Sport
KRASNIQI – SHPRESOJMË QË TË JETË NJË DITË HISTORIKE
Kampioni i Maqedonisë së Veriut, klubi i futbollit Shkëndija të enjten zhvillon ndeshjen e parë si vendas në fazën e ligës të UEFA Conferenc League kundër Shelbourn FC nga Irlanda
Shkëndija të enjten në Shkup luan takimin e parë si vendase në fazën kryesore të UEFA Konferencë Ligës kundër ekipit Shelbourn FC nga Irlanda. Ekipi nën drejtimin e trajnerit Jeton Beqiri pauzën dy javore shkaku obligimeve të reprezentacionit e ka shfrytëzuar maksimalisht në çdo aspekt, ndaj edhe me optimizëm presin ndeshjen kundër irlandezëve ditën e enjte në Shkup. Televizioni Koha gjatë ditës së sotme ishte e pranishme në séance stërvitore të para ditës ku vërejt një atmosferë tejet pozitive. Këtë e pohoi edhe futbollisti Endrit Krasniqi i cili shpreson në fitore historike
‘’Gjatë gjithë kohës jemi përgatit jemi mundu me punuar që të jemi gati për të enjten. Kështu që e presim ndeshjen, shpresojmë që të jetë një ditë historike për neve që të bëjmë fitoren e parë. Kështu që i ftojë të gjithë tifozët tanë Ballistët që të na bashkëngjiten dhe me ndihmën e zotit shpresojmë që të arrijmë fitoren e parë‘’ deklaroi futbollisti Endrit Krasniqi
Futbollisti Krasniqi është optimist për suksesin e të enjtes që duke në atmosferën dhe me përkrahjen e tifozëve
‘’ Mendoj që bashkimi në mes ekipit dhe tifozëve tonë shpresojmë që të na bënë të pathyeshëm që në fund të arrijmë fitoren‘’ tha Krasniqi
Futbollisti kuqezi fton tifozët që të jenë në numër sa më të madh në këtë ndeshje ashtu siç kanë qenë çdo herë në përkrahje të ekipit
‘’Unë besoj që tifozët tanë gjithmonë janë pranë neve edhe brenda shtetit edhe jashtë shtetit që shumë herë kanë qenë pranë neve kështu që i ftojë edhe njëherë që të na bashkëngjiten dhe të kemi përkrahjen maksimale që në fund të festojmë së bashku‘’ tha Endrit Krasniqi
Në fund futbollisti Krasniqi tha se më e rëndësishme në duelin me Shelbourn të korrin fitore. Ndeshja Shkëndija – Shelbourn, do të zhvillohet në arenën “Todor Proeski” në Shkup, enjten me fillim në ora 18:45 .
Shaban Sinani – TV Koha
Federata e Futbollit e Kosovës (FFK) ka zyrtarizuar sot marrëveshjen e re me përzgjedhësin Franco Foda, duke konfirmuar vazhdimin e bashkëpunimit edhe për dy vite të tjera.
Kontrata e re e nënshkruar nga presidenti Agim Ademi dhe trajneri Foda më 6 tetor, gjatë ditës së parë të grumbullimit të ekipit kombëtar, formalizon marrëveshjen paraprakisht të arritur mes palëve.
“Federata e Futbollit e Kosovës ka kënaqësinë të njoftoi se ka zyrtarizuar edhe formalisht marrëveshjen e mëhershme me përzgjedhësin Franco Foda për të vazhduar bashkëpunimin edhe për 2 vite.
Kontrata që konfirmon qëndrimin e Fodas në krye të ekipit kombëtar është nënshkruar zyrtarisht nga Presidenti Agim Ademi dhe përzgjedhësi Franco Foda, ditën e parë të grumbullimit të ekipit kombëtar në muajin tetor, përkatësisht me datën 6-të, duke formalizuar edhe në mënyrë zyrtare marrëveshjen e arritur paraprakisht. Me marrëveshjen e re, Foda do t’ i prijë kombëtares së Kosovës deri në fund të vitit 2027, me mundësi vazhdimi automatikisht në rast të kualifikimit në Kampionatin Evropian të vitit 2028.
Franco Foda ka marrë drejtimin e ekipit kombëtar me 17.02.2024 dhe që nga ajo periudhë ka udhëhequr kombëtarën tonë në 17 ndeshje deri tani, duke arritur: 11 fitore, 2 barazime (përfshirë atë me Rumaninë 0:0) dhe ka pësuar 4 humbje”, thuhet në njoftim.
Klubi I volejbollit Liria e Zherovjanit në prag të fillimit të kampionatit të ri në Ligën e parë të volejbollit vendor krahas përgatitjeve në radhët e veta ka sjell edhe dy përforcime cilësore, sërish ka angazhuar një volejbollist nga Gjeorgjia. Pas Giorgi Gordadze i cili iu bashkua ekipit zherovjanas , nga dita e djeshme kësaj skuadra iu bashkëngjit edhe një reprezentues i Gjeorgjisë , fjala është për qendër sulmuesin 24 vjeçar Aleksi Zakaidze.
Përforcimi i ri do ti ndihmojë skuadrës në pozicionin qendër sulmuesit. Trajneri Sadik Ferati tha se me dy përforcimet gjeorgjian Giorgi Gordadze dhe Aleksi Zakaidze, klubi i volejbollit Liria do të jetë më konkurruese me ekipet tjera për pjesën e epërme 1es.
Në ndeshjen e parë të sezonit të ri në ligën e parë të volejbollit vendor që fillon më 25 tetor, Liria në transfertë do të përballet me Borecin në Veles.
SHABAN SINANI – TV KOHA
Gjashtë fitore të skuadrave vendase dhe katër të atyre mysafire është epilogu i raundit të katërt në Euroligën e basketbollit në kategorinë e meshkujve. Kryesojnë Real Madrid, Paris Basketboll, Hapoel Tel Aviv dhe Panethenaikos
Euroliga e basketbollit në kategorinë e meshkujve ka vazhduar në mesjavë me ndeshjet e e xhiros së katërt të sezonit 2025/2026. Ekipet vendase dolën fituese në gjashtë duele ndërsa ato mysafire në katër takime ku ndodhën edhe disa rezultate befasuese. Kështu që në ndeshjen e zhvilluar në Beograd Crvena Zvezda mundi Zalgiris Kaunas me rezultatin 88-79. Ishte kjo disfata e parë e Zalgiris Kaunasit në sezonin e ri.
Në ndeshjet e raundit të katërt spikat edhe fitorja e skuadrës turke Anadolu Efes e cila në Athinë mundi Olimpiakosin me rezultatin 82-78, ndërsa befasia më e madhe e kësaj jave është disfata e kampionit aktual Fenerbahçes që si nikoqire humbi nga skuadra debutuese Dubai Basketboll me rezultatin 69-93.
KOALICIONI VLEN SHPALLI FITORE NË POLLOG
VLEN: Shqiptarët folën qartë dhe fuqishëm
Spanja propozon heqjen përhershme të ndërrimit të orës në vendet e BE-së
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
