Në 91 kuzhina kopshtesh për fëmijë dhe 23 shkolla, muajin e kaluar u krye inspektim i jashtëzakonshëm për të kontrolluar kushtet në të cilat përgatitet dhe shërbehet ushqimi, transmeton Portalb.mk.

Inspektorët e Agjencisë së Ushqimit dhe Veterinarisë lëshuan nëntë vendime me urdhra për të eliminuar parregullsitë e identifikuara.

Gjatë inspektimeve, u përcaktua se në dy kopshte, higjiena në kuzhina nuk ishte e kënaqshme, ndërsa në një kopsht stafi i punësuar në kuzhina nuk i ishte nënshtruar një kontrolli të detyrueshëm shëndetësor.

Inspektorët vendosën gjoba për tre kopshte sepse u përcaktua se ushqimi ishte ruajtur në mënyrë të papërshtatshme. AUV thotë se u asgjësuan 24 kilogramë ushqim.

Gjatë inspektimeve të shkollave, u përcaktuan kushte të pakënaqshme vetëm në një kuzhinë. Në dy kuzhina, u përcaktuan devijime në aspektin e prodhimit të mirë dhe praktikave të mira të higjienës.

Advertisement

Për shkak të deklarimit të pasaktë, AUV thotë se 59 kilogramë ushqim u asgjësuan nga shkollat.

Për mospërputhjet e identifikuara në kuzhinat e shkollave, inspektorët e AUV vendosën gjobë, dhe u lëshuan pesë vendime që urdhëronin largimin e tyre.

Ministria e Shëndetësisë njofton se prej sot fillon paraqitja për vaksinim falas kundër gripit sezonal për kategoritë e rrezikuara të popullsisë, të cilat mund të paraqiten duke plotësuar aplikacionin në faqen vakcinacija.mk në këtë link ose përmes mjekut amë.

Me vaksinimin falas përfshihen këto kategori të rrezikuara të popullsisë: personat e moshuar mbi 65 vjeç, personat me sëmundje kronike, punonjësit shëndetësorë, gratë shtatzëna, fëmijët e moshës prej 6 muaj deri në 5 vjeç, si dhe personat e vendosur në institucionet për kujdes social të të moshuarve dhe të punësuarit në këto institucione.

“Interesimi i qytetarëve për vaksinim falas kundër gripit sezonal çdo vit është gjithnjë e më i madh, gjë që tregon ndërgjegjësim të shtuar për rëndësinë e mbrojtjes nga gripi, dhe njëherit e konfirmon rëndësinë dhe nevojën për këtë masë parandaluese. I ftoj qytetarët, e sidomos personat që bëjnë pjesë në kategoritë e rrezikuara, që me kohë ta mbrojnë shëndetin e tyre. Ministria këtë vit ka siguruar numrin më të madh ndonjëherë të vaksinave kundër gripit sezonal – 80.000 doza të vaksinës katërvalente nga prodhuesi i njohur ‘Abot’ nga Holanda”, deklaroi ministri i Shëndetësisë, Azir Aliu.

Gjykata Themelore Penale në Shkup sot do të shpallë vendimin kundër tre personave të cilët akuzohen për veprën penale “rrezikim i mjedisit jetësor dhe ambientit me mbeturina”, me të cilën janë krijuar deponi të paligjshme në një pjesë të lokacionit në “Vardarishte”.

Të akuzuarit Maksut Memishi, Almir Asani dhe Florin Arifi pranuan fajësinë në seancën e fundit dëgjimore për veprën e kryer, rrezikimin e mjedisit dhe ambientit duke ruajtur dhe krijuar deponi të paligjshme në rrugën “Zendel Xhemail” në Shkup.

Mbrojtja e tyre beson se nuk ka prova se zjarret në deponi kanë ndodhur në vendin ku janë hedhur mbeturinat e të akuzuarve.

Vepra për të cilën akuzohen të akuzuarit parasheh dënim me burg nga tre muaj deri në tre vjet.