. /Alsat.mk
Këshilli I Etikës në media të Maqedonisë, një ditë pas ceremonisë mortore të viktimave të zjarrit tragjik në diskotekën e Koçanit, ka pranuar 140 ankesa lidhur me mënyrën e raportimit të mediave – ka njoftuar Drejtorja Ekzekutive, Biljana Georgievska.
Ajo ka shtuar se të gjitha vërrejtjet kanë ardhë nga e-maile të hapura për një përdorim nga numra telefonike që nuk ekzistojnë.
“Çdo minutë vinte nga një ankesë që për ne ishte një situatë jo e zakonshme që I gjasonte një sulmi të orkestruar digjital, jo vetëm ndaj KEMM-it, por edhe ndaj mediave, vecanërisht për përmbajtjet dhe mënyrës së raportimit për ceremoninë e varrimit. Ata kryesisht hynë në pakon e ankesave pa bazë, për shkak se kishin të bëjnë me mediat e huaja, nga rajoni, por edhe televizione nga India” – thotë Georgievska.
Në vitin 2025 në KEMM knë mbërritur shumë ankesa që lidhen me tragjedinë në Koçanë. Janë shqyrtuar 96 mha 244 ankesat.
Më së shpeshti është shkelur nëni 1 I Kodit të Gazetarëve – mungesa e burimeve dhe mungesa e palës së dytë të storjes.
Nga KEMM thonë se mediat online paraqiten si shkelësit më të mëdhenj të standardeve për informim etik.
SHOKON RAMA: PROKURORËT E HAGËS KËRCËNUAN PRESIDENTEN E KOSOVËS
VLEN: BDI t’i kërkojë SPAK-ut të Shqipërisë ekstradimin e Grubit
Dega e BDI-së në Çair ka themeluar një strukturë kundër korrupsionit me emrin “SPAK”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
