Lajme nga vendi
Prokuroria hap hetim – mbyllet shtëpia private për të moshuar “Aktiv” në Shkup
Dera e shtëpisë private për të moshuar “Aktiv” në Qendër të Shkupit është e mbyllur, pas hetimit të Prokurorisë për shpërdorim dhe keqtrajtim të banorëve.
Pëllumbat që kanë vërshuar ballkonin, janë mysafirët e vetëm të cilët sot thyejnë heshtjen në këtë objekt, brenda të të cilit sipas organit të akuzës është dashur të akomodohen 17 persona, por pronarja në mënyrë të paligjshme ka vendosur 33, në madje duke shkelur çdo rregull, i ka futur në dhoma të përbashkëta edhe burrat edhe gratë. Se kushtet kanë qenë çnjerëzore, dëshmon edhe fakti që nuk ka pasur as krevate të mjaftueshme.
Kështu që, një pjesë kanë fjetur në divanet e dhomës së ndejës ose janë detyruar të flenë dy persona në krevat për një person.
Alsat, sot e vizitoi edhe shtëpinë tjetër private për të moshuar, e cila është pjesë e hetimit, ku gjithashtu ka pasur mbingarkesë, respektivisht në vend 21, janë akomoduar 27 persona.
Sipas organit të akuzës, mbingarkesa është bërë për qëllime financiare, për çka të arrestuarat N.J. 47-vjeçare T.I. 58-vjeçare nga Shkupi, kanë përfituar në nivel mujor 36.000 euro.
Krahas kësaj, Prokuroria ka siguruar edhe prova se të arrestuara kanë kryer dhunë psikike dhe fizike ndaj banorëve me qëllim që t’u shkaktojnë dhimbje fizike dhe shpirtërore, gjegjësisht vuajtje dhe i kanë ekspozuar ndaj trajtimit mizor, çnjerëzor dhe poshtërues.
Ndërkohë, familjarët që takuam sot ishin të habitur dhe të painformuar lidhur me atë çfarë ka ndodhur.
Derisa po i tërhiqnin familjarët e tyre nga shtëpia e të moshuarve në Butel, ata shprehën revoltën pse institucionet nuk i kanë njoftuar me kohë për situatën e krijuar.
“Nga Ministria çfarë ju thanë? Asgjë nuk na thanë. T’i merrni menjëherë, atë na thanë. Tani, ku do t’i dërgoni? Tani në shtëpi tjetër do të shkojmë.
Nga policia, a ju kanë kontaktuar diçka? Nga Prokuroria? Jo. Vetëm na lajmëruan nga Ministria e Punës dhe Sociales që t’i marrim”, tha një familjar.
Një pjesë e banorëve kanë qenë të mbyllur në hapësira të veçanta, ndërsa disave u është dhënë terapi me barna të cilat nuk kanë qenë të shkruara nga mjeku.
Për të mos mjaftuar kjo, banorëve nuk u janë dhënë katër shujta në ditë, siç parashikon rregullorja, ndërsa u është shërbyer ushqim me afat të skaduar.
Plotësisht, shtëpitë private të të moshuarve nuk kanë mbajtur evidencë të rregullt për shfrytëzuesit e shërbimit social, nuk kanë poseduar dosje me dokumentacion profesional, nuk kanë mbajtur llogari për mirëmbajtjen e higjienës, nuk kanë pasur numër të mjaftueshëm të kuadrove profesional, ndërsa kanë pasur të punësuar persona pa dokumentacion përkatës.
Por pavarësisht provave të siguruara nga inspektimi i jashtëzakonshëm, të cilat i kanë konfirmuar Policia dhe Prokuroria, nga biseda që zhvilluam me njërën prej të punësuarve në shtëpinë private të Butelit, thotë se kjo nuk është e vërtetë.
“A ka të vërtetë prej kësaj… Kurrgjë s’ka, vetëm rrena janë. Unë po të them. Thonë që janë keqtrajtuar banorët. Kurrgjë s’ka. Veç spiunë janë. Për çfarë arsye atëherë janë hapur hetimet? Nuk e di unë”. /Alsat.mk
Mbi 45 koncesione janë anuluar prej të cilave 34 unanimisht, ndërsa për 11 kontratat kanë skaduar dhe nuk janë vazhduar, informoi ministrja e Energjetikës, Sanja Bozhinovska.
Në brifingun e sotëm me gazetarë, Bozhinovska tha se shkaqet për këtë janë mosrespektimi i dispozitave ligjore dhe masave ekologjike, mospagesa e kompensimeve të koncesioneve, bartja e koncesionit pa pajtim dhe eksploatim jashtë pjesës së lejuar.
Sipas ministres, të gjitha koncesionet do të publikohen.
“Nga janari deri më 1 tetor të këtij viti janë kryer 170 mbikëqyrje të jashtëzakonshme dhe 78 të rregullta”, potencoi Bozhinovska dhe paralajmëroi kritere shumë më të ashpra lidhur me editimin dhe kontrollin e koncesioneve.
Në Inspektoratin shtetëror për energjetikë dhe miniera për momentin punojnë rreth 14 inspektorë, por mungojnë minimum po aq.
VLEN ka reaguar për rastin ku u plagos aktivisti dhe bartësi i listës së AKI-së në Likovë, Zekirija Shaini. Nga ky koalicion theksojnë se oponentët e tyre politikë në krye me BDI-në deshën t’i japin kahje politike dhe duke manipuluar me këtë tragjedi familjare në mes të fushatës zgjedhore
Reagimi i plotë:
Lajme nga vendi
Pas kapjes së djalit me kokainë, MPB filloi hetimet e brendshme për inspektorin e antidrogës në Tetovë
Departamenti për Kontroll të Brendshëm po e heton e rastin ku djali i inspektorit të antidrogës Orce Smilevskit nga Tetova u kap para pak ditësh me kokainë. Kështu konfirmuan nga MPB-ja për Portalb.mk.
Të pyetur nga Portalb.mk për nëse do të kryejë MPB-ja hetim të brendshëm dhe çfarë masash do të ndërmarrin për Orce Smilevskin pasi djali i tij u kap me drogë, nga ministria thonë se po ndërmarrin veprime, por nuk japin detaje.
“Departamenti për Kontroll të Brendshëm, Hetime Penale dhe Standarde Profesionale në Ministrinë e Brendshme po ndërmerr masa dhe aktivitete në lidhje me rastin konkret, pas së cilës do ta informojmë publikun”, thanë nga MPB.
Nga Ministria e Brendshme nuk i kanë konfirmuar informatat nëse djali i inspektorit së bashku me shokun e tij u kapën me drogë në veturën në pronësi të inspektorit.
Policia njoftoi se më 4 tetor 2025 në orët e para të mëngjesit në Bërvenicë, policët privuan nga liria I.S. (23) dhe N.S. (28), të dy nga Bërvenica, ku gjatë kontrollit të automjetit “BMW” me targa të Tetovës, që drejtohej nga I.S., ndërsa pasagjer ishte N.S., u gjetën rreth 100 gramë kokainë, një peshore digjitale dhe para.
Më pas, prokurori publik deri te gjykatësi i procedurës paraprake nga Gjykata Themelore në Tetovë dorëzoi propozim për caktim të masës paraburgim për njërin të dyshuar, ndërsa për tjetrin masa kujdesi.
Ata dyshohen se kanë qenë bashkëkryerës në veprën penale prodhim i paautorizuar dhe lëshim në shitje të drogave narkotike, substancave psikotropike dhe prekursorë.
Gianni Infantino nderohet me “Medalje Presidenciale të Meritave” në Kosovë
Bozhinovska: Janë anuluar 45 koncesione, i ashpërsojmë kriteret dhe kontrollet
VLEN: BDI nxit tensione mes fushatës, keqpërdor tragjeditë familjare
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
