Kampionati amerikan i basketbollit  NBA  vazhdon  sipas  orarit të paraparë nga  organizatori. Në 9 ndeshjet e zhvilluara  sot vendasit  dolën  fitues  vetëm në  4 duele, Detroit  me 17 fitore e  4 disfata  kryeson Lindjen

 Katër fitore të vendasve  dhe pesë fitore të skuadrave mysafire  është epilogu  i  nëntë ndeshjeve  të  zhvilluara  sot  në  kampionatin amerikan  të basketbollit  NBA.  Skuadra e  Detroit  me 17  fitore e 4  disfata  kryeson Konferencën Lindje

Detroit  fiton në sekondën e  fundit nga  Atlantas  me  rezultatin  99-98  dhe  vazhdon  të  kryeson   renditjen tabelore në Konferencën  e Lindjes . Më efikas  ishte Jalen Duren me 21 pikë .  Indiana pëson  para   tifoz ]ëve vendas  në përballjen me  ekipin Ceveland  me  rezultatin   bindës  119-135,  ku  shkëlqeu  basketbollisti  Donovan Mitchel  që  realizoi 43 pikë

 Miami ka regjistruar  fitore  të sigurt   me  rezultatin 140 -123   ku   të  gjithë  lojtarët titullar  kanë  realizuar  mbi 15 pikë ndërsa  veçohet Norman powell  i  cili  shënoi 30 pikë.  Ekipi i Uashingtonit me  përkrahjen e  tifozëve vendas mundi  ekipin  favoritë Milwaukee me  rezultatin e ngushtë 129-126. Lojtari më efikas  i ndeshjes  ishte Mccollum me  28 pikë.

 Los Anxhelos Lakers pësoi disfatë në cilësinë e vendasit nga  skuadra e Feniks  me rezultat 108-125. Në këtë ndeshje lojtari  më efikas  ishte Antony Davis .

Advertisement

Konferencën e Lindjes e  kryeson  Detroit me 17 fitore e  4  humbje e ndjekur nga Nju Jorku që ka  16 fitore e  3 disfata

Dy ndeshjet e  zhvilluara dje  në kuadër të javës së 14-të të sezonit vjeshtor  në Ligën e parë përfunduan me fitore të sigurta  të Arsimit dhe Tikveshit kundër Shkëndijës dhe Bashkimit  me rezultat identik 3-0

 Arsimi mundi  Shkëndijën 3-0  në stadiumin e  qytetit  në  Gostivar  në kuadër  të javës së 14-të të sezonit  vjeshtor  në Ligën e pare të futbollit vendor Pas pjesës pare  e  cila sa i përket lojës dhe  rasteve  ishte  e barabartë  por çdo  gjë ndryshoi  në  fillim të pjesës së dytë  kur  Shefit Shefiti dhe Alban  Taipi shënuan dy  gola ku u pa  qartë se fitues i këtij derbi do të jetë ekipi i Arsimit të Çegranit, ndërsa  golin e tretë që e realizoi Xhemil Jahiji në minutën e  75-të vetëm vulosën  këtë fitore  të pa pritur  për  Arsimin.

 “Për skuadrën  nga  Çegrani është kjo fitorja më e madhe në historinë e klubit, përballë kampionit në fuqi, ekipit që përfaqëson futbollin vendorë në Europë, Shkëndijës! Falënderojmë të gjithë të pranishmit në stadium, dhe tifozët për përkrahjen vëllazërore për të dy ekipet! “ thuhet  në postimin e KF Arsimi  në  fejsbuk

Nga  ana  tjetër trajneri Jeton Beqiri i pa kënaqur me  ketë  paraqitje të  ekipit të tij sidomos  në pjesën e dytë  pas  ndeshjes ka deklaruar

 “Ishte një paraqitje normale në pjesën e parë, kishim disa raste të pastërta për shënim. Ndërkohë ajo që ndodhi në pjesën e dytë, ishte shumë zhgënjyese, në momente të veçanta edhe e turpshme, mos të them edhe skandaloze nga ana jonë. Nuk mund ta shpjegoj për momentin humbjen, duhet të bëjmë analiza. Bëmë aq shumë gabime në mbrojtje, ishte një ditë e keqe dhe shumë e zezë, me një paraqitje shumë të dobët nga ana jonë.” Deklaroi trajneri  Jeton Beqiri

Advertisement

Me  tre  pikët  e fituara Arsimi tani me 18 pikë të grumbulluara  mbanë pozitën e  gjashtë në renditje, ndërsa Shkëndija  mbetet  në pozitën e tretë me  30 pikë .  Fitore identike  3-0 dje ka shënuar edhe ekipi i Tikveshit në Kavadar kundër ekipit të Bashkimit të Kumanovës. Autor të golave  për ekipin e Tikveshit ishin Ivanovski, Stojanovt dhe Jonus. Kujtojmë se të premten   Makedonija gj.P  humbi nga  Sileksi  1-2, ndërsa  dje  AP Brera  humbi nga  Vardari 0-2.   Java e 14-të mbyllet nesër me ndeshjen Rabotniçki – Struga Trim Lum që në program është nga ora 13:00.

Shabana  Sinani – TV KOHA

Të shtunën në program  janë ndeshjet e javës së gjashtë të sezonit vjeshtor   në ligën e parë të volejbollit  për  meshkuj. Shkëndija  të  mërkurën në  ndeshjen hapëse  mundi Skopjen 3-0. Liria nesër  nikoqire e UGD Shtipit

 Kampionati  i volejbollit në kategorinë e meshkujve  vazhdon sipas orarit  të paracaktuar me  ndeshjet e  xhiros  së  gjashtë të sezonit vjeshtor.  Këtë  javë   ndeshje  më interesante pritet të  zhvillohen  në Strumicë dhe  Tetovë. 

Liria e Zherovjanit  në  cilësinë  e vendasit   do të përballet  me aktualisht  liderin në renditjen e tabelës dhe pretendentin kryesor për titullin kampion  UGD  Shtipi. Ndeshja  Liria  – UGD Shtipi luhet nesër me fillim në ora 19:00, në sallën e shkollës fillore ‘‘Goce Dellçev’’ në Tetovë

Në  Strumicë  skuadra  kampione  e Maqedonisë  do të përballet me  ekipin Universiteti i Tetovës. Duke  pasur para  sysh se skuadra vendase këtë  kampionat nuk është në formën e duhur ndaj edhe skuadra tetovare shpreson që ndoshta ta shfrytëzon këtë  situatë dhe  ndoshta  mund  të  shpreson në sukses . 

Në ndeshjet tjera  të xhiros së gjashtë  takohen: Janta Volej – Makedonija Xhio, Rabotniçki – Susheva , Boreci – Vesna Probishtip.  Nërsa ndeshja  Shkëndija  – Skopje   është  zhvilluara  të  mërkurën  dhe  ka  përfunduar  3-0  për  ekipin tetovar  ne  sete  25-19,  25-19  dhe  25-10

Advertisement