Sport
LIGA E PARË: KOMPLETOHET RRETHI I PARË I KAMPIONATIT 2025/26
Me ndeshjet e xhiros së 11-të të sezonit vjeshtor u kompletua edhe rrethi i parë i kampionatit 2025/2026 në Ligën e parë të futbollit në Maqedoninë e Veriut. Lider doli ekipi i favorizuar Vardari me 27 pikë, para Struga Trim Lum që ka 26 dhe Shkëndija e lodhur në garat evropiane me 24 pikë.
Java e 11-të e sezonit vjeshtor solli 1 fitore të vendasve, 3 barazime dhe dy fitore për ekipet mysafire me gjithësejt 17 gola të shënuar
Në ndeshjen e fundit të kësaj jave mes Vardarit dhe Sileksit e cila zgjati jo më pakë se 101 minutë fituese doli Vardari 2-1 me golin e fitores që u shënua nga penaltia në sekondat e fundit apo më mirë thënë në minutën e 101 me autor Mato. Ndryshe golin e parë për Vendasit e realizoi Azar Omeragiq, ndërsa për Sileksin e shënoi Hrvanoviq . Për ndeshjen në fjalë dhe referimin ka kritika të shumta por aktivi i referëve në kuadër të FFM-s ka dal me vlerësim për dy momentet dyshimta dhe ka vlerësuar se arbitri ka pasur të drejtë!
Shkëndija në transfertë me AP Brera në Strumicë u kthye me fitore shumë të rëndësishme 2-3 edhe pse në pjesën e parë ishin në epërsi prej dy golave në pjesën e dytë situata në terren ndryshoi, por megjithatë tre pikët erdhën në Tetovë . Pas kësaj ndeshje trajneri Beqiri ishte i kënaqur me tre pikët por jo edhe me mënyrën si u pranuan golat
“Tre pikë shumë të rëndësishme. Jam i kënaqur me luftën e futbollistëve në fushë gjatë 90-të minutave dhe nuk jam i kënaqur me mënyrën se si i pësuam golat. Pasi një skuadër me eksperiencë, siç është skuadra jonë, nuk do të duhet të tolerojë kështu lloj gabimesh të këtij niveli të sotëm. Dua të përmendi edhe atë, se më e rëndësishmja për momentin është që sot marrim tre pikë, pas humbjes të hënën.” deklaroi Jeton Beqiri
Nesër zhvillohen tetë ndeshje gjysmëfinale të play off-it për kualifikim në Botërorin e futbollit 2026. Në mesin e 16 ekipeve janë edhe Maqedonia e Veriut, Shqipëria dhe Kosova. Fituesit nga këto ndeshje kualifikohen në finale të play off-it, ku katër ekipet fituese do të presin biletën për Kupën e Botës që do të mbahet në SHBA, Kanada dhe Meksikë
Ekspedita e Maqedonisë së Veriut nga dita e djeshme ka arritur në Kopenhagë për duelin e plej off-it ndaj Danimarkës e vlefshme për kualifikim në Kampionatin Botëror 2026.
Reprezentacioni ynë sipas agjendës sonte në “Parken Stadium” në Kopenhagë do të zhvillojnë seancën e fundit stërvitore para ndeshjes së nesërme që fillon në ora 20:45. Përfaqësuesja e Maqedonisë në Kopenhagë ka udhëtuar pa njërin nga futbollistët më të mirë Ezgjan Alijoski i cili mungon shkaku i lëndimit,
Sa i përket kundërshtarit, Maqedonia e Veriut deri më tani ka luajtur vetëm tre herë ka luajtur kundër Danimarkës. Në ndeshjet e para kualifikuese pas mvetësimit në vitin 1994 së pari në Shkup e më pas edhe në Kopenhagë, për kualifikimin në Kampionatin Evropian në Angli 1996. Ndërsa ndeshja e fundit në vitin 2013 ishte miqësore të cilën Maqedonia e fitoi 3-0 me golat që i realizuan Pandev, Agim Ibraimi dhe Novevski.
Kujtojmë se Maqedonia e Veriut gjysmëfinalen e play off-it e siguroi me ndeshjet e edicionit të katërt Liga e Kombeve ku në grupin katërt të Ligës C ishte me Letoninë , Armeninë dhe Ishujt Faroe. Kjo do të thotë se i gjithë ky sukses u arrit në mandatin e kryetarit Muamed Sejdinit
Me fitore eventuale ndaj Danimarkës reprezentacioni i Maqedonisë së Veriut më 31 mars do të përballet me fituesin nga ndeshja mes Çekisë dhe Irlandës
Nesër me fillim në ora 18:00, takohen Turqia – Rumania, ndërsa në ora 20:45, takohen:, Çekia – Irlanda, Danimarka – Maqedonia e Veriut, Italia –Irlanda Veriore, , Polonia – Shqipëria , Sllovakia – Kosova , Ukraina Suedia dhe Uellsi – Bosnja e Hercegovina.
“Ndeshja e parë do të zhvillohet më 22 prill në Tetovë, ndërsa takimi i kthimit do të luhet më 6 maj në Kumanovë”, sqaroi Shkëndija e Haraçinës.
Ekipi nga Haraçina e Shkupit sqaroi se ndeshja e dytë do të zhvillohet në Kumanovë për shkak se stadiumi është i licencuar me sistemin VAR.
Gjysmëfinalja tjetër ndërmjet Sileksit dhe Ohrit do të luhet fillimisht në Ohër, ndërsa tjetra në Kratovë, në ditën e njëjtë si dyshja tjetër.
Finalja e Kupës së Maqedonisë së Veriut pritet të luhet më 20 maj.
Kampion i Ligës së Parë në sezonin 2024/25 u shpall Shkëndija e Tetovës, ndërsa Vardari fitues i Kupës.
Në sezonin 2025/26 në Ligën e Parë luajnë Shkëndija, Struga, Shkupi, Bashkimi dhe Arsimi që u kualifikua nga Liga e Parë për herë të parë.
UGD Shtipi, Boreci, Strumica dhe Rabotniçki kanë siguruar fazën finale të play off-it ku do të mësohet edhe kampioni i ri për sezonin 2025/2026. Shkëndija e Tetovës me 10 fitore radhazi përfundon fazën e play out.
Me ndeshjet e xhiros së 10-të në fazën e play off-it dhe play out përfundoi pjesa e rregullta e kampionatit në Ligën e parë të volejbollit në kategorinë e meshkujve dhe tanimë dihen edhe katër skuadrat e para të cilat do të diskutojnë titullin e kampionit për sezonin 2025/2026.
Pra UGD Shtipi, Boreci i Velesit, Strumica dhe Rabotniçki janë katër skuadrat të cilat do të luftojnë për titullin kampion. Çka të thuhet për ekipin Universiteti i Tetovës e cila në fazën e play off-it në 10-të ndeshje ka pësuar po aq disfata.
Nga ana tjetër në fazë e play out ka mbetur vetëm edhe ndeshje e fundit mes ekipit Liria dhe Skopje por në asnjë mënyrë nuk do të ndikon në renditjen përfundimtare. Shkëndija e Tetovës me 10 fitore të njëpasnjëshme renditet e para në fazën play out, para ekipit Liria e cila ka vetëm dy humbje.
Pjesa më e madhe ujit të pijshëm në Tetovë zhduket rrugës për në destinacionin e planifikuar
Ministria e Drejtësisë nuk është dikasteri i vetëm që saboton Inspektoratin për Përdorimin e Gjuhëve
VLEN NJË PARTI – KUVENDI THEMELUES NË MAJ, MË PAS KONGRESI?!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi2 months agoRrjeti i madh i dyqaneve për produkte të shtëpisë Comodita Home po rritet akoma më tepër, tash me dyqanin më të madh në Re Mall, Tetovë
-
Sport2 months agoOLIMPIADA DIMËRORE ‘’MILANO CORTINA 2026’’ FILLON MË 6 SHKURT
-
Lajme nga vendi2 months agoVLEN: Me Fetain në krye, nis goditja reale ndaj pasurisë së paligjshme