Connect with us

Lajme nga vendi

Bllokada kufitare në Ballkan nga shoferët e kamionëve, kundërshtim ndaj sistemit të ri digjital të BE-së

Published

4 hours ago

on

Shoferët e kamionëve në disa vende të Ballkanit kanë ndërmarrë sërish aksione bllokuese në pikat kufitare, në shenjë proteste ndaj pasojave që, sipas tyre, po shkakton sistemi i ri digjital i Bashkimit Evropian për hyrje-daljet në hapësirën Shengen.

Protesta hyri të mërkurën (28 janar 2026) në ditën e tretë, duke prekur dhjetëra pikëkalime kufitare në Bosnje dhe Hercegovinë, Mal të Zi dhe Maqedoninë e Veriut. Aksione të ngjashme u shënuan edhe nga shoferët serbë, të cilët bllokuan kalimet drejt vendeve të BE-së, duke krijuar kolona të gjata kamionësh.

Situata më e rënduar u raportua në pikëkalimin Bajakovo, kalimi kryesor ndërmjet Kroacisë dhe Serbisë, ku, sipas policisë kufitare, kolona e kamionëve arriti një gjatësi rreth dy kilometra. Dhoma e Tregtisë dhe Industrisë së Serbisë (CCIS) paralajmëroi se ekonomitë e Ballkanit Perëndimor po pësojnë humbje ditore prej rreth 100 milionë eurosh nga vlera e eksporteve të bllokuara.

Arrestimet, shkaku kryesor i protestës

Aksionet janë koordinuar nga shoqatat e spedicionit, të cilat kundërshtojnë zbatimin e sistemit digjital Entry/Exit System (EES), në fuqi që nga tetori për shtetasit e vendeve joanëtare të BE-së. Ky sistem zëvendëson vulat tradicionale në pasaporta, duke regjistruar në mënyrë elektronike hyrje-daljet, të dhënat e udhëtimit dhe informacionet biometrike në një databazë të përbashkët për hapësirën Shengen. Qëllimi i tij është forcimi i kontrollit të kufijve të jashtëm të BE-së.

Advertisement

Sipas CCIS, protestat janë nxitur nga arrestimet e përsëritura të shoferëve që kanë tejkaluar rregullin e qëndrimit maksimal prej 90 ditësh brenda një periudhe 180-ditore në territorin e BE-së. Edhe pse kjo rregullore ka qenë në fuqi prej kohësh, sistemi EES ka mundësuar një zbatim më të rreptë dhe më të saktë të saj.

Organizatorët e protestës kanë bërë të ditur se bllokadat do të hiqen vetëm nëse hapen negociata për vendosjen e rregullave përjashtuese, të cilat do të garantonin shmangien e arrestimeve të shoferëve gjatë ushtrimit të aktivitetit të tyre profesional.

Reagimi i BE-së dhe rëndësia ekonomike e rajonit

Të hënën (26 janar 2026), një zëdhënës i Komisionit Evropian deklaroi se Brukseli është i informuar për shqetësimet e ngritura nga sektori i transportit dhe po e ndjek nga afër zhvillimin e situatës.

Sipas të dhënave zyrtare, Bashkimi Evropian mbetet partneri kryesor tregtar i vendeve të Ballkanit Perëndimor, duke përbërë rreth 60 për qind të volumit të përgjithshëm tregtar të rajonit. Vetëm gjatë vitit 2024, shkëmbimet tregtare të mallrave mes BE-së dhe Ballkanit Perëndimor arritën mbi 83 miliardë euro.

Advertisement

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Related Topics:
Advertisement

Lajme nga vendi

BDI: 40 milionë euro kredi, investim monoetnik që diskriminon nxënësit dhe studentët shqiptar

Published

7 minutes ago

on

January 29, 2026

By

Bashkimi Demokratik për Integrim (BDI) në një kumtesë për media thotë se e dënon ashpër vendimin e qeverisë për marrjen e kredisë prej 40 milionë euro për ndërtimin dhe renovimin e shkollave dhe konvikteve, e cila sipas BDI-së, në mënyrë të qëllimshme dhe të papranueshme është orientuar pothuajse tërësisht në qytetet maqedone.

“Investimet në arsim janë të mirëseardhura dhe të domosdoshme, por ato duhet të jenë të drejta, gjithëpërfshirëse dhe të balancuara, duke reflektuar realitetin multietnik të shtetit dhe nevojat reale të të gjithë qytetarëve. Përjashtimi i shkollave dhe konvikteve me nxënës shqiptarë nga projektet kapitale në arsim përbën diskriminim institucional dhe shkelje të parimit të barazisë”.

“Ky vendim nuk është as rastësi dhe as gabim teknik – është politikë e pastër diskriminuese, e cila synon të përjashtojë komunat shqiptare nga investimet kapitale dhe të rikthejë praktikat e vjetra të ndarjes etnike të buxhetit shtetëror”.

BDI kërkon publikimin e menjëhershëm të listës së projekteve përfituese; sqarimin e kritereve të ndarjes së mjeteve; nëse kjo padrejtësi vazhdon, qeveria mban përgjegjësi të plotë politike dhe morale për thellimin e ndarjeve në vend.

Continue Reading

Lajme nga vendi

Protesta e LSM-së, Mickoski: LSM-ja refuzoi rritjen prej 40%

Published

17 minutes ago

on

January 29, 2026

By

Pas protestave të Lidhjes së Sindikatave të Maqedonisë për rritjen e pagës minimale nga 397 euro në 600 euro, nuk kanë pushuar reagimet e partive politike, por edhe të vet sindikatave. Nga VMRO-DPMNE-ja kanë akuzuar kryetarin e Lidhjes së Sindikatave, Sllobodan Trendafillov, se ky i fundit hodhi poshtë një rritje të pagave prej 40 për qind në 2 vitet e ardhshme, vendim që ishte në dëm të punëtorëve. Ndërsa, Kryeministri e ritheksoi se ai përkrah çdo zgjidhje që do të arrijnë punëdhënësit dhe Lidhja e Sindikatave të Punëtorëve.
“Ne u ofruam vitin e kaluar dhe këtë ja po e bëj publike, ofertë kjo e cila akoma është e hapur në tavolinë, që përfshin nga paga për muajin mars të vitit 2026 deri në mars të vitit 2028. Kjo tregon se, që nga muaji prill i këtij viti deri në muajin prill të vitit 2028, rritja e pagave të jetë diku për 40 për qind, por nga LSM-ja atë e refuzuan.”, – deklaroi kryeministri, Hristijan Mickoski.
LSM: Pagë minimale 600 euro
Por, nga LSM-ja kanë hedhur poshtë këtë pohim dhe shprehen të gatshëm të nënshkruajnë një marrëveshje të re kolektive, por nëse nuk ka rritje të pagës minimale protestat do të vazhdojnë. Nga Lidhja e Sindikatave nuk kanë ndërmend të heqin dorë nga kërkesat e tyre dhe se rritja e pagës minimale në 600 euro është vijë e fundit e tolerancës.
“Që nesër le të vijnë Qeveria, Kryeministri, Ministri i Financave, Ministri i Punës apo dikush tjetër, po ju them se menjëherë do ta nënshkruaj një marrëveshje të tillë kolektive dhe do t’i presim me vulë dhe me stilolaps në duar. Opinionit duhet t’i tregohet drejt, se një marrëveshje të tillë kolektive nuk kemi pasur asnjëherë në tavolinë. Lëshime mund të bëhen vetëm në rritje të pagës minimale, por jo edhe të ulet, 600 euro është vija e fundit e kuqe, ku ne si LSM do të pranojmë të bisedojmë, mund të flasim për 650 apo 700.”, – theksoi Tërpe Deanoski nga LSM.
Organizata e punëdhënësve kundër LSM-së
Por, Angel Dimitrov nga Organizata e Punëdhënësve, kanë pohuar se kjo kërkesë e LSM-së është e pabazë.
“36 mijë denarë paraqet rritje prej 47 për qind të pagës së tanishme minimale, dhe kjo nuk bazohet në asnjë kriter ekonomik. Në vend nuk ka pasur rritje prej 47 për qind të asnjë produkti ose lëmie, prandaj kërkesat e tyre janë të pabaza. Direktivat evropiane parashohin që tek vendet anëtare paga minimale të sillet rreth 50 për qind nga paga mesatare.”, – u shpreh kryetari i Organizatës së Punëdhënësve, Angel Dimitrov.
LSDM-ja ofron zgjidhje të reja ligjore
Përderisa Qeveria çështjen e rritjes së pagës minimale e hedh tek Sindikata e Punëdhënësve dhe Lidhjes së Sindikatave, nga partia opozitare LSDM kanë dhënë propozim-ligje, të cilat do të dorëzohen në Kuvend.
“Ne kemi përgatitur zgjidhje të reja ligjore, të cilat do t’i dorëzojmë në Kuvend, do të kërkojmë që paga minimale të rritet në 600 euro, si dhe ngrirje të pagave të funksionarëve. Këtë propozim-ligj do t’ia dërgojmë Lidhjes së Sindikatave, dhe ta analizojnë, apo nëse kanë sugjerime.”, – deklaroi lideri i LSDM-së, Venko Filipçe.
Të dhënat zyrtare treguan se midis 25.000 dhe 35.000 punëtorë marrin pagën minimale ose një pagë më të ulët se minimumi i përcaktuar me ligj. Për më tepër, ajo që i shqetëson sindikalistët është struktura e pagave në gjysmën e parë të vitit 2025. Të dhënat thonë se deri në 33.5% e punonjësve morën një pagë më të ulët se 30.000 denarë, ndërsa 73% e punëtorëve morën një pagë nën mesataren. FITIM KRYEZIU
Continue Reading

Lajme nga vendi

Kush dhe ku u reklamua më shumë gjatë zgjedhjeve të përsëritura në katër komuna, doli raporti

Published

2 hours ago

on

January 29, 2026

By

Аgjencia për Shërbime Mediatike Audio dhe Audiovizuele ka përgatitur raportin mbi mbi transmetimin e reklamave politike me pagesë gjatë kohës së fushatës zgjedhore për Zgjedhjet e përsëritura për kryetar të Komunës së Gostivarit, Komunës së Vrapçishtit, Komunës Mavrovë dhe Rostushë dhe Komunës Qendër Zhupë, në periudhën nga 22 dhjetor 2025 deri më 9 janar 2026, transmeton Portalb.mk.

Nga 18 transmetues (13 ТV dhe 5 RA) të regjistruar në Regjistrin e Komisionit Shtetëror Zgjedhor për transmetim të RPP për Zgjedhjet e përsëritura lokale 2026, gjithsej 9 transmetues: 7 televizione dhe 2 radio, lidhën kontratë me pjesëmarrësit në fushatë për transmetimin e RPP.

Në 7 televizione së bashku u transmetuan gjithsej 20 orë 1 minutë dhe 45 sekonda reklama politike me pagesë, ndërsa në dy radio së bashku u transmetua gjithsej 4 orë 18 minuta dhe 29 sekonda RPP. Gjithsej në të gjitha radiot dhe televizionet u transmetuan 24 orë 20 minuta dhe 14 sekonda reklama politike me pagesë.

Hapësirë më të madhe të kohës për reklama u transmetua nga televizionet lokale ТV G-ТV (6 orë 49 minuta dhe 21 sekonda) dhe TV Dy (5 orë 57 minuta dhe 42 sekonda). Nga dy radiot lokale që lidhën kontratë për transmetim të RPP, Radio Kometa 2000 (Radio XHI) transmetoi 2 orë 24 minuta dhe 24 sekonda, ndërsa Radio 7, 1 orë 54 minuta dhe 5 sekonda RPP.

Nga të gjithë transmetuesit së bashku, kohë më të gjatë morri Koalicioni i Aleancës Kombëtare për Integrim – AKI (16 orë 44 minuta dhe 18 sekonda), ndjekur nga Koalicioni VLEN (7 orë 9 minuta dhe 36 sekonda). Коalicioni i udhëhequr nga LSDM ka marrë hapësirë vetëm në TV Kanal 5 (26 minuta dhe 20 sekonda).

Advertisement

Koalicioni i udhëhequr nga VMRO-DPMNE, Partia Demokratike e Turqve në Maqedoni dhe kandidati i pavarur Zuljhajrat Demiri kanë vendosur në këtë fushatë zgjedhore kurrsesi të mos marrin hapësirë për transmetimin e RPP në programet e radiodifuzerëve

Të dhënat në raport u morën nëpërmjet monitorimit të transmetimit të reklamave politike me pagesë të transmetuesve dhe gjithashtu u verifikuan nëpërmjet procedurës së konfirmimit të raporteve mbi shërbimet e realizuara nga transmetuesit.

Raporti mbi reklamat politike me pagesë të transmetuesve për Zgjedhje e përsërituara lokale 2026 është i disponueshëm në link.

Në Gostivar, Vrapçisht, Mavrovë Rostushë, Qendër Zhupë më 11 janar 2026 u mbajtën zgjedhje të përsëritura për kryetar komune pasi në rrethin e parë të zgjedhjeve të rregullta lokale më 19 tetor 2025 nuk u arrit cenzusi.

Advertisement
Continue Reading

Më të lexuarat