Lajme nga vendi
PROTESTA: LSM – DEPUTETËT BLLOKOJNË RRITJEN E PAGAVE!
Lidhja e Sindikatave të Maqedonisë, nisi protestën para Kuvendit duke bllokuar dy rrugët që cojnë drejt parlamentit për të detyruar deputetët që në këmbë të shkojnë në punë. Sindikalistët kërkojnë rritjen e pagës minimale në 600 euro dhe pagave tjera për 100 euro.
Në dy lokacione rreth Kuvendit, nga 21 punëtorë më flamuj dhe fishkëllima shprehën pakënaqësinë duke kërkuar nga deputetët që paga minimale të rritet në 600 euro kurse pagat tjera për 6000 denarë.
Punëtorët protestues dërguan mesazhin se deputetët janë ata që më shumë se një vit bllokojnë ligjin për rritjen e pagave minimale dhe se nuk duan ta pranojnë nismën e LSM-së për uljen e pagave të funksionarëve.
Kreu I LSM-së Slobodan Trendafilov deklaroi se shumë deputetë janë zgjuar më herët që para orës 9.00 të jenë në punë që të mos përballen me punëtorët për shkak se, sic tha, turpërohen nga ata.
“Turpërohen nga votuesit e tyre për shkak re refuzojnë ta rrisin pagën punëtore, kurse nga ana tjetër do të rritet jo vetëm për 9.2%, por 100 ose 120.000 denarët e tyre do të shtohen me 21% rritje tëp agave. Të jetë turpi më I madh ata janë të gatshëm që koeficientët e pagave të tyre ulin për 9%, vetëm që të mos rriten pagat e punëtorëve”
Sindikalistët kërkuan nga deputetët që në seancë parlamentare të propozojnë rritjen e pagës minimale mnë 600 euro dhe pagat tjera punëtore për 6.000 denarë dhe nëse këtë nuk e bëjnë, sipas LSM-së, do të mbledhin 10.000 nënshkrime dhe do të propozojnë uljen e pagave të funksionarëve.
Sipas paralajmërimeve, punëtorët të enjten në këtë mënyrë do ta bllokojnë Odën Ekonomike, kurse për të martën e ardhshme edhe Qeverinë.
LSM-ja vlerësoi se për ditën e sotme deputetët nuk guxojnë të kërkojnë harxhime të rrugës duke paralajmëruar se do ta kërkojnë raportin nga Kuvendi se cili deputet ka kërkuar t`I mbulohen harxhimet e rrugës.
Lajme nga vendi
86-vjeçarin nga Gostivari e mashtrojnë dhe i marrin 5,600 denarë nga llogaria bankare
86-vjeçari nga Gostivari ka denoncuar në polici se më 6 shkurt dy persona e kanë mashtruar, ku edhe i kanë marrë 5,600 denarë nga llogaria bankare. 86-vjeçari ka thënë se ata rrejshëm e kanë informuar se nuk ka mjete në llogari dhe i kanë kthyer kartelën ndërkohë që kundërligjshme kanë tërhequr paratë nga llogaria e tij.
“Më 09.02.2026 në ora 13:30 në DPB Gostivar, një 86-vjeçar nga një fshat i Gostivarit ka denoncuar se më 06.02.2026 rreth orës 14:00 është mashtruar nga dy persona meshkuj para një bankomati në Gostivar. Sipas denoncimit, autorët kanë shfrytëzuar gjendjen e tij shëndetësore dhe vështirësitë në komunikim, me ç’rast rrejshëm e kanë informuar se nuk ka mjete në llogari dhe i kanë kthyer kartelën, e më pas në mënyrë të kundërligjshme kanë tërhequr 5.600 denarë nga llogaria e tij. Po ndërmerren masa për zbardhjen dhe dokumentimin e rastit”, thuhet në njoftimin e policisë.
Lajme nga vendi
Mickoski: S’do të befasohesha nëse vijmë edhe deri te 100 tonë marihuanë të sekuestruar! Çështja do të jetë shumë më e madhe
Kryeministri Hristijan Mickoski paralajmëroi kontrolle shtesë nëpër kompanitë që merren me prodhimin e kanabisit mjekësor. I pyetur sasa marihuanë është sekuestruar nga aksionet e fundit, Mickoski tha:
“Disa dhjetëra tonë, nuk do të befasohesha nëse vijmë edhe deri te 100 tonë marihuanë të sekuestruar”, tha Mickoski.
I pyetur se kush ka qenë ministër i Shëndetësisë gjatë periudhës kur këto kompani kanë marrë licencë, Mickoski tha:
“Dihet kush ka qenë. Mund të paramendoni që në periudhë të caktuar ministër atje është edhe Venko Filipçe, por licencat janë punë tjetër. Puna e dytë është se është sjellë rregullore që është akt nën ligjor, me të cilin lejohet të prodhohet lule kanabisi, që nuk i plotëson normat GMP, dhe këtë kanë qenë të vetëdijshëm që e kanë bërë dhe nëse nuk i plotësojnë ato norma, është e logjikshme se gjatë përdorimit të ekstraktit nuk mund të licencohet dhe të gjendet në…të lëshohet për shitje”, tha Mickoski.
Kryeministri tha se janë siguruar shumë prova për këtë skandal dhe se “çështja do të jetë shumë më e madhe”.
“Kjo është vetëm fillimi, është vetëm fillimi nga ajo që e kemi si indikacione, por edhe nga ajo që MPB po e bën në hetim, disa celularë, disa biseda, dhe kështu me radhë, prova të tjera. Çështja do të jetë shumë më e madhe, shumë më e madhe”, theksoi Mickoski.
Lajme nga vendi
Kasami në takim me studentët: Provimi i jurisprudencës do jepet edhe në gjuhën shqipe
Kryetari i komunës së Tetovës dhe njëri nga liderët e koalicionit VLEN, Bilall Kasami, ka realizuar takim me nismëtarët e iniciativës për dhënien e jurisprudencës në gjuhën shqipe. Kasami thotë se ka siguruar studentët që provimi në fjalë do të mbahet edhe në gjuhën shqipe.
“Bashkë me zv/kryetarin Albi Qamili, mirëpritëm sot nismëtarët e iniciativës për dhënien e provimit të jurisprudencës në gjuhën shqipe, në krye me studentin Mevlan Ademi.
Diskutuam gjerësisht për këtë problematikë dhe e sigurova sërish se provimi i jurisprudencës do të jepet edhe në gjuhën shqipe. Shumë shpejt kjo çështje do të marrë edhe zgjidhje adekuate ligjore.
Përkrahim studentët në këtë iniciativë dhe do të përkujdesemi që Kushtetuta të zbatohet në çdo fushë”, ka shkruar Kasami.
Haxhi Shala lirohet nga burgu në Hagë
86-vjeçarin nga Gostivari e mashtrojnë dhe i marrin 5,600 denarë nga llogaria bankare
Mickoski: S’do të befasohesha nëse vijmë edhe deri te 100 tonë marihuanë të sekuestruar! Çështja do të jetë shumë më e madhe
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
