Sport
ATMOSFERË FESTIVE NË “AIR ALBANIA” FITON ANGLIA
Shqipëria me humbje kundër Anglisë ka mbyllur grupin e kualifikuesve të Botërorit 2026 duke siguruar kualifikimin në play-off për herë të parë në histori. Një rrugëtim, vazhdimin e të cilit do ta mësojë në shortin që hidhet të enjten.
Kombëtarja shqiptare u mposht 0-2 nga Anglia në stadiumin “Air Albania”, në ndeshjen e fundit për kualifikueset e Botërorit.
Kuqezinjtë kanë mbyllur me humbje një rrugëtim pozitiv, që kulmoi me kualifikimin historik në “play off”.
Ndaj anglezëve, Shqipëria tregoi një paraqitje të mirë, në pjesën e parë, por edhe në fillimin e së dytës.
Fraksioni i parë u mbyll pa gola, pavarësisht rasteve në të dyja portat. Fraksioni i dytë, nisi me mundësi të mira për Hoxhën dhe Bajramin, që nuk i shfrytëzuan si duhej.
Ndeshja u zhbllokua në minutën e 74-të, kur Harry Kane përfitoi nga një goditje këndi dhe zhbllokoi sfidën. Tetë minuta më vonë, sulmuesi shënoi edhe të dytin me kokë, pas një krosimi të marrë nga Rashford.
Shqipëria i mbyll kualifikueset në vendin e dytë me 14 pikë, ndërsa Anglia kualifikohet në Botëror si kryesuese me 24 pikë, por pa pësuar asnjë gol. Kështu Shqipëria e mbyll këtë fushatë kualifikuese në vendin e dytë me 14 pikë, historike, me sytë tashmë që janë nga shorti që do të hidhet të enjten për fazën play off.
Por tashmë është e konfirmuar që Shqipëria do të jetë në vazon e tretë që do të nuk ka gjasa të ketë përballje me Kosovën në play-offin e kualifikimeve për Botërorin 2026. Kjo u bë e ditur me humbjen nga Anglia dhe fitoren e Ukrainës ndaj Islandës, Shqipëria mbeti pa gjasa që të dalë në vazon e dytë.
Fituesi i turneut prestigjioz i tenist ‘’ATP Finals’’ që mbajt në Torino të Italisë doli Jannik Siner i cili në finale mundi spanjollin Carlos Alcaraz. Për italianin ishte kjo fitorja e dytë radhazi në këtë turnir
Jannik Sinner ka fituar “ATP Finals” në Torino për të dytin vit radhazi.
Tenisti italian ka arritur të mposhtë me rezultatin 2-0 në sete 7-6 dhe 7-5, në një finale të luftuar rivalin Carlos Alcaraz.
Kjo e çon numrin e përgjithshëm të takimeve në karrierë midis të dyve në 16 ku bilanci është 10 me 6 për spanjollin.
Jannik Sinner mundi Carlos Alcaraz në finalen e ëndrrave për të konfirmuar titullin e tij në ATP Finals: 7-6, 7-5 për italianin, i cili kështu përsëriti titullin që fitoi në Torino dymbëdhjetë muaj më parë.
Kjo është fitorja e gjashtë sezonale për tenistin italian Jannik Sinner dhe e 24-ta në karrierë.
Klubi i volejbollit Shkëndija e Tetovës kthehet me tre pikë nga Strumica pas fitores kundër Makedonija Xhio 3-1 n sete, ndërsa Universiteti i Tetovës dhe Liria pësuan humbje
Këtë fundjavë u zhvilluan java e pestë e sezonit vjeshtor në ligën e parë të volejbollit vendor në kategorinë e meshkujve. Ekipi i UGD Shtipi mbetet skuadra e vetme e cila ka të fituara pesë fitore dhe 15 pikë maksimale, ndërsa ndiqet nga kampioni në fuqi Strumica dhe Rabotniçki. Skuadrat tetovare edhe këtë javë shënuan rezultate jo të mira, pasi ishte Shkëndija e vetmja skuadër që shënoi fitore dhe atë në transfertë me Makedonija Xhio në Strumicë duke fituar 1- 3në sete 18-25, 25-21, 19-25 dhe 18-25.
Skuadra e Universitetit të Tetovës në cilësinë e vendasit ka pësuar nga Boreci i Velsesit 0-3, ndërsa Susheva ka shënuar fitore kundër ekipit Liria 3-1
Rezultatet e javës së pestë të sezonit vjeshtor: Strumica – Skopje 3-0, UGD Shtipi – Janta Volej 3-0, Makedonija Xhio – Shkëndija 1-3, Vesna Probishtip – Rabotniçki 0-3, Universiteti i Tetovës – Boreci 0-3 dhe Susheva – Liria 3-1
Në testin e fundit para ndeshjes kualifikuese kundër Uellsit më 18 nëntor, përfaqësuesja e Maqedonisë së Veriut mbrëmë barazoi me Letoninë 0-0, në duelin miqësor që u zhvillua në arenën ‘’Todor Proeski’’ në Shkup
Ndeshja miqësore në futboll midis përfaqësueses së Maqedonisë së Veriut dhe Letonisë, e zhvilluar mbrëmë në arenën “Todor Proeski” në Shkup, përfundoi me barazim pa gola. Gjatë 90 minutave lojë të dy ekipet krijuan disa raste për të shënuar, me një dominim të lehtë të ekipit të Letonisë të cilët më tepër e posedonin topin, por pa konkretizime në gola.
Kjo ndeshje miqësore shërbeu si përgatitje për Maqedoninë e Veriut në prag të sfidave të mëdha.
Seleksionuesi Blagoja Milevski pas ndeshjes në press konferencën zyrtare u shpreh i kënaqur me paraqitjen e futbollistëve në aspektin taktik
“Gjithçka që vendosëm si qëllim për këtë ndeshje, përveç fitores, u përmbush. Doja të shihja se si do të dukej skuadra në një formacion të ri, me detyra të reja taktike dhe në situata që nuk i kemi punuar më parë. Nga kjo perspektivë, jam vërtet i kënaqur. Më vjen keq që kushtet e lojës nuk ishin më të mira. Shpresoj që së shpejti do të bëhen përpjekje për të luajtur në një fushë më cilësore, në mënyrë që të jemi më efikasë në finalizim. Në ato momente të fundit, në fazën e tretë të sulmit, kur kundërshtari është i vendosur në një bllok të dendur, nevojitet një pasim i saktë finalizues, dhe sot kundër Letonisë nuk e patëm atë. Pavarësisht kësaj, krijuam disa raste, por nuk arritëm t’i realizonim. Urime të dyja ekipeve, si Maqedonisë ashtu edhe Letonisë. Jam i kënaqur, të gjithë lojtarët, pavarësisht nëse janë lojtarë standardë apo vijnë nga stoli, e justifikuan besimin. Kjo më jep besim se mund të mbështetem te secili prej tyre“, tha trajneri Blagoja Milevski.
Më 18 nëntor, përfaqësuesja e Maqedonisë së Veriut në transfertë do të përballet me Uellsin në ndeshjen e fundit të grupit J, në kuadër të kualifikimeve për Kupën e Botës 2026. Aktualisht Maqedonia e Veriut renditet në vendin e dytë të Grupit J me 13 pikë, pas Belgjikës me 14 pikë. Në vendin e tretë është Uellsi me 10 pikë, i ndjekur nga Kazakistani me 7 pikë dhe në fund Lihtenshtajni me asnjë pikë.
Dyshohet se e vrau të dashurën, Prokuroria: Trupin e varrosi në oborr
ATMOSFERË FESTIVE NË “AIR ALBANIA” FITON ANGLIA
TENIS: JANNIK SINNER FITUES NË ‘’ATP FINALS’’ NË TORINO
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni2 months agoTirana mirëpret në tetor Forumin e parë të Investimeve BE-Ballkani Perëndimor
-
Lajme nga vendi3 weeks agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga vendi2 weeks agoUniversiteti i Tetovës shpreh ngushëllime për vdekjen e studentes Daorsa Spahija