Sport
Erjona Jonuzi, kapitene dhe MVP që në javën e parë në Sllovaki!
Volejbollistja tetovare, Erjona Jonuzi, është rikthyer sërish në terrenet e volejbollit, duke qenë pjesë e sezonit të dytë të kampionatit të volejbollit në Sllovaki. Jonuzi, është pjesë e Klubit të Volejbollit për femra “Nove Mesto”.
Volejbollistja e mirënjohur nga Maqedonia u rikthye fuqishëm nga lëndimi dhe në javën e parë të kampionatit sllovak, u zgjodh kapitene e skuadrës “Nove Mesto”, duke rrëmbyer çmimin “MVP”, si volejbollistja më e mirë e ndeshjes, në javën e parë të kampionatit sllovak, ku “Nove Mesto” në rolin e skuadrës mysafire shënoi fitore me 3-0 me sete, kundër ekipit vendas “Elba Preshov”.
Kujtojmë që Erjona Jonuzi këputi ligamentin e kryqëzuar (ACL) në gjurin e majtë gjatë sezonit të kaluar, me çka ishte e detyruar që të ndërpresë sezonin.
Vlerësimet e para të mjekëve parashihnin që rikuperimi i plotë të zgjas nga 10 deri më 12 muaj. Megjithatë, falë përkushtimit dhe punës së palodhur, Erjona u rikthye në terrenet e volejbollit, vetëm pas gjashtë muajsh, edhe pse ende jo në formën e saj maksimale.
Erjona, sfidën e parë pas rikuperimit e kishte me përfaqësuesen e Maqedonisë, pasi që kampionati sllovak kishte përfunduar.
Sot, ajo është plotësisht e rikuperuar dhe vijon të dëshmojë kualitetin e lartë që posedon në volejbollin sllovak.
Federata e Futbollit e Kosovës (FFK) ka zyrtarizuar sot marrëveshjen e re me përzgjedhësin Franco Foda, duke konfirmuar vazhdimin e bashkëpunimit edhe për dy vite të tjera.
Kontrata e re e nënshkruar nga presidenti Agim Ademi dhe trajneri Foda më 6 tetor, gjatë ditës së parë të grumbullimit të ekipit kombëtar, formalizon marrëveshjen paraprakisht të arritur mes palëve.
“Federata e Futbollit e Kosovës ka kënaqësinë të njoftoi se ka zyrtarizuar edhe formalisht marrëveshjen e mëhershme me përzgjedhësin Franco Foda për të vazhduar bashkëpunimin edhe për 2 vite.
Kontrata që konfirmon qëndrimin e Fodas në krye të ekipit kombëtar është nënshkruar zyrtarisht nga Presidenti Agim Ademi dhe përzgjedhësi Franco Foda, ditën e parë të grumbullimit të ekipit kombëtar në muajin tetor, përkatësisht me datën 6-të, duke formalizuar edhe në mënyrë zyrtare marrëveshjen e arritur paraprakisht. Me marrëveshjen e re, Foda do t’ i prijë kombëtares së Kosovës deri në fund të vitit 2027, me mundësi vazhdimi automatikisht në rast të kualifikimit në Kampionatin Evropian të vitit 2028.
Franco Foda ka marrë drejtimin e ekipit kombëtar me 17.02.2024 dhe që nga ajo periudhë ka udhëhequr kombëtarën tonë në 17 ndeshje deri tani, duke arritur: 11 fitore, 2 barazime (përfshirë atë me Rumaninë 0:0) dhe ka pësuar 4 humbje”, thuhet në njoftim.
Klubi I volejbollit Liria e Zherovjanit në prag të fillimit të kampionatit të ri në Ligën e parë të volejbollit vendor krahas përgatitjeve në radhët e veta ka sjell edhe dy përforcime cilësore, sërish ka angazhuar një volejbollist nga Gjeorgjia. Pas Giorgi Gordadze i cili iu bashkua ekipit zherovjanas , nga dita e djeshme kësaj skuadra iu bashkëngjit edhe një reprezentues i Gjeorgjisë , fjala është për qendër sulmuesin 24 vjeçar Aleksi Zakaidze.
Përforcimi i ri do ti ndihmojë skuadrës në pozicionin qendër sulmuesit. Trajneri Sadik Ferati tha se me dy përforcimet gjeorgjian Giorgi Gordadze dhe Aleksi Zakaidze, klubi i volejbollit Liria do të jetë më konkurruese me ekipet tjera për pjesën e epërme 1es.
Në ndeshjen e parë të sezonit të ri në ligën e parë të volejbollit vendor që fillon më 25 tetor, Liria në transfertë do të përballet me Borecin në Veles.
SHABAN SINANI – TV KOHA
Gjashtë fitore të skuadrave vendase dhe katër të atyre mysafire është epilogu i raundit të katërt në Euroligën e basketbollit në kategorinë e meshkujve. Kryesojnë Real Madrid, Paris Basketboll, Hapoel Tel Aviv dhe Panethenaikos
Euroliga e basketbollit në kategorinë e meshkujve ka vazhduar në mesjavë me ndeshjet e e xhiros së katërt të sezonit 2025/2026. Ekipet vendase dolën fituese në gjashtë duele ndërsa ato mysafire në katër takime ku ndodhën edhe disa rezultate befasuese. Kështu që në ndeshjen e zhvilluar në Beograd Crvena Zvezda mundi Zalgiris Kaunas me rezultatin 88-79. Ishte kjo disfata e parë e Zalgiris Kaunasit në sezonin e ri.
Në ndeshjet e raundit të katërt spikat edhe fitorja e skuadrës turke Anadolu Efes e cila në Athinë mundi Olimpiakosin me rezultatin 82-78, ndërsa befasia më e madhe e kësaj jave është disfata e kampionit aktual Fenerbahçes që si nikoqire humbi nga skuadra debutuese Dubai Basketboll me rezultatin 69-93.
BE-ja 16 milionë euro për Maqedoninë e Veriut, për reforma dhe projekte infrastrukturore
MPB: Mashtrim i ri në Shkup me “aksident të rremë”, një grua 71-vjeçare humb 36.300 euro
Franco Foda rinovon kontratën me Kosovën
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
