Sport
TETOVA EDHE NË VITIN 2026 PA INFRASTRUKTURË TË ATLETIKËS
Klubet e Atletikës të rajonit të Pollogut si Studenti, Kamjani, Shkëndija , Tetova dhe Luboteni edhe gjatë vitit 2026 nuk mund të shpresojnë në ndërtimin e shtegut të atletikës. Këtë e pohoi vetë Ministri sportit Borko Ristovski
Në rajonin e Tetovës vite me radhë veprojnë pesë klube të atletikës të cilat ndër vite janë duke shënuar rezultate shumë mire dhe punojnë me një numër të madh të talenteve të këtij sporti që në botë njihet si Mbretëresha e sporteve. Klubet e atletikës që tanimë në një traditë të madhe kanë punuar dhe vazhdojnë të punojnë në kushte shumë të vështira pasi nuk ka një pistë të atletikës dhe akoma nuk dihet se kur mund të ndërtohet kjo pistë e shumë pritur. Gjatë qëndrimit në Tetovë i pyetur se a ka ndonjë lëvizje lidhur me ndërtimin e një piste të atletikës Ministri I Sportit Borko Ristovski me përgjigje decide se vitin e ardhshëm nuk planifikohet ndërtimi pistës së atletikës në Tetovë
BORKO RISTOVSKI – MINISTËR I SPORTIT
“Në Tetovë nuk planifikojmë vitin e ardhshëm, por mund të bisedojmë pas vitit të ardhshëm. Unë e di që ka mungesë pistave të atletikës por me gjithat duhet të jeni të vetëdijshëm se na si Ministri nuk mund të bëjmë të gjitha menjëherë. Me të vërtet filluam me investime në infrastrukturën sportive nuk e di, por në 10 vitet e fundit të papara. Filluam me rekonstruminin e tre sallave sportive , deri në fund të vitit përfundojnë tenderët edhe për tre të tjera. E ndihmojmë rikonstruimin e stadiumit të Tetovës. Do të ndërtojmë edhe një teren të futbollit në Tetovë, ndërtojmë kësi terrene multifunksionalle, përfunduam me 5-6 pishina të cilat kishin filluar para 4 viteve . Për vitin e ardhshëm planifikojmë tre salla të reja kështu që ky është maksimumin që mund të bëjmë këtë buxhet dhe me këtë kapacitet. Mendoj se unë jam i vetëdijshëm se ka mungesa të infrastrukturës sportive . Dhe pikërisht për këtë fokusi ynë si ish sportist jam i vetëdijshëm se pa infrastrukturë sportive nuk mund të kërkojmë rezultate.” deklaroi Borko Ristovski ministër i sportit
Klubet e tetovare të atletikës të gjitha sukseset e arritura vite me radhë në garat vendore dhe ndërkombëtare i kanë arritur duke punuar në kushte të vështira dhe terrene jo adekuate për atletikë.
SHABAN SINANI – TV KOHA
Tre skuadrat shqiptare Egnatia në Europa Liga si dhe Dinamo City dhe Drita e Gjilanit , në UEFA Konferencë Liga nesër zhvillojnë ndeshjet kthyese të play ofit. Kujtojmë se tre ekipet në duelet e para si vendas kanë barazuar që do të thotë se vetëm fitorja ua siguron vizën për të kaluar në fazën tjetër. Tre takimet fillojnë në ora 19:00
Kampioni i Shqipërisë ekipi Egnatia pas barazimit 0-0 në ndeshjen e parë të play off-it në UEFA Konferencë Liga me skuadrën Lilestrom të Norvegjisë, nesër mbrëma zhvillon takimin kthyes me shpresë se do t’ia dalin për t`u kualifikuar në fazën e grupeve në Ligën e Europës.
Por në stadiumin “Arasen”, me kapacitet 10.500 ulëse, ku luan ekipi norvegjez, e pret një atmosferë e flaktë. Lilestrom ka bërë të ditur sot se janë shitur thuajse të gjitha biletat për këtë ndeshje të rëndësishme për ata. Por edhe Egnatia do të ketë përkrahësit e vetë në këtë ndeshje kur dihet se në Norvegji ka një numër të konsiderueshëm të shqiptarëve që jetojnë dhe veprojnë në këtë vend skandinav.
Kujtojmë se Egnatia nëse nuk arrin të kualifikohet në fazën tjetër të Europa Ligës, ka të siguruar kualifikim në fazën e Ligës të UEFA Konferencë Liga.
Ndeshja Egnatia – Lilestrom luhet nesër me fillim në në ora 19:00
Po, nesër zhvillohen edhe ndeshjet kthyese të play off-it edhe në UEFA Konferencë Liga ku garojnë edhe Dinamo City i Tiranës dhe Drita e Gjilanit.
Dy ekipet në ndeshjet e para përfunduan me barazim. Dinamo City barazoi 1-1 me ekipin Pafos të Qipros, ndërsa Drita e Gjilanit barazoi 2-2 me ekipin Inter Escaldes të Andorrës.
Ndeshjet Pafos – Dinamo City dhe Inter Escaldes – Drita luhen nesër me fillim në ora 19:00.
Shaban Sinani – TV Koha
Java e pestë e sezonit vjeshtor në Ligën e parë të futbollit do të zhvillohet të premten, të shtunën dhe të dielën. Siparin e kësaj jave e hapin Sileksi – Shkëndija të premten me fillim në ora 16:00
Komisari i garave në kuadër të Federatës së futbollit të Maqedonia ka publikuar orarin e ndeshjeve për xhiron e pestë të sezonit vjeshtor.
Sipari i javës së pestë hapet të premten me fillim në ora 16:00 me ndeshjen Sileksi – Shkëndija, ndërsa po të premten me fillim në ora 17:00 zhvillohet ndeshja mes Struga Trim Lum – Bregallnica
Të shtunën me fillim në orën 16:30 në stadiumin e qytetit në Gostivar është caktuar të zhvillohet ndeshja Arsimi – Skopje. Ndërsa për ditën e diel janë caktuar të zhvillohen ndeshjet Bashkimi – Shkëndija e Haraçinës me fillim në ora 16:30 dhe ndeshja në Kavadar Tikveshi – Vardari, do të zhvillohet në ora 17:00.
Shaban Sinani – TV KOha
Dy mundësit shqiptarë nga Shkupi, Rexhep Hajdari dhe Fati Vejseli, kanë fituar medalje të argjendta për Maqedoninë e Veriut në Lojërat Mesdhetare “Taranto 2026”.
Mundësit Rexhep Hajdari dhe Fati Vejseli kanë fituar medaljet e argjendit në kategorit e tyre në Lojërat Mesdhetare ‘’Taranto 2026 ‘’.
Rexhep Hajdari u mposht në finalen e kategorisë deri në 97 kilogramë, në stilin e lirë, me rezultat 6:0 nga Dauren Kurugliev i Greqisë. Kurugliev është me prejardhje nga Dagestani i Rusisë, ndërsa që nga viti 2023 garon për Greqinë.
Hajdari pati një paraqitje të mirë në garat e “Taranto 2026”, duke regjistruar dy fitore për të siguruar vendin në finale.
Medaljen e argjendtë e fitoi edhe Fati Vejseli, në kategorinë deri në 74 kilogramë. Mundësi shqiptar nga Shkupi nuk arriti ta përfundojë finalen ndaj Islam Dudaevit të Shqipërisë, pasi pësoi lëndim. Në momentin e ndërprerjes, Dudaev ishte në epërsi.
Vejseli kishte treguar formë të shkëlqyer gjatë garave, duke regjistruar tri fitore për të arritur deri në finalen e kategorisë së tij.
Me dy medaljet e argjendta të Hajdarit dhe Vejselit, Maqedonia e Veriut tashmë ka tri medalje në Lojërat Mesdhetare “Taranto 2026”. Përveç dy të argjendtave, vendi ka fituar edhe një medalje të bronztë, të cilën e siguroi Ahmad Magomedov, po ashtu në mundje
TETOVA NË VAPËN AFRIKANE – SI FRYMON QYTETI NË 40 GRADË?
DREJTORIA E GJIMNAZIT PËRGËNJESHTRON “LEVICËN”
BDI: Me dy vjet vonesë dhe 30 milionë euro më shtrenjtë, VLEN vazhdon projektin e BDI-së Shkup- Bllacë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
